منتديات المرقاب الأدبية - الشاعر الكبير ثواب بن طنف الجعيد ( عصر الجهالة )

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

طلبت ربـي فالـق الحـب والنـوى=رب العـبـاد مـنـزل الايـــات
محصي جميع الخلـق فالبـر والبحـر=ومـدبـر الحيـيـن والامـــوات
ربٍ بعـث جـد الحسنيـن بالـهـدى=ونـور سـنـاه يبدد الظلـمـات
ارجوه يغفـر لـي ويسمـح ذنوبـي=والعبـد مايسـلـم مــن الــزلات
لاشك ذنبـي ينحصـي عنـد كاتبـه=وفضلـه وجـوده غيـر محصيـات
الراسـيـه والسابـحـه والـزواخـر=فـي بحـر جـوده ماتجـي قطـرات
والبارحـه عينـي تكـدر منامـهـا=وجريت مـن جـوف الحشـا ونـات
طول الليالي تقتلـب فـي ضمايـري=واكنـهـا لايـــدري الـشـمـات
وقلبي يشيـل الغيـض يومـه وليلـه=وبابـور فكـري يضـرب الغـبـات
وليا ضرب موج البحر فاح خاطـري=وغنيت مـن زيـن اللحـون ابيـات
لاهل العقول احلى من الماء على الضما=والـذ واحلـى مـن لبـن سمـحـات
ترعـى جديدالنبـت عدلـه رقابـهـا=عـن صكـة الـعـدوان محمـيـات
في شق آلاد جعيـد لطامـت العـداء=لطامـت العايـل عــن العـيـلات
يوم اني امدح عزوتـي مـن يلومنـي=واجـب عليـه يـاهـل الـطـالات
ماني بجاهل كاسي الشيـب عارضـي=وعصـر الجهالـه ياكـريـم فــات
عشرين مع عشريـن عـام قضيتهـا=ومـرت عليـه كانـهـا سـاعـات
العشر الاولـى عشـت مـع والدينـي=الله يـجـازي الولـديـن جـنــات
وخمس رعيت الابل والخيـل والغنـم=واجــرب العـمـان والـعـمـات
وخمس سبح غصني وعانقـت للهوى=واخذت فـي سـوق الهـوى عجـات
اعدي معادي الذيب واضوي ليا ضـوا=وامسـي معـه واصايـد الـغـرات
وعشر لجلب الرزق شمـرت ساعـدي=وتعـبـت فالـروحـات والجـيـات
وعرفـت مـا لابـن آدم إلا نصيبـه=والارزاق مــا يـاتـن بالـقـوات
كم واحـد تمسـي وتصبـح مراكبـه=لوكـان مايسـوى عشـر بـيـزات
وكم واحـدٍ يسـوى جمـوع غفيـره=واجوع من السرحـان فـي الغابـات
وخمسٍ خدمت ابوي جمـع الدعـاوي=وناحـرت فـي الدعـوات والطلبـات
ماهـي بديعـه ماقفـي فـي محـلـه=وياهـل البدايـع مـا بهـا ســرات
وخمسٍ عرفـت ان الامـاره خسـاره=والـراس مايسلـم مـن الصـكـات
وعـزي لقـومٍ ماتنومـس عقيـدهـا=اتنومـسـه فالـلـيـن والـشــدات
حتـى ليـا منـه بـرك فالـلـوازم=خـابـر وراه حـصـون مبنـيـات
ياجاهل انظر في عمل عـارد النحـل=ليـا طـار يقفـاه النحـل صـفـات
ولولا التعاون ما جنا صافـي العسـل=تضرب بـه الامثـال فـي البيتـات
وظـلا بليـس يغيـر بيـن القبائـل=بيـن القبـائـل يقـطـع الـغـارات
واليـوم رد الحـرب بيـن القـرابـه=كثـر الحسـد والبغـض والضنـات
ما يجتمع خمسـه علـى قلـب واحـد=فـي بيـت واحـد والقلـوب افـوات
وانا ليا شفت الـردى بعـت صاحبـه=وكانـه غـدابـه هــادم الـلـذات
وان شفـت زولـه قلـت نصايـبـه=وقبره يجـي طولـه عشـر مـرات
ليا صـار لا نافـع ولاهـو بشافـع=فرقـاه زينـه وابــرك الـحـزات
فـالازم الغصـاب يلـوي مخاذعـه=تلـوت علـى رجليـنـه الحـيـات
وليـا بنـى رأيـه يعـلـم حليلـتـه=وتصبـح تسيـر بـه مـع الجـارات
وليا بغـى الجـودات فكـت عزايمـه=وتغـانـم الاقـفــال والحـلـقـات
عبرت عن عرفـي وسيـرة حياتـي=ولـي فـي الليالـي المقبلـه لــدات
انـا ولـد مـن تاخـذ القـوم رايـه=جـدي وابويـه يحـكـم الـقـالات
قـالات نحكمهـا وقـالـه نحلـهـا=وقالـه نـدرج فوقـهـا الحـيـلات
الادنيـن نرفاهـم ونرفـا خطـاهـم=ونضفـي علـى زلاتهـم لـو جـات
والاقصين نكسركيدهم فـي نحورهـم=وحبل الشقـا ممـدود هـاك وهـات
والجـار نعـرف حشمتـه واعتبـاره=ويأمـن بنـا لـو ينثـر النـيـرات
ولاطرقنا البـاب مـن غيـر داعـي=ولا وقفـنـا مـوقـف الشـبـهـات
وحنا عبيد الضيـف فالليـن والقسـا=واهـل المـروه تتـبـع الـعـادات
اليـا عطانـا وجدنـا مـن زمـانـا=أعذارنـا مـع وجـدنـا جــزلات
وخوينـا ياطـى ديــار العشـايـر=لـو كبودهـم بالغـيـض مليـانـات
واليا حضرنـا بيـن داعـي ومدعـي=نحلـهـا لــو انـهـا صعـبـات
ولا يصطغي ميزاننـا فـي خصومـه=ولا نغـطـي الـحـق بالـرشـوات
تمت وصلى الله علـى منبـع الهـدى=والارواح مـامــوره ومنـهـيـات

[/poem]