][ نــــــــجــــــــديــــــــــات ][
 

بدون مقدمااااات

الله يحيي الجميـــع


:wardah:








[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاوالله اللي غدينا ماش = مع درب تتسي وفرزانه
تتسي تقول انتبه للشاش = وفرزانه تقول طفشانه
وسوكو تسولف مع افريتاش = تقول نفرات جنجانه
وانا اقول الزمن غشاش = ماترفع البيت سيسانه
هذا وانا وقفٍ منداش = من الصبح والنفس تعبانه
لابه كراسي ولاش فراش = والناس فالسيب مليانه
محدٍ معه كيمره وفلاش = يلقط لنا صورةٍ زانه
صوره تعبر عن الاوباش = يشوفها الكنق واخوانه
هذا زمن النذل واللاش = ماعاد للطيب اي خانه
راحت علينا يابو حناش = وان طعتني غن دندانه [/poem]



:)

[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرت علي الذكريات القديمـه = واتكدر الخاطر وهلت دموعـي
ايـام والله يازمانـي عظيمـه = مطبوعةٍ فالراس وقت الرجوعي
عشرين عام وكنها ظل غيْمـه = واحلى مافيها عصر يوم الربوعي [/poem]





:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مانيب قايل افـا ولا وش الحاصـل = يوم انك تشوفني لكنـك مطنـش
واصل على اللي براسك ياغلا واصل = وان كان ودك تفنش قول وافنـش
ماهوب فاصل غلا واقول لك فاصل = هذي جروح الخفوق وكلها منـش
والحب ياصاحبي يحتـاج لمواصـل = خايف ظنوني تخيب اليوم في ظنـش [/poem]





! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله مدري صرت احب الحديقه = مغير اشـاهد وردهـا والزهوري
حتى عشقت الورد واعشق رحيقه = واصبح معي في غيبتي وبحضوري
مدري جنـون الحـب هذا طريقه = ولا بعـد يكـذب عليـه شعـوري
تـايه مابين الحـلم ويـا الحقيقه = واخاف لـغرق في ظلام البحوري
والقلب ولـع في ضلوعي حريقه = وانتـه ولاهمك تعيـش بسروري
مدري تبا تفهـم علي العـريقه = ولايضيع العـلم بيـن السطـوري
ودي تشوف اللي بوسط الوثيقه = يـامن يعلمهـا ضروري ضروري [/poem]




! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابسألك ليه تتغلين = وانتي تعرفين ماضينا
القلب يالنون به جرحين = جرحك وجرح الزمن فينا
يعني بلاش الغلا يازين = وللحب والشوق ردينا
لو كان غبتي ثلاث سنين = ماني بناسي ليالينا
كم قلتلك ياكحيل العين = الحب وسط الشرايينا
ايام كنا يانون اثنين = فالناس محدٍ يحالينا
واليوم انا وين وانتي وين = من دونك الدم حادينا
هذا وانا داري وتدرين = باللي حصل للمحبينا
كم واحدٍ ذا مر البين = وفارق حبيبه من سنينا
اقولها قبل لاتسرين = البيت الاخير يكفينا
انتي حبيبة خفوقي لين = نموت والناس تبكينا [/poem]




:woow55:

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من بعد خمس سنين ياصاحبي جيت = للموعد المعروف بيني وبينك
وقمت اتذكر مامضى وقلت ياليت = عيني بلحظه بس تنظر لعينك
في شاطي . . . . ماهوب فالبيت = كم مرةٍ يدي تلامس يدينك
وكل ما اركز فيك ياحلو صديت = واقول ماشاء الله حبيبي يازينك
واليوم من قفيت عني وقفيت = لاتقول لي وينك ولا اقول وينك
لكن حبك حي لو خافقي ميت = باقي على طول الدهر مع ضنينك[/poem]





! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياظالمه وان كان عندك كلام = خل الكلام يموت لاتنطقينه
الحب مات ولابقى غير الاوهام = ويوم العزى لابد ماتحضرينه [/poem]




!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احيا واموت وعزتي راس مالي = عهدٍ على نفسي بنفسي خذيته
من باعني بعته ولو كان غالي = وليا شراني عقبها ماشريته
هذا نظامي لو تطول الليالي = ابقى جبل مايوم راسي حنيته [/poem]




:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
النصر لامن لعـب تعجبني الكوره = واقوم اصفق لنصر العـز طرباني
يسوى جميع الفرق لو كان مشهوره = نصـر الجزيره فخرنا كـل الازماني
النصـر نص السعوديين جمهوره = حتيش لـو يكذبون فـلان وفلاني
في كل ملعب سعودي شاهد حضوره = ياهل الصحافه ترى التزوير مجاني
من قبل ماجد وجيله قد بدا دوره = دايم وحـنا لنـا الكيسان عنـواني
والحمدلله وبعـض الناس مقهـوره = تمـوت في قهرها مع كـل شيطاني[/poem]




:)

:)

:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبى عفيف ومن سكنها من الناس = احلى مدينه وسط شبه الجزيره
مدينةٍ تسوى فينّا وتكساس = لو كان مافيها غابات وبحيره
لكن فيها احفاد من يلبس الطاس = يوم الحروب الطاحنه والخطيره
ياما جرى فيها على قب الافراس = واجدادنا اهل السيوف الشطيره
عاشوا على عز ومعزه ونوماس = وماتوا على كل العلوم السفيره
ومدينتي من صيتها ترفع الراس = وفي خافقي تسوى ثمانين ديره
احبها من قلب وشعور واحساس = حبٍ ماهو حب الهنوف وسميره
حبٍ من اعماقي عى غير مقياس = لو كان غبنا فالسنين الاخيره [/poem]



:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياظالمـه وان كـان عـنـدك كــلام = خــل الـكـلام يـمـوت لاتنطقـيـنـه
الحب مات ولابقى غير الاوهام = ويــوم الـعـزى لابـــد ماتحضـريـنـه
ماعاد لك شيٍ معي كود الاحلام = ولا ترى الواقع بعيده سنينه
يقولها قلبٍ له سنين منضام = ماعاش معك الا الحياه الحزينه
روحي فمان الله لو غبتي اعوام = ومسامحك والله عن كل شينه [/poem]






! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ماقلت اعشقك لي كم عـام = قالـت انتـه ياحبيبـي ماتمـون
حبهـا فالقلـب بانلـه خيـام = في صحاري خافقي قصر وحصون
سافرت عني جنوب ورحت شام = وتركتني فـي همومـي ومغبـون
والله اكبر كـل مانـاح الحمـام = زادت بقلبي من الفرقـا طعـون
[/poem]




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
! ! ! [/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو كانها تنشد عن الحال ياعماد = ماشفت حالي ذابلٍ كنه العود
اسهر طوال الليل والجرح يزداد = مغير انا والنت والعالم رقود
من شانها لكن ياعماد مافاد = ماشفت غير الصد ياعماد وجحود [/poem]





!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان كان بعض الناس مايحكم القاف = حنا حكمنا نجد قبل القوافي
افعالنا في كل وادي ومشراف = عشنا بمعزه ياوجيه الضعافي
والشعر حنا سادته ياهل الانصاف = تاريخ واضح ماعليه اختلافي
واليوم كلٍ صار راوي وعراف = روح زمانك يالكريم السنافي [/poem]



:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلاص حنا كبرنا يااريش العيني = والوقت شيبنا من حاله الـ / حاله
والحب ماهو لنا لو كان توحيني = الحب للي تحت عشرين واجياله [/poem]





! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من بعد صدفه كلامك شافته عيني = وحـبيت اردلك ماقلتيه بلسـاني
مـن بعد احبك وبعد انتي تحبيني = اذكـرك بالحقايق دون نقصـاني
مـاخنت عهـد المحبه لـو تموتيني = والحب صنته على شانك على شاني
ياكم سهـرت الليالي لو تحسيني = ومن شان حبك تركت فلان وفلاني
ومن شان حبك بعد لوكان تدريني = طنشت غيرك وجيتك ما ابي ثاني
قلبك وشوفيه لو كانك تشوفيني = وش ذنب نايف لاصار الشك مجاني
لكن خساره بقربك ضاعت سنيني = بعتي حبيبك كذا مـن غير برهاني [/poem]




:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ايام كنا بدو والبدو حييني = مانسكن القصر نسكن دوم بخيامي
في عبلةٍ جوها ماهوب خافيني = تسوى صلاله وتسوى غوطة الشامي
في وسط نجد العذيه يوم يوميني = اخير من جلسه بلندن مية عامي
من الينوفي لواد الشبرم ايليني = واد الجرير وطلال لحد الاكوامي
احبها والمحبه في شراييني = من يومني ورع حتى تقوس عظامي [/poem]




:)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليوم يادنيا العجايـب يكفـي = ماعاد لي بالحب لو قيّل مغـرور
من يوم راحت نون عيني وشفي = خلاص قلبي صار ياناس مقبـور
والجمله اللي باقيـه فـي ملفـي = تكْفي خفوقي عن تجاريح وقصور [/poem]




!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا ترحيب يامهجـة الـروح = من وسط لندن لين حي السويدي
ارحب ياغالي واقلط القلب مفتوح = واجلس وكوع يابعد سيّد سيّـدي
واضيفك دله من الشوق وتفـوح = واقدع من عروقي وحل بوريـدي
انت القمر من طلتك صار مفضوح = وكل الكواكب في جمالك تشيـدي
وافي وغير الزين جذاب مملـوح = يفداك كل العمر واللـي تريـدي
امر تدلل صدري اليوم مشـروح = لجلك نّليـن كـل راسٍ عنيـدي [/poem]





! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الساعه الثالثه ياقلب وش باقي = والناس راحوا وكلٍ دور فراشه
الا انا ساهرٍ مع بعض الاوراقي = اشيل بيت واحطه وسط هالشاشه
من كثر همي تشوف السهر فاحداقي = دايم جروح الزمن فالقلب معتاشه[/poem]





!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زاد جور الزمن والقلب عيا يطيب = والجروح القديمه غاب دكتورهـا
كل جرحٍ قديم وكل جرحٍ عطيـب = والحقيقه حياتي غايـبٍ نورهـا [/poem]







!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ماشريت الجيب ادوّج فالحواري = مثل بعض الخلق من حاره لحاره
يعرف المطعم شوي ولا بخاري = حافظٍ كل التفاصيل بجداره
واكبر همومه يفحط فالكباري = وعكسته للخط هي كل الشطاره
ماشريته غير ابا اجوب الصحاري = واتمشى بين ضلع وبين قاره
في طرايق نجد في ذيك البراري = من سواحيق وطميه للخضاره
في فياضٍ مابها غير الخباري = هي طراة العمر هي راس التجاره[/poem]




:) :) :)