((جده))...للتواصل معكم
من حبي لكم ول هذا الصرح الشامخ الذي ابديت منه واعتبر نفسي من ابناءه اتواصل معكم بهذه المتواضعه ( جده ) : ياراسي عسى الله لايحدك على اي انسان وياعزمي تقـوى وانطـح الشـده بشـده وياقلبي تصبر عـادة الصبـر والسلـوان تواسي قوي البـاس لـو الزمـن ضـده وياعيني لاترجين المقفي نظـر واحسـان مـادامـه مقـفـي بـيــن وده ولا وده ترى الضيق ضيق القبر ماهوب في لوطان مادام العـزوم اعـزوم والارض ممتـده والى قفت الاضعان عن باقـي الاضعـان يجي يـوم للضامـي يعـود علـى عـده وش امحق من الخـلان لاقفـوا الخـلان وتواصوا على الهجران والبعـد والصـده وش امحق من الخبلان غير اخبل الخبلان الى من بدوهاا مزح واليـا انتهـت هـده حسيبي على اللي صد عني وانـا شفقـان بدها تغلـي واعلـن الهجـر مـن جـده يبيها على الذرعان واخطت من الذرعـان وتنصـت معاليـق الحشـا لعنبـو جـده الا ياوجـودي وجـد مـن حـده الديـان ولافـي يدينـه شـي والديـن لـه مـده مابين الفقر والديـن والسجـن والسجـان ونـاسٍ الـى منهـم دروا قالـوا مسـده على اللي غلاه يسابـق الـدم فالشريـان احـس ان غـلاه يسابـق الـدم ويحـده بنينـا الغـلا بالشـوق والـود والتحنـان اليـن الغـلا فصدورنـا وصـل لحـده وتعاهدت انـا ويـاه مانطـري النسيـان وخذانـا العنـاد وكـل مابينـنـا هــده واذا كان كـل اللـي بنينـا بـلا عنـوان فلا خيـر فـي ودي ولاخيـر فـي وده وانا ماني اللـي لاحلـم قالـوا العربـان لاتحلـم بشـيٍ منـت حولـه ولا قــده اباقف واديـن الوقـت واحاربـه لاشـان ولابـده يـدور الوقـت ويزيـن لابــده وبصبر على الهجران لو طول الهجـران واذا لي نصيـب يـرده الوقـت بيـرده يقولون جـده غيـر عـن باقـي البلـدان وانا اقول هذا فـي عيونـي مثـل جـده |
حجز
1 |
ياسلام عليك يابن جخير
شاعر مبدع ورائع وتعجبني قصايدك .. !! صح السانك ولله درك .. |
الله الله
حبك ربك يا سالم حي الحضور وراعيه يا بن جخير شاعر مشهود له ويستهويني ما تخطه اناملك صح لسانك واعتلا شانك ولا تحرمنا من جديدك تحياتي ومتابعتي |
حياك الله يابن جخير
والصقور ماتترك مواكرها صح لسانك وسلمت غيمار |
تعاهدت انـا ويـاه مانطـري النسيـان
وخذانـا العنـاد وكـل مابينـنـا هــده مبدع وممتع كعادتك ياسالم صح لسانك ولاهنت |
وانا ماني اللـي لاحلـم قالـوا العربـان
لاتحلـم بشـيٍ منـت حولـه ولا قــده كفو ياسالم شاعر ورجل ومن رجال بيض الله وجهك صح لسانك لاهنت |
.
. على اللي غلاه يسابـق الـدم فالشريـان احـس ان غـلاه يسابـق الـدم ويحـده بنينـا الغـلا بالشـوق والـود والتحنـان اليـن الغـلا فصدورنـا وصـل لحـده وتعاهدت انـا ويـاه مانطـري النسيـان وخذانـا العنـاد وكـل مابينـنـا هــده واذا كان كـل اللـي بنينـا بـلا عنـوان فلا خيـر فـي ودي ولاخيـر فـي وده وصح لسانك عزالله ياسالم نص غالي ، من غالي وجزل تحيتي لك . . |
سالم بن جخير
الشاعر المبدع دائما حضور قوي القاء مميز معنى جزل سالم بن جخير شاعر يجبر اي مستمع او قارئ على الاعجاب التصفيق سالم بن جخير اشهر من نار على علم صح لسانك يا سالم ودام عطاؤك وتميزك وحضوري هنا للاستمتاع والفائده يا كحيلان ودي وتقديري |
سالم بن جخير
صح الله لسانك قصيده رائعه وسبق ان قريتها في مجله المختلف انت من الشعراء الذي اطرب لهم ولقصائدهم العذبه لاهنت لاهنت |
ابو جخير .
. . هلا وغلا بهالحضور الرائع والمدهش صح قلبك ونبضك ولا عدمت راسك . . . مودتي لك . |
الله الله
يا سلآمي عليك ومرحبا بك كايفه كايفه صح لسانك وأعتلا شانك تحيتي |
ارررررحب يبن جخير
حيه وحي ماجاب صح الله لسانك مدد ماهو بعدد وافي وجزل تقبل تقديري |
يقولون جـده غيـر عـن باقـي البلـدان
وانا اقول هذا فـي عيونـي مثـل جـده سلامي عليك ياسالم .. سلمت .. وصح الله السانك ,, |
صح لسانك يا ابن جخير ولاهنت على هـ الشاااامخه مبدع وجزل وغني عن شهادتي تقديري’,, |
سالم بن جخير
صح الله لسانك شاعر غني عن التعريف والتعليق ***** |
سالم جخير
ونص في غاية الجزاله والابداااااااع يقولون جـده غيـر عـن باقـي البلـدان وانا اقول هذا فـي عيونـي مثـل جـده قفلة احترافية يامبدع اخوووووووك |
مبدع يا سالم
صح لسانك |
سالم بن جخير
اسم لامع تربطه بالابداع علاقه متينه تقبل ودي |
| جميع الأوقات بتوقيت GMT +3. الساعة الآن 02:12 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية