القليصة
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يوم أعتمت الأظلام والنور غابي=والنجم في سبره تجاذا بصيصه
حثيت رجلي في مهف الغرابي=حتى وطيت الداب ذابح قريصه
من نابه أدميت إصبعي تحت نابي=وصوتي تغرغر به عظام الفريصه
ذنبي لعله ماينقص ثوابي=خذيت لي من ضد روحي خصيصه
عيٍ يعاييني على كثر مابي=ويشل همي في مخابي قميصه
يرخي سموعه في لغا كل هابي=والناس في جرح المشاعر حريصه
يمرني ويقولها مادرابي=وأنا مانيب أرضى لنفسي نغيصه
لاوالذي حطه عناي وعذابي=الرخص من حظ الوجيه الرخيصه
أهل الجروم اللي تضد الثيابي=تباعة المقفي سواة القليصه
أطيبهم اللي بالسوالف مرابي=وإن وجبت مثل الثعالب محيصه
أكبر من الحرة جنوب وعلابي=وإن جاع قرط فإبن عمه خليصه
لاطارقٍ بابه ولا طق بابي=وفالحق ماني خارص لي خريصه
أنا على الرفقه وديع الركابي=معلاق من بانت عليه النقيصه
فإن كان مداتي ورزقي هبابي=قصيت من كفي لكفي قصيصه
[/poem]

فهد الزعبي



لاهنت على هالايراد ...

صح لسان العيافي ..


لك فائق احترامي وتقديري ...!!

،
محمد
صح الله بدنك ، وبيض الله وجهك على المرور الطيب .
أسعدك الله

تح ـياتي لك

ما شاء الله

ما اروع القافية ما اروع السبك ما اروع المعاني السامية

صح لسان العيافي

وتسلم لنا ذائقتك يالزعبي بيض الله وجهك

..

صحّ لسانه شاعر مبدع حتى في الأداء مبدع

لاهنت ع النقل الرائع يَ طيّب ’

..

شفق تطالع في مسابقة أعذب الأصوات وماتعرف شايع :)

تفضّلوا
[youtube]http://www.youtube.com/watch?v=cOzIunt6tyY&feature=related[/youtube]

:

وعليكم السلام ورحمة الله وبركاته
أخي الكريم فهد " صح لسان الشاعر شايع " وسلمك الرحمن من كل شر على الإختيار الرائع ..
دمت بكل الخيـر ..