صبحك بالخير يا أحلا وجه صبّحني [عبدالله السياري]
قصيدة من جديد الشاعر الكبير/ عبدالله بن محمد السياري متعه الله بالصحة، أتمنى أن تعجبكم: صبحك بالخير يا أحلا وجه صبّحني يا طلعة البدر كل الخير بعيونك سلام مديت لك يمناي صافحني أموت وأحيا: بكيف الحال وش لونك ريحك من أقبلت يقفاني وينطحني وأشوف برق الدجى في لمعة سنونك سر الغلا شايفه بحجاجك الـمحني والسحر بعيونك الخدرات وجفونك بالهون لا ترفع الغدفه وتفضحني أنا صريع المها اللي لونها لونك وأنا جريح الهوى والزين يجرحني قبل أمس عاقل وصرت اليوم مجنونك ما دمت بالحب صارحتك فصارحني واش لي بقلبك عسى العذال يفدونك يا راحة البال يا ذباح ريحني ما بيك تسمع كلام اللي يعذلونك الله يسامحك وأنت إن مت سامحني أشيل بين الحنايا خافي طعونك والله يبيحك ولو نيّتك تذبحني تغضي وتضحك وسور الصين من دونك عبدالله السياري |
• سلام مديت لك يمناي صافحني أموت وأحيا: بكيف الحال وش لونك •• وأنا جريح الهوى والزين يجرحني قبل أمس عاقل وصرت اليوم مجنونك الله الله الله صح لسان الشاعر الكبير /عبدالله بن محمد السياري بداح السبيعي / ألف شكر على اختيارك المميّز :wardah::wardah: |
مشكور يابداح على النقل المميز لشاعر متمكن مثل عبدالله السياري التي قصايده مطلب لمتذوقي الشعر الحقيقي.
دمت بخير |
الله
الله الله الله السياري شاعر كبييييير ولايقدم الا كل جميل وذائقتك يابو فهد اجمل من الجمال لاهنت ياصديقي |
صح لسانه
ولا هنت على النقل |
الله الله عز الله قصيدة تستاهل النقل الله يصح لسان السياري ولا يهينك على نقلها لك التقدير . |
الله الله
صح لسان الشاعر عبدالله ومشكور يا بداح على الايراد |
صح لسان شاعرها
وناقلها |
سلام مديت لك يمناي صافحني
أموت وأحيا: بكيف الحال وش لونك روعة يا بداح صح لسان شاعرها .. وبيض الله وجهك على النقل |
الله الله
قصيدة رآآئعة / صح لسآن شآعرهآ وسلمت على ايرآدهآ ,, لآهنت! |
صح لسان القدير عبدالله السياري
وسلمت يديك يابو فهد على هالنقل الرااائع |
ابو فهد
ياسلالالالالام على هالاختيار.. والله انك اهديتنا هالدره لابو خالد الله يطول بعمره على الطاعه.. صح لسان ابو خالد مليون .. والف شكر على هالايراد يابو فهد .. لك فائق احترامي وتقديري ...!! |
الأعزاء: النيرة موسم سفر القثامي عفاس بن حرباش مخايل بدر ناصر العجمي فارس مرداس علي نايف الغامدي محمد بلال ريمانا ياسر العتيبي راكان المغيري ألف شكر على حضوركم الكريم تحياتي للجميع |
والله يبيحك ولو نيّتك تذبحني
تغضي وتضحك وسور الصين من دونك ابداع لا يستغرب على شاعر بحجم السياري شكرآ على النقل يا بداح |
سلمت يابداح
ماتجيب الا كل ذو قيمه وصح لسان السياري غيمار |
يا سلام عليك يا ابو فهد والله إنـّّك من أهل الذائقه الملكيـّّه ما فيها كلام كل القصيد اللي يجوز لك يجوز لنا والله يطول عمر السيـّّاري وصح والله لسانه لاهنت وتقديري لك ،، |
الله
الله الله الله السياري شاعر كبييييير ولايقدم الا كل جميل وذائقتك يابو فهد اجمل من الجمال لاهنت ياصديقي |
| جميع الأوقات بتوقيت GMT +3. الساعة الآن 09:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية