اهداء الى روح الشيخ ناصر بن حمود الهاجري
 

[align=center][align=center]اخواني الكرام[/align][align=center]
السلام عليكم ورحمة الله وبركاته
تلقيت ببالغ الحزن والاسى انتقال
الشيخ / ناصر بن حمود الهاجري
الى جوار ربه قبل ايام رحمه الله تعالى
واني اذ اشاطر اخي الشيخ/ سعود بن شافي الهاجري واخوانه الكرام الحزن في مصابهم الجلل
فقد فاضت قريحتي بهذه الابيات المتواضعه
احببت ان تشاركوني بها سائلاً الله العلي القدير للشيخ ناصر الجنه ولاهله ومحبيه الصبر والسلوان

صلوا على النبي[/align][/align]

[poem=font="Simplified Arabic,7,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
ياهاجسي رتب لي القول ترتيب=واكتب قصيدة شعر من دمع عيني
ويا صدري اللي به مثل عوية الذيب=وأنا من أحزاني تزايد ونيني
خطبٌ جلل بيّن في عروضي الشيب=فاضت منه عيني وبيّح كنيني
الأمر لله يا زمان التعاجيب=سلمت بأمر اللي له مسلميني
نجماً تنحا من علو المراقيب=وأظلمت يالليل الشقي ألحزيني
من بعد مات اللي مضرى على الطيب=الهاجري ناصر سخي اليميني
مع الجماعه ماقفه والاجانيب=هوناصر بن حمود يالعارفيني
يا شيخ فقدك متعب القلب وصعيب=ياعون من لا له بوقته عويني
مرحوم ياللي دايماً رايه مصيب=مرحوم يامن كان عقله فطيني
مرحوم ياشيخً كثير التراحيب=والضيف تذبح له نقياً سميني
مرحوم ياذباح حرش العراقيب=اليا قصر عنها البخيل الدويني
يابذل المعروف بالجهر والغيب=اليا أمحلت بالناس جردالسنيني
ياعل لك في جنة الخلد تقريب=بين انبياء الله والصالحيني
وياعل لك عن فتنةالقبر تجنيب=ويثبتك من ثبت المؤمنيني
وتصبح من اللي ماعليه اي تثريب=مغفور ذنبك يارفيع الجبيني
فيالله يامطلوب ياعالم الغيب =ياللي على امرك كل قاسي يليني
يامن عن الطاعات بالجنة يثيب=ياللي لطاعتك البشر ساجديني
ياكافي ابراهيم شر اللواهيب=وايوب عبدك خيرةالصابريني
تغفر لبن شافي عطيب المضاريب=شيخ الهواجر باذلين الثميني
وعسى العوض بمفتلين الاشانيب=سعود واخوانه ذرى الملتجيني
اللي خذوا في ماكر العرف تدريب=الاصل طيب .. وانتج الطيبيني
مهذبين نفوسهم خير تهذيب=واقل وصف نعدهم غانميني[/poem]

[align=center][align=center]
وسلامتكم [/align][/align]





.

الله يجزاكـ خير .. ويرحم اموات المسلمين

صح الله لسانكـ


تحياتي لكـ

خالد الحارثي

نسأل الله الرحمه والمغفره

للشيخ / ناصر بن حمود بن شافي آل شافي

ولذويه الصبر والسلوان



الف شكر لك على هذه الرثائيه المعبره

:

وعليكم السلام ورحمة الله وبركاته
على رسولنا الكريم أفضل الصلوات وأتم التسليم

رحم الله الشيخ ناصر وغفر له وأسكنه فسيح جناته وألهم ذويه الصبر والسلوان
أخي الكريم خالد سلمك الله من كل شر وصح لسانك ولاهنت ..
دمت بكل الخيـر ..

مرحبا ومسهلا ياسلطان

لاهنت يالغالي


تقبل الله دعوتك


وصح بدنك


ولا عنك زود





.

مرحبا ومسهلا يافهد


امين يارب العالمين اللهم ارحم اموات المسلمين

ولاهنت على تواصلك




.

رحمه الله رحمة واسعه
واسكنه فسيح جناته وتجازو عنه خطاياه

جزاك الله خير والله يثيبك

قصيده في صدق المشاعر من اخ لاخوانه

لاهنت وانا اخوك

تقبل مروري