منتديات المرقاب الأدبية - [ الصـعـالـيـك ]

صباحكم ورد وكادي

لاهنـت ياراسـي ويفـداك مـاجـاك
عسى الولي يخلف تعبـك ومساعيـك
مدري أحسب اللي حصل من خطايـاك
لنـك نزلـت لفكـر مـن لايضاهيـك
ولا أعتبرهـا واحـده مـن مـزايـاك
محاولة تهذيب بعـض ( الصعاليـك )
زود التواضع شفـت لـي ويـن وداك
خلاك تسمـح بالنظـر فـي مواطيـك
ياراسـي الراسـي عليـت وتـعـلاك
عـزٍ يمجّـد حاضـره فعـل ماضيـك
لك في علـوم المعرفـه علـم وإدراك
نوره سرق ظلم الدجـى مـن لياليـك
وأهـل التكلـف لامتـك لجـل لامـاك
وفي مدعين المعرفـه وش هقاويـك ؟
مـن الجهـل والغـي قامـت تحـداك
مدري تحسب أخطـاك ولا خطاويـك !
والصاحب اللي وقفتـه تفـرح أعـداك
عن وقفت أمثالـه عسـى الله يغنيـك
يضحك بوجهـك وإن تقفـاك يشنـاك
وإن غبت ماهو ناشدٍ ويـن أراضيـك
عسـى ضعيفيـن الروابـع فـدايـاك
اللـي حـلايـا مثلـهـم ماتحالـيـك
والعوشزه ماهي مثـل شجـرة الـراك
ميز غصون الـراك فضـل المساويـك
وياطير ياللـي مـن يصيـدك تعشـاك
ياللي تحط إبنا البـلا .. والبـلا فيـك
حقك سواد الوجـه مـن فعـل يمنـاك
وإن زدت شيءٍ فيـك ماهـو مكفيـك
ياللـي مشاريـه النشـامـا تـعـداك
أبعدت عـن درب المراجـل حراويـك
تبـا تحـط الكحـل بالعيـن وأعمـاك
مالله علـى فعـلٍ ينومسـك هـاديـك
ياللي رداك أرداك في حـوض الأدراك
حقيقتك.. تبغضك فـي عيـن مغليـك
تبـا تشـوف الـذل كـان الله أحيـاك
ياللي عطيت أسمـا المكـارم علابيـك
واللي كتبـك بدفتـر العـرف يمحـاك
ولا يحمـل الصبـر عظمـة بلاويـك
واليوم إخذ ماحـاك بالصـدر لإحيـاك
قصيـدةٍ عـن غيـب الأيـام تنبيـك
فيهـا هجيـت إهجـاك قـدام طريـاك
تِضحك عليك عيون ناسك .. وتبكيك !!