سلام ياشيخ(ن)
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام ياشيخن على العز مبناه = سلام ياشيخن رقا للمعالي
يابوي ياللي تفعل الطيب يمناه = ياقدوتي في كل درب ومألي
يابوي يادينن مجدن حملناه = لين استوينا فوق روس الجبالي
انت اللذي علمتنا بالمساواه = وعلمتنا نأكل برزقن حلالي
وعرفتنا بأهل المروات والجاه = وحذرتنا من صاحبن مايبالي
وعلمتنا ان الناس درجات واشباه = ووردتنا عدن قراحن زلالي
وعلمتنا بالصبر عند المعاناه = وعلمتنا انا مانجي فالتوالي
نحزن من احزانه ونرضى من رضاه = ونطأطأ الروس اله في كل حالي
يالله تجعله من النار منجاه = وتدخله جنتك ياذو الجلالي
وصلات ربي عد مزنن نثر ماه = واعداد ما ترزم حقوق الخيالي
على نبين مقتدينن بممشاه = محمد اللي قادنا للعدالي [/poem]

سلطان الضيط

صح لسانك ياالقرم

ابدعت في رد الثناء لوالدك وهذا حق من حقوقة عليك

والوالدين مانوفيهم حقهم مهما كتبنا فيهم من قصيد

وقصيدك شامخة وفي من يستحق ياسلطان

ولااملك اتجاهها الا ان اقول

بيض الله وجهك

تقبل تحياتي

يا مرحبااا ملايييين يا سلطان

أنا مقدر أمدح ولا أقدر أقول الا صح لسانك
لان شهادتي مجروحه في خوالي
وخالي سعود يستاهل اللي قلته وأكثر من اللي قلته

جعلك ذخر دايم يابو سعود

صح لسانك
حتى ترضى

واعتلا شانك
يابن الخال



تحياتي ومودتي

كفو يابن العم


وابوك يستاهل المدح



صح لسانك


شهادتي فيك مجروحه


تحياتي

وصلات ربي عد مزنن نثـر مـاه
واعداد ما تـرزم حقـوق الخيالـي

اللهم اصلي على الحبيب ...

ونعم الأبن البار ،، ونعم الأب المربي ،،

وصح لسانك ...

مشكور على المرور واعذروني ترى فيه اخطى املائيه

سلطان الضيط

بيض الله وجهك وصح لسانك

وافي ولانت بهافي القرم

سلطان الضيط

نص شامخ

صح لسانك

وبيض الله وجهك

والله يطول عمرك وعمر ابوك

مودتي وتقديري

سلطان الضيط صح لسانك ولا هنت

ولاباء يستحقون اكثر مهما قلنا لانوفيهم عشر حقهوم

ونت يالقرم ماقصرت وفيت وكفيت بيض الله وجهك

قصيده في غاية الجمال وقمة الثناء

اتمنالك التوفيق
اخوك
عيد بن سعدون

صحت ابدانكم ومشكورين على المرور والله يسلمكم