من يلوم العين .. والدمعه لها ذكرى حنينـه !
للتواصل مع التحيّه والاحترام ,, من على شاطي مدن .. غنيت والقريه حزينه واِنـشدن كل الطيور اللي بها / حزن وأغاني بلل الدمع المناظر .. واِدمعت عيـن المدينـه واِنـغشا بعيونهم لين .. انتثر بحر وموانـي (اواه ياحزن المدينه) ..والمراكب والسفينـه والشراع اللي يرفرف من عنا الفرقـا بكانـي مابخل نهاّمها.. يسحب بها المغنى .. وعينه تذرف \ وحامل من اوجاعه الّم للموج عانـي اشـيصبّر مرهف الاحساس والعمران شينـه مايبي غير الطيور .. وشاطي ٍ ريحه جنانـي في غروب الشمس .. والامواج يغشاه السكينه منظر ٍ يسوى المتاجر.. من ذهبها والاوانـي قرية ٍ ماعاش فيها الزور.. كلن مـن يمينـه يكتسب \ رب ٍ رزقها / يوم للغـواص شانـي سبع بحر ٍ مايهاب البحر والقـرش وقرينـه مايهاب الموت بيّاع العمـر \ والعمـر فانـي واعذاب القلب لامنه.. رحـل .. شـدّه انينـه كل ماهو حل طاري .. شاطي القريـه يعانـي من يلوم العين .. والدمعه لها ذكرى حنينـه ! من يلوم القلب لا صار المفـارق مايدانـي ,, |
في غروب الشمس .. والامواج يغشاه السكينه
منظر ٍ يسوى المتاجر.. من ذهبها والاوانـي الله عليك يا فهد شاعر جميل قصيدة بقمةى الرووعه لك تحياتي و احترامي |
فهد الماجدي
لاهنت |
ياسلام سلم واعذاب القلب لامنه.. رحـل .. شـدّه انينـه كل ماهو حل طاري .. شاطي القريـه يعانـي من يلوم العين .. والدمعه لها ذكرى حنينـه ! من يلوم القلب لا صار المفـارق مايدانـي صح لسانك يافهد قصيده جميله وفيها معاني عذبه على قلة الابيات الا جميله بالحيل ابدعت في كتابتها لك فائق الاحترام والتقدير تحياتي |
الأخ / فهد
من أجمل ما قرات من القصايد نص غارق بالجمال والإحساس العذب مابخل نهاّمها.. يسحب بها المغنى .. وعينه تذرف \ وحامل من اوجاعه الّم للموج عانـي الله علييييكـ .. صح الله لسااانكـ تحياتي لكـ |
، قصيدة جميلة استحقت المرور والقراءة صح الله لسانك ولا هنت بالتوفيق . |
صح لسانك ولا هنت
|
ياهلابك والله يالغالي عبدالله العبدلي
شرفني مرورك الطيب يالغالي لاعدمناك التحيه والتقدير لك , |
من على شاطي مدن .. غنيت والقريه حزينه
واِنـشدن كل الطيور اللي بها / حزن وأغاني بلل الدمع المناظر .. واِدمعت عيـن المدينـه واِنـغشا بعيونهم لين .. انتثر بحر وموانـي الله الله صح لسانك ملايين ، و لاهنت دمت بخير ، |
لاعدمناك الغالي مطر الغضياني على المرور الطيب
الف شكر لك التحيه والتقدير , |
وجهك ابيض ياالغالي السميري على المرور الطيب ياطيب
لاعدمناك والله التحيه والتقدير , |
سبع بحر ٍ مايهاب البحر والقـرش وقرينـه
مايهاب الموت بيّاع العمـر \ والعمـر فانـي فهد الماجدي إبداع متجدد .. وكلمات راقية كحضورك الجزل صح لسانك .. صح لسانك ولا هنت تحياتي .. |
لاعدمناك يالسمي الغالي فهد الزعبي على المرور الطيب ياطيب
وجهك ابيض,, التحيه والتقدير لك , |
في غروب الشمس .. والامواج يغشاه السكينه
منظر ٍ يسوى المتاجر.. من ذهبها والاوانـي الله من يلوم العين .. والدمعه لها ذكرى حنينـه ! من يلوم القلب لا صار المفـارق مايدانـي الله الله غارقه بالاحساس والجمال صح بوحك لاهنت احترااامي و ج د |
لاعدمناك والله يالغالي مشعان البراق على المرور الطيب ياطيب
وجهك ابيض التحيه والتقدير لك , |
الجميل مرورك الغالي بدر العجمي لاعدمناك والله
التحيه والتقدير , |
:
المبدع : فهد قصيده جميله ويكفيها عذوبتها .. صح لسانك ولاهنت |
ياهلابك الاجوديه مخايل
تسلمين على مرورك النبيل التحيه والتقدير , |
لاعدمناك الاجوديه عيووف
تسلمين على مرورك النبيل التحيه والتقدير , |
الله عليك يا فهد شاعر جميل لله درك |
وجهك ابيض يالغالي محمد بلال
الف شكر لمرورك الطيب يالطيب التحيه والتقدير لك , |
فهد
حضور مميز .. صح لسانك مدد تقديري |
| جميع الأوقات بتوقيت GMT +3. الساعة الآن 06:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية