الى ثاني الدهمشي....
 

يبقى الشاعر شاعر مهما سُلـِـبت شاعريته ظلماً و عدوانا..

و الشاعر في نظري اسمى من الشعر ذاته..

و يبقى ما قدمه الشاعر ثاني الدهمشي في ابو ظبي
فخر للشعر و للشعراء بالمستوى الشعري المتميز
و الأخلاق الراقيه و الحضور الزاهي ...

فكانت هذه يا ثاني الدهمشي .. رغم قصورها في حقك و انا اخوك...

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغيم كنز السما و الارض جوع و فقر=يالله تلقـّح لنا هذي بهذي سيول
اهل الكفوف الفقيره يحترقها الصبر=حتى الوجيه اعتراها من حَـزَنـْها خمول
لبيك يا الله و ذنوب البشر فـ/البشر=لبيك و اغفر ذنوب ٍ فـ/المداين تجول
لو كان لون الحسد قاتم و لونه حمر=لكن رحمتك؟.. من رحمتك فينا, تطول
البارحه و الخيوط اتمـدّني للفجر=تفتلني افكارها و اصبحت منها فتول
ما لي من الامها قدام عيني عذر=حتى ايش لو الجفن مما حداني زعول
مما سكن في رحاب الصدر ضاق الصدر=و المشتكى دون وجه الله ذِل الحلول
طاحت جباه الشعر من فوق عرش الشعر=و اتـّـوّجوا بالشعر من يضربون الطبول
ليت الوجيه الثلاث تموت عطشا نهر=احسن لها من حياةٍ ما رواها القبول
لعيون بنت الجمال!!!.. يستاء وجه الفخر=وْمِن طيحة الفحل نازت للمعالي ذلول
اللي ربت باسمها فوق الثلاث الحُمُر=سمّت على اشنابهم و ارخت عليها تـ.....
يا ثاني الدهمشي لله فينا الامر=صحيح نص البشر مسكونة ٍ بالذهول
حضرت كلك شموخ ٍ هز عرش القمر=وْسطـّرت معنى الرساله للشعر يا رسول
انت الكبير ان تقدّم لك كبير ٍ صَغـَـر=و انت الصحيح ان تسبب بالخطا لك خبول
و انت الشعر لانفتل للشعر شطر و شطر=و انت انهمار المعاني فـ/ المحافل هَـطول
و انت البطل لادّعى من لا يعرف النصر=في عين جالوت يا الظاهر هزمت المغول
حنا معك يا الخوي و الفـَخـْر يا ذا الفَـخـَر=باسمك مسطـّر مع الويلان دهم الخيول
لا تأسفنّ الزمانْ ان شدّ حيل القهر=اِقـدِم على مقبل الايام يا ابن الزحول
و اليا عطتك الليالي من عناها ظـَـهـَـر=اخزم على خشمها يا الدهمشي بالقفول
و اخير من شاعر المليون سجدة سـَـحـَـر=في جاه حق العزيز و فالها بالقبول
[/poem]

الله الله يا بومهنا

يسعد مساك وحياك مولاك

الحقيقه ثاني الدهمشي شاعر جميل وسيبقى جميل بعون الله
والحقيقه الاخرى كل البرامج والمسابقات في الشعر وفي غيره لها حسابات اعلاميه وتدخلات تكتيكيه لاتخفى على ابسط العقول المتابعه .. وبلا شك ليست مقياسا على مستويات المشاركين

يستاهل والله ثاني هذه الابيات الجميله
ولو استغنيت عن البيت ابو ( .... ) لزاد جمالها جمال


و اخير من شاعر المليون سجـدة سَحَـر
في جاه حـق العزيـز و فالهـا بالقبـول

بيت القصيد


صح لسانك مدد ،،

..

ش. س
و اخير من شاعر المليون سجـدة سَحَـر
في جاه حـق العزيـز و فالهـا بالقبـول


ياسلالالالام عليك ..


صح لسانك يابو مهنا ..



لك فائق احترامي وتقديري ...!!

صح لسانك وانا اوافق اخوي سداح على البيت اللي اعتقد لو ماكان موجود كان اكتملت هذي الدره




شفق انت مبدع الله يحفظك



تقبل مروري ...

صح لسانك وانا اوافق اخوي سداح على البيت اللي اعتقد لو ماكان موجود كان اكتملت هذي الدره




شفق انت مبدع الله يحفظك والشاعر ثاني الدهمشي صديق وعزيز علينا ويستاهل المدح



تقبل مروري ...

ابو مهنا





والله ابيات رايقه







ماعليها كلام ابد ................. صح السانك لين ترضى

الغيم كنز السما و الارض جـوع و فقـر
يالله تلقّـح لنـا هـذي بهـذي سـيـول
اهل الكفوف الفقيـره يحترقهـا الصبـر
حتى الوجيه اعتراها من حَزَنْهـا خمـول
لبيك يا الله و ذنـوب البشـر ف/البشـر
لبيك و اغفر ذنوب ٍ ف/المدايـن تجـول



أبومهنّا


مرحباااا بك وبالشعر

تشكر على كل هذا الوفاء تجاه زميلنا المبدع ثاني الدهمشي


صح لسانك
صح لسانك
صح لسانك

الله عليك يا شفق
وعلى الوفاء تجاه زملينا وحبيبنا ثاني الدهمشي
والذي لا يستغرب منك

فـ ثاني لم يخسر
بل كسبناه قبل البرنامج وبعده
فمازال الغالي والثمين
:)



صح اللسانك
صح اللسانك
صح اللسانك


ولاهنت ياالامير على النص الرائع ،
:)

الله الله الله , , ,

ماشاء الله عليك يا شفق , ,

موقف وفاء غير مستغرب منك , , وقصيدة رائعة كما هي عادتك . .

ثاني الدهمشي شاعر راقي وجميل , , ولعل خروجه خيره

الله يعطيك العافية يابو مهنا , ,

محبتي

و اخير من شاعر المليون سجـدة سَحَـر
في جاه حـق العزيـز و فالهـا بالقبـول

لا هنت ياشفق

يا مرحبا يا سداح

يا مرحبا تراحيب المطر و انا اخوك


اصلاً حضورك في أول القائمه هو مصدر فخري و اعتزازي و انا اخوك...

فالله يبيض وجهك و انا اخوك و رحم ثنين ٍ عقبوك..


أما آليات البرنامج و التي لا تخفى على أحد... و تكتيكاته و حساباته...
فأنا كذلك لي آليات و تكتيكات و حسابات :)


أما بخصوص البيت ابو ( ..... ) فيعلم الله انه هو بيت القصيد الفعلي ...
و القصيده لو ما تربّعت بهذا البيت ما اشوفها أدت احد اهم رسائلها المهمه..


اما بخصوص البيت الذي اقتبسته فأعتقد ان افضل مسمى له هو مسك القصيده...


تحياتي عمي و الف الف الف شكر على حضورك و متابعتك



اخوكم


ش. س.

يا مرحبا يا ابو جميل...

و صح بدنك و انا اخوك...

حضرك تشريف لاخوك و انا اخوك...


تحياتي و محبتي


و قبل لاطلع قل لراعي ( بذّت غيب ) علومه مصلّحه...:)



اخوكم



ش. س.

يا مرحبا يا طلال

يا مرحبا

يا مرحبا


حضورك تشريف لاخوك و انا اخوك


احترم وجهة نظرك و وجهة نظر اخوي الكبير سداح

مع وجهة نظري تقول أن القصيده بدون هذا البيت تكون قد خسرت أهم
ركائزها الأساسيه التي بنيت عليها هذا القصيده. :)


تحياتي و تقديري و محبتي


اخوكم


ش. س.

يا مرحبا تراحيب السعد يا ابو عبدالله


حضورك ملّك أخيك ما بين السماء و الأرض


شكراً على حضورك الذي اسعدني بإسمك



اخوكم


ش. س.

الغالي و السامي المتسامي فهد بن عبدان


حضورك بحد ذاته هو المكسب و هو الذي افاخر به لا عدمتك


الف شكر على حضورك و انا اخوك و بيض الله وجهك


و صح بدنك لا عدمتك يا بعدهم


اخوكم



ش. س.

هلا هيل عد السيل يا النايف نايف

حضورك هو حضور السعد..

و تواجد اسمك هو المكسب يا غيموري :)


و أخي الغالي ثاني الدهمشي يستحق أكثر و أكثر
لأنه لو لم يملكنا بأخلاقه و طيبته و شعره ما ملك مننا حرف واحد...

نحن نعرف آليات هذه المسابقات.. و هم يجب ان يعرفوا نتائج هذه الآليات...
و ايضاً نحن لنا آليات و معايير خاصه و سياسات تجاه مثل هذه البرامج... يجب ان يتفهمها الآخرون :):)


تحياتي عمي



اخوكم


ش. س.