راكان بن قروش واسميه مزبان
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قصيده فالشيخ:راكان بن فهد بن قروش العجمي على مواقفه الرائعه والنبيله
******
****
**


بسم الاله المعتلي عالي الشان=الخالق المعبود رب البريه
اللي خلق خلقه على أشكال والوان=ويعلم بسر البينه والخفيه
في قدرته لاقال للشئ كن كان=وارسل من الرحمه لخلقه نبيه
ومن بعد ذكره للمثايل والالحان=اسرجت بالميدان بنت العبيه
وطبيت لي جوٍ من الشرد مليان=وقمت اتخير بين ذيه وذيه
مثايلٍ غيدٍ جزيلات وسمان=وهديتهن لمقدمين الهديه
اللي لهم في صفحة المجد عنوان=أهل الوفا والمرجله والحميه
يستاهل التقدير والمدح راكان=راع الكرم والطيب والشاذليه
راكان بن قروش واسميه مزبان=مزبان من ضاقت عليه الفضيه
أما فقير ضايقه حق ديان=والا سجينٍ قيدته القضيه
ذكره لمع بالطيب في كل الاوطان=جاه وجاه وسمعةٍ عالميه
وعضده نغيمش ملتجى كل بلشان=غيث تهله مزنةٍ عقربيه
يفرح به اللي يقضي الليل سهران=هو في نحيه والونس في نحيه
شبل الاسد ياقف مواقيف الاحسان=الراس طيب والهقاوي جريه
عيال ابن قروش سلايل كحيلان=اللي عزومه بالمواقف قويه
في ساحة الامجاد للزحل ميدان=في فزعته والسفره الحاتميه
يعتق رقاب ويعطي خيار قعدان=ماهوب من يعطي طفاس العطيه
من صعبت ظروفه وشاف الوضع شان=وضاقت عليه فجوج نجد العذيه
يزبن فهد ويشيل عنه بليهان=لو كان حمله كبر هضبة طميه
يفرح به اللي ماله ربوع واخوان=في موقفٍ صد الردي عن خويه
اخو هوّيا ظل في الوقت وكنان=من عزوة يردون حوض المنيه
عجمان مرجعهم ليام بن همدان=قمة فخر في الدين والجاهليه
ولاقول لي قولٍ على غير برهان=وقولٍ بلا برهان ماهوب ليّه
أبمدح الطيب ولانيب غلطان=وراع الوفا والطيب له مقدريه
والمدح بأهل الطيب من ماض الازمان=ونار آل قروش طول الايام حيه
[/poem]

والمدح بأهل الطيب من ماض الازمان

ونار آل قروش طـول الايـام حيـه

محسن الدوسري .. يستاهل المدح فاعلة ..

مدحت فأجزلت ،،

صح لسانك وتقبل كل الود

صح لسانك يامحسن الدوسري ..

كفو ..كفو ..

محبتي لك

صح بدنك ولاهنت على المرور اللي اعتبره شرف

يستااااااهلون ال قروش

علومهم غانمة


صح الله لسااااانك مدد يامحسن



تحياتي لك

الشاعر الكبير والقدير .. محسن الدوسري

يا مرحبا ومسهلا يا بوفالح والله يحييك
ومنوّر المرقاب

مدحت من هم اهل للمدح وكفو عز الله

ونعم تسرج بنت العبيّه وانت خيالها
بيض الله وجهك

وصح لسانك عدد حروفها ،،

..

مستور مرورك يشرفني طال عمرك