الشاعر عبدالله الطلحي و الشاعر سعود ناير الشاطري
مساجله بين الشاعر الكبير / عبدالله الطلحي((شاعر الحكمه)) والشاعر الكبير /سعود بن ناير الشاطري (( شاعر عبدالله )) ياسعود انا هم قلبـي عـارفٍ طبّـه 000000000000000000000أعرف علاج الهموم وطب الأجراحي الليلـة البـاردة والـبـر والشـبّـه 000000000000000000000مع ريحة الهيل بالدلـه ليـا فاحـي واخوان مثلك جذبهـم طـاري النبّـه 000000000000000000000حضروا وجات السوالف جد ومزاحي سوالـفٍ مابهـا غيـبـة ولاسـبّـه 000000000000000000000وشعرٍ يداوي المعنى ليـن يرتاحـي شعرٍ نعزه وسوق الرخـص ماطبّـه 000000000000000000000مانجلبه ساحة المجنـون والصاحـي صافي الذهب نصهره ويذوب ونصبّه 000000000000000000000صب الجنيهات منقيـات وصحاحـي مخزونـةٍ دونهـا المفتـاح والضبّـه 000000000000000000000في الخزنة اللي لها ضبـه ومفتاحـي نخفي رموزه عن اللي ماعرف لبّـه 000000000000000000000ونوثقه من عبـث سـارق ومزاحـي هذا هو اللي يبومروان نطـرب بـه 000000000000000000000يسوى الملايين عند اصحاب الأرباحي وإن فاتنا الإجتماع وقاف نلعـب بـه 000000000000000000000داويـت همـي بدربيلـي وبسلاحـي بارضٍ تضاريسها الضلعان والخبّـه 000000000000000000000أسري واخلي مباتي عنـد مسراحـي في موقعٍ مـن قديـم نجيـه ونحبّـه 000000000000000000000فيه الجوازي لها مدهـال ومراحـي مع شقة النـور ولياهـا علـى تبّـه 000000000000000000000يوم إستعادت ووقفت مثل الأشباحـي واللي تساوى على النيشـان والحبّـة 000000000000000000000حزناه عنها بعد فيـه السهـم لاحـي رمية عطب جات بين العنـق واللبّـه 000000000000000000000حاول يبا المستحيل وفز ثـم طاحـي والطيب من غرشة العطـار منكبّـه 000000000000000000000يفوح من مضرب البلجيـك نضاحـي عزالله إنـه يـداوي القلـب ويربّـه 000000000000000000000رب الدلال القديمه وقت الإصلاحـي وإن ماتهيا علاج القلـب مـن ربّـه 000000000000000000000ياسعود ماينفعـه عـاذل ونصاحـي 0000000000وهذا رد سعود بن ناير من عقب ماقلت طرق الشعر ابا أكبّه 000000000000000000000كلٍ عطاه النحر سايـب ومصلاحـي كلٍ معه شون يهوي به ويضرب بـه 000000000000000000000ويحث عرجه على الميدان طفاحـي في باله إنه يبـا يـذن علـى القبـه 000000000000000000000نهار بكره وشوف الشمس ماإنباحـي لابس على المشلح الشيرازي الجبـه 000000000000000000000وينوح مع نايح القمـري ليـا ناحـي قـدح فتيـل الولـع عبـدالله وشبـه 000000000000000000000وجلّسه جلسة عرب عند إبن شلاحي القلب ذودٍ ثنـى ربعـه علـى غبـه 000000000000000000000وصوت الرعد له على سمعه تنحناحي حـرٍ نـداوي ليامـن الولـع هبـه 000000000000000000000ماعاد يثنيه عـن مشهـاه ملواحـي كفه حبايـل غزايـز والعمـر شبـه 000000000000000000000لو إني ابرقعـه مـاذاق الأمراحـي والشعر عبدالله الطلحي تشـرب بـه 000000000000000000000وانا اتلاعب بشرده مثـل مسباحـي في كور نمرا لياقامـت تكـرّب بـه 000000000000000000000لو هاج موج الشعر عايـم وسباحـي يرخي رسنها رها ويعوم فـي الغبـه 000000000000000000000ماهو عن العوم متشبـث بالألواحـي شف كيف صفف جواهرها على ابّـه 000000000000000000000الصدر, والعجز مبنـيٍ علـى آحـي صب الذهب ياوسيع المعرفـه صبـه 000000000000000000000حرٍ معك حر له مخـلاب وجناحـي هرج العقل من حكيم الراي ننصب به 000000000000000000000ونعدها تاج مـن شـرواه ووشاحـي راعي ولع مايجيب الهرج من عبـه 000000000000000000000يخالط الصيد مع فـلاج الأصباحـي ويازين قرع الخشيبه قبل ينـدب بـه 000000000000000000000في مترسٍ لك على رجمه تلحلاحـي ياحكمة الصمت عبدالله هـو السبـه 000000000000000000000يصر عينه ويرميها علـى الشاحـي |
بيض الله وجهك
نقل ثمين لشاعرين مميزين صح لسعانك شاعر الحكمه وصح لسان ابن ناير غيمار |
هلا وغلا
وصح اللسنتهم إي والله ، طرب طرب وبيض الله وجهك على الاختيار ، :) لكن الشاطري ( شاعر عبدالله ) عبدالله بن من ؟؟ |
لا هنت على النقل الطيب
وصح لسان الطلحي والشاطري |
اقتباس:
وصح بدنك بـ / النيابه كل الشكر لمرورك العطر :wardah::wardah::wardah: |
اقتباس:
يا هلا وغلا يا ابن مشوط صح بدنك سعود شاعر (( بني عبد الله من مطير )) كل الشكر لمرورك العطر :wardah::wardah::wardah: |
اقتباس:
ولا انتي يا مخايل صح بدنك بالنيابه كل الشكر لمرورك العطر |
ابداع × ابداع
لا هنت يا فارس على هذا الإيراد وليتها كانت في المكتبة لان الطلحي عضو مرقابي ..! تحياتي .. |
اقتباس:
صح بدنك وكل الشكر لـ التنويه و لـ مرورك العطر ودي :wardah: |
فارس
مساجله لها روح وقيمه صح لسان عبدالله الطلحي وسعود الشاطري والف شكر على ايرادها .. لك فائق احترامي وتقديري ...!! |
راكان المغيري
صح بدنك بـ النيابه
و كل الشكر لـ مرورك ودي |
شعراء جزلين و مبدعين لله درهم وشكراً يا فارس :) |
مشعان البراق
يا مرحبا مليون يـ أستاذي
و كل الشكر لـ مرورك |
طلال الجميلي
سعود وعبدالله شعراء جزلين و مبدعين
و اساتذهـ في عالم ألشعر كل الشكر لـ مرورك العطر يـ ابو نافع |
..
شاعر كبير واسند على شاعر كبير النتيجه ابداع بلا شك يابو مرداس بيض الله وجه عبدالله وسعود بياض الشحم كل الشكر لك يابو مرداس على النقل المتميز |
ياحلووووهن حلواه
لاهنت فارس |
خالد السياحني
يا مرحبا الساع يا خالد
كل الشكر لمرورك العطر يا ريس |
اقتباس:
كل الشكر على المرور |
| جميع الأوقات بتوقيت GMT +3. الساعة الآن 04:33 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية