بسم الله الرحمن الرحيم
للجزيرة العربيه أعلام فالشعر يعتبرون ثروه لا يستهان بها.... ولايعيبني ولايعيب اي متذوق حينما يعتبر ان الشاعر
سداح أحد أعلامها........ !!!
ويشرفني أن اوجه هذه القصيده الى الشاعر سداح ... هذا الشاعر الذي يجبرك أن تنصت الى خطاباته الشعريه ... ويزيدني فخرا أن أخاطبه بهذه القصيده \
=====================================

عم الوبا في ساحة الشعر واجتاح = واستوطنت به ناس ماهو وطنها.
يمرها العارف على خف وجناح = ويرفع مقام النفس من شام عنها.
تصافقت فيه الهبايب والأرياح=وننشد..؟صناديق الذهب من دفنها.
دم الحيا من شعر بعض العرب ساح = قصايدن خالط جهمها ضعنها.
عنها حمام الورق قفا ولا ناح = لو لمعوها وابدعو في لحنها.
ولو عطرت من ريحة الورد ما فاح = ولو ثمنوها باخسه في ثمنها.
يا طيب شعرن ينظمه فكر سداح = يجلي عن النفس الحزينه حزنها.
شعره يداوي من تماثيله اجراح = ونقض له جرون قديمن زمنها.
لو كان توه بأول العمر ما راح = النادرات امن التجارب مكنها.
تجريب من شيبه على عارضه لاح = صارع صواديف الليال وهنها.
ومن لايصيغه مثل سداح يرتاح = اللي حروفه بالمعاني قرنها.
اليا خذاله فالبديعات مشواح = كنك تذوق صافي الذوب منها.
سداح ماودك نطالب بالاصلاح =ونرجع الفتنه على من فتنها.
يا صاح نادمني وانادمك ... يا صاح=حتى الرهاين تنطلق من رهنها.
ترا الصدور الكاظمه صبرها باح = أخذ الصحيح وكلمة الحق صنها.
أشوف فالساقي ثمانين فلاح = تاجب عليهم لعنة اللي لعنها.
سداح دور للصناديق مفتاح = ونضمن فرجها كان ربي ضمنها.

===============================

شعر \ ثواب بن زيد بن نجا الحارثي.

صح لسانك يابوساره

شاااااااااااااعر مبدع وسداح يستحق المدح لآنه جزل جزل جزل
قصيده أجبرتني على قرائتها اكثر من مره
فديت خشيمك ... وسلم راسك