الإيميــــــل
 

[align=center]أسعد الله أوقاتكم بكل خير

إذا كان اغلب الشعراء في الوقت الحاضر يسعون إلى تطوير القصيده وتحديث المفرده

فإن هذا لا يلغي جمال النهج التقليدي في صياغة القصيده , فالشعر هو الشعر قديمه وحديثه , ما دام يعبر عن مشاعرنا

والنهج الذي لا يعجب شخصا قد يرضي ذائقة شخص آخر

وكما يقال : لولا اختلاف الأذواق لكسدت الأسواق





.

.[/align][poem=font="Arial,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
راكب اللي طالع مْْن المصنع الياباني=جيب لكزس لونه اللولي يداوي العله

لا نظرتَه تندهش من شكله الفتاني=يشبه لـْقطعة زمرد بالندى مبتله

وان مشى فالخط ْ تقول مركباً جنحاني=كمْ مسافرْ عالطريق النايد اشفى غله

صانعه ما هوب لا مسلم ولا نصراني=ملحدْ وْمحْداً جهل باخلاقه المنحله

ما يداوم مصنعه متأخر وكسلاني=ما اسهره لعب البلوت ولا اشغلتْه الشله

لا اندمج في الشغـْـل ينسى كل شياً ثاني=لو يموت احد اخوياه اظن ما يفطن له

لين يبدع جيباً امصمم بكل اتقاني=جيب له طلة فخامهْ , ما هي اية طله

جيب من شافه عليه يعض بالاسناني=من بغى ملكيته سيف الدراهم سله

ما شراه اللي من الاسهم غدا طفراني=ما شراه الا رجل ما ذاق فقر وقله

لو ركبْه الكادح المتدين الكحياني=ماني المسؤول لو يحصل لعقله خله

قم وشغل موترك بسم الله الرحماني=واعط خط السيل دربا تعرفه وتدله

ولا وصلت الطايف احذر تخطي العنواني=لا تلفّت لين تنصا الزايدي ضيف الله

صاحبٍ له مجلسٍ مدهال للضيفاني=مجلسٍ من جاه لو يقعد شهر ما مله

ما دخلْه الا قروم الناس والشيخاني=ما تحصّل فيه هرجة زور والا زله

صاحبٍ له منزلٍ عندي رفيع الشاني=منزلٍ عالي قليل من العرب ياصل له

بلّغه مني سلام الشكر والعرفاني=واقلط المجلس وتلقى العود قبل الدله

وبعد تشرب ما كِتب من دلة الرسلاني=اعطه عْلومي وخذ علمه بعَدْها قله

وش حصل يومك ترد بكلمة استهجاني=والامر عادي محد ينقدْه او يزعل له

أَطلب الايميل لاني مذنب وْلا جاني=الحضاره عالبشر بستان وارف ظله

إقبل الموضوع والا رد لي باحساني=علم جاك اما خذه بالطيب والا خله

والا انا ما نيب لا راضي ولا زعلاني=كم سؤال يمر ما استغرب طريقة حله

نفسي الكبرى اتعبت تكويني الجسماني=لين خاطت لي من ثياب المراجل حله

ما تطبعت بطباع وعادة الحـ. . اني=ولا تبعت اللي بلا مذهب ولا له مله

مقتفي سنة محمد خاتم الادياني=من تبعها شرط باب النار ما يدخل له

ومقتدي بسلوم ابوي وخالي وجداني=ما بخالف سلمهم لو راح عمري كله

والله ان ابوي بعلوم العرب وصاني=أنحر الصف الامامي وآصله واحتله

والرجل بافعاله وطيبه مع الظفراني=ماهو بْكثر الرصيد وموتره والفله

وانت لك صحبه معي عالعز يا ذيباني=ما انبنت عـ الشك والا الكذب والا الذله

ازملا واصحاب وان تبغى الصحيح اخواني=الوفا ما بيننا خيّمْ قَبِل نأذن له

والختام إقبل تحيه ريحها الريحاني=تبهج القلب الحزين وتبري مْن العله[/poem]

[align=center].

.[/align]

لا انلجم فوك يا احمد

وصف ابداع وامتاع



صح كلك ...

صح لسانك يا احمد

وسلمت ولاهنت على هالقصيده الجزيله .




اعجاب وتحيه .

صح بدنك يا عبدالرحمن

تشرفت بتواجدك

ومنتظر عودتك

يا كحيلان

.

.

الله عليك يا احمد الحارثي

مبدع مبدع وربي

صح لسانك

صح لسانك يالحارثي مبدع

ولايستغرب الجزاله من شعراء بني حارث

صح بدنك يا محمد

تشرف متصفحي المتواضع بتواجدك

دمت بخير يا الغالي

.

.

:

أسعد الله أيامك ولياليك
أخي الكريم احمد صح الله لسانك ولاهنت على الأبيات الجزلة ..
دمت بكل الخيـر ..

نفسـي الكبـرى اتعبـت تكوينـي الجسمانـي
ليـن خاطـت لـي مـن ثيـاب المراجـل حـلـه



صح لساااانك يا أحمد


قصيده رائعة ومميزة ماشاء الله عليك ان بغينا تقليدي وان بغينا حداثي :)



تحيتي لك

أحمد رده

شكرا على هذه الجزله

قصيده تدل على تمكن شاعرها

صح لسانك
وسلم بنانك


وفي انتظار جديدك





تحياتي،،

صح بدنك يا كحيلان

والابداع تواجدك الرائع

تقديري

أَطـلـب الايمـيـل لانــي مـذنــب وْلا جـانــي
الحـضـاره عالبـشـر بسـتـان وارف ظـلــه
إقـبـل المـوضـوع والا رد لـــي باحـسـانـي
عـلـم جــاك امــا خــذه بالطـيـب والا خـلـه


عز الله انها وافيه كافيه شافيه

من وافي

ان بغيناها حداثي وان بغيناها على التقليدي

صح لسانك يا احمد مدد صح لسانك حتى ترضى

تقبل مروري

غاية الروعة يا احمد


صح لسانك ولا عدمنا ابداعك

والله إنك مبدع في كل حالاتك يااحمد ..

صح فكر نظم هذا الشعر يابو فارس ..

محبتي لكـــ:)

عز الله انك شاعر مبدع بمعنى الكلمه


واطرب مع قصيدك يا احمد الحارثي

صح لسانك وانا اخوك

مع وافر الاعجاب ،،

..