:: معاريف الزمان ::
[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]
تحدتنا الظروف وقمة الحاجه لها معروف =شدايد زايله .. يالله تبيض وجه ذا الحاجه تعبنا في الزمن يالله عسى هذا التعب مخلوف =لو ان هذا الزمن مثل البحر ما تومن امواجه خذينا كلمتين وحرف واحد من ثلاث حروف =تضيق صدر مفلول الحجاج وتعقد حجاجه ولا باقي سوى شوفٍ على عميا وحرقة جوف =ما عاد الرجل يعرف وين مدخاله ومخراجه يقولون العرب ما كان طافك حاول انه يطوف =وانا اقول الدليله يا عرب ما ضاع منهاجه ترى ما تنفع الرجال كلمة ليت والا سوف =ما ينفع غير وقفة صاملٍ ما همه مواجه يحقق ما بغا ماهو بيخرجها عن المألوف =ومن يبغا يموج السلم هذا عنه ما ماجه على شان الحقيقه والحقيقه علمها مكشوف =ترى الواعي يسير ولا يعثر طرقته حاجه انا والليل وحروف القصيده حلفنا معروف =على شفرات فكرٍ ما تضيع شفرت امواجه درسنا واستفدنا وافتهمنا والزمان صدوف =وميزنا كثير من الكثير وكل ديباجه فلا يا وجد عيني وجد عودٍ في السجن مكتوف =عليه اربع مية بابٍ وكلٍ صك مزلاجه صدر حكم القصاص ولا بقا الا ينتظر ويشوف =عسى يعفي ولي الدم عنه ويصدر إفراجه تمنى طول عمره وسط سجنه عل احد بيروف =ولي الدم قاسي ما قبل في الصلح هراجه ينام ولا يشوف الا سيوفٍ والصفوف وقوف =ويصحى والامل في داعي السجان لخراجه وجودي وجد عينه كل يوم وحالته في خوف =عسى ربي يعديها بخير وتقضي الحااااجه[/poem] |
صح لسانك ياعبدالله المهداني
قصيدة رائعة تستحق الكثير |
تحدتنا الظروف وقمة الحاجه لها معروف
شدايد زايله .. يالله تبيض وجه ذا الحاجه عبدالله شاعر جميل وقصيده رائعه لاهنت |
عبد الله
لله درك وكــفى ..!! |
اقتباس:
شرفني مرررررررررررررررورك |
الله الله
صح لسانك ياعبدالله مبدددع.. محبتي لك .. :) |
صح لسانك ولا هنت عليها
|
ياسلام سلم على شان الحقيقه والحقيقه علمها مكشوف ترى الواعي يسير ولا يعثر طرقته حاجه انا والليل وحروف القصيده حلفنا معروف على شفرات فكرٍ ما تضيع شفرت امواجه درسنا واستفدنا وافتهمنا والزمان صدوف وميزنا كثير من الكثير وكل ديباجه صح لسانك قصيده جميله ومعاني فيها جزاله ابدعت ياعبدالله لك فائق الاحترام والتقدير تحياتي |
عبدالله
الله يصح لسااانكـ .. أمتعتنا الله يمتعكـ بالصحة والعافية تحياتي لكـ |
اقتباس:
مرورك يشرف تحيتي |
فلا يا وجد عيني وجد عودٍ في السجن مكتوف
عليه اربع مية بابٍ وكلٍ صك مزلاجه صدر حكم القصاص ولا بقا الا ينتظر ويشوف عسى يعفي ولي الدم عنه ويصدر إفراجه تمنى طول عمره وسط سجنه عل احد بيروف ولي الدم قاسي ما قبل في الصلح هراجه ينام ولا يشوف الا سيوفٍ والصفوف وقوف ويصحى والامل في داعي السجان لخراجه وجودي وجد عينه كل يوم وحالته في خوف عسى ربي يعديها بخير وتقضي الحااااجه الله الله الله يا سلام عليك يا عبد الله شاعر جزل ومتمكن صح لسانك وسلم بنانك لا تحرمنا من جديدك يا عبدالله تحياتي |
| جميع الأوقات بتوقيت GMT +3. الساعة الآن 06:30 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية