منتديات المرقاب الأدبية - نـــــار الخـطـــــر

منتديات المرقاب الأدبية (http://www.montada.mergaab.com/index.php)

- ..: المرقَاب الشّعبي :.. (http://www.montada.mergaab.com/forumdisplay.php?f=58)

- - نـــــار الخـطـــــر (http://www.montada.mergaab.com/showthread.php?t=49036)

نـــــار الخـطـــــر

[align=center]لكل سعودي لزم الحدود دفاعا عن وطنه ..!![/align]

[poem= font="Simplified Arabic,5,black,bold,normal" bkcolor="transparent" bkimage="" border="double,3,red" type=2 line=0 align=center use=ex num="0,black"]
سلامات يالحد الجنوبي عسى ما باس =من الشعله اللي ولعت في مسببها
تعافا جبل دخان من وعكة الاوناس =ودحرنا العدا حتى كسرنا كتايبها
تطمع بنا الحوثي ونشق بريح الماس =وعود على اعوانه ذليلٍ وخيبها
نوى وانتوى وإرغم على المعسره والياس =وشبه الجزيره جادلٍ عند شايبها
رهجناه وارعبناه وانكف على الافلاس =بعد ما حياته ركزت له نصايبها
وحنا نمور الحرب لا دقت الاجراس =ليا ثارت الهيجا نطحنا لهايبها
بسربٍ مقادمها بنار الخطر قباس =تهاوى على اخطار المعارك وتعطبها
بعنف الشرس تنهض وتاخذ لها مرواس =بتخطيط سلطان السعد في مواجبها
تصب الغضب فوق الوغى والنصر نبراس =وترزم على روس الاعادي وترعبها
نغذ الفشق بالنار ونقلط الترباس =ونرهج مكامين الخطر لين ندبها
بروسٍ تفيّح بالشجاعة وبالنوماس=ليا لج صوت الهيج تفتل شواربها
تبين على المشراف ما تعقب المتراس =كواسر سطر ترعب معاكف مخالبها
تدك العدا بالموت الاحمر وقو الباس =ونمراً مددها النار تهلك شبايبها
تمزع من ارقابٍ نواقيسها قواس =إتسابق على التثوير نيات مذهبها
إتعلقم كبود القوم بالمر كاس وكاس=ليا اوعز لها خالد تنومس مضاربها
تسلط على الشرشوف واتقطع الانفاس=ضحية تفقها شهقته ما يزوع إبها
ذرا المملكة فالضيق والموقف الحساس=لا ششنالها والله ما تقرب حضايبها
بجيشٍ ينومسنا ليا اسودت الادماس=وجات المعارك واستهاجت حرايبها
تحت راي اخو نوره ملكنا صليب الراس=حزام العروبه لا توالت مكاربها
ولد من جمع شمل الجزيره على الافراس =بسيفٍ عتاولة النموره يهيبها
سطا الاملح المسنون وارعب جميع الناس =وعاشب (بامن) دايم وصفية مشاربها
بعد مالخليقه بين بندق وسيف وطاس =وقومٍ تكاعمها وقومٍ تحاربها
رزقنا الولي بالشجره اللي نمت من ساس =زرعها معزي واغدقتنا مكاسبها
مشاعر مطيريٍ ليا دق به هوجاس =نحت له قصيده كل شرهٍ يشيد إبها[/poem]

بيض الله وجهك ياسعود

على القصيده الوطنيه

ولوطن يستاهل اكثر واكثر

امل من الاخوان تنسيق النص

وصح السانك

تحياتي لك*

سعود

اررررحب .. حيه وحي ماجاب

صح الله لسانكـ ..، هكذا تعودنا منكـ الإبداع

تـ ح ـياتي لكـ

سعود القت

رجل وفي وقصيدة في وظن الوفاء

صح الله لساااانك وجااااد بيااانك

دمت بخير

تحياتي لك

صح لسانك ياسعود القت ..

ابدعت وانا أخوكـ ..

بيض الله وجهكـ

محبتي لكـ:)

مرحبا يا سعود

وصح لسانك وافي وكلك شعور
لاهنت

صح السانك ولا هنت

ابيات فوق الخيال

تقبل تحياتي

تصب الغضب فوق الوغى والنصر نبراس
وترزم على روس الاعادي وترعبها

نغذ الفشق بالنار ونقلط الترباس
ونرهج مكامين الخطر لين ندبها

بروسٍ تفيّح بالشجاعة وبالنوماس
ليا لج صوت الهيج تفتل شواربها

القت سعود

عسى الله يحمي المملكه من كل حاقد وحاسد

صح لسانك

نوى وانتوى وإرغم على المعسره والياس
وشبه الجزيره جادلٍ عند شايبها

الله عليك يا سعود

وصح لسانك

صح لسانك ياسعود
ولاهنت

والشكر والفضل لله

لك اصدق الود

الله يصح لسانك ياسعود

وهذه مشاعر كل مواطن مخلص

والحمد لله الذي خلّص العباد والبلاد من هذه الفئة المدحورة

والله يعز البلاد وحكامها