اللي على النهج الصحيح امهددا بالاندثار
رواد هذا الصرح . نصافحكم بهذه عسى ان تنال اعجابكم ..
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لاواهني اللي من اهموم الليالي مستريح=ماهوب لامنه جفاه الليل سلمه النهار يمسي ويصبح هم قلبه مثل نبعاً مايبيح=اللي يغذي نهر دجله في تدفق وانحدار وده يواكب عالماً فيها المنافق والصريح=ويعيش مثل الناس والايام مافيها قرار والمشكله ماهوب يقنع غير بالنهج الصحيح=واللي على النهج الصحيح امهدداً بالاندثار عنده قواعد ثابته يمشي عليها مايزيح=مايستطيع يزيح عنها لايمين ولايسار ياكثر شياً يجعل العاقل من الواقع جريح=يللي تقول الناس تسعى في تقدم وازدهار مابه تقدم والعوايد والشيمّ قامت تسيح=الا بداية حرب قومي للمروه والوقار عصر انفتاحيه وتقليد اليهودي والمسيح=وفتن تجلت للعيون وبالبنان الها يشار وابواب الانترنت مفتوحه على الوضع المريح=والدش فوق السطح والريموت بأيدين الصغار واللي على الفطره ليا ذلحين يوصف بالشحيح=وقالو تخلف واسرته عاشت من اجله في حصار كل شي تغير والصدور بسدها قامت تبيح=تزهد من الدنيا ليا هرّجت شيبانً كبار هزمت يالوجه المليح وفزت يالوجه القبيح=وتغيرت كل المبادي فالدهر يوم استدار حتى الادب والشعر واغراضه فرص قمت تتيح=اصعد على ابراج التجاره وانتبه للانهيار اخشاب تطفو فوق سطح البحر في جواً فسيح=والدر واللؤلو مقره داخل اعماق البحار خلاص ياصرحاً بنوك اهل الادب يمكن تطيح=وتجراء عليك ابحوث مثل ابحوث تنقيب الاثار امنول اعتاب المنابر للبليغ وللفصيح=وأهل العقول الواعيه واهل الدهاء والابتكار واليوم كلً حسب عرفه يستعد ويستريح=وكلً يرى نفسه على القمه بدون اي اعتبار وأخر كلامي للعذر من ذات الالباب استميح=ان كان جاء مني خطاء فأناء رهين الاعتذار [/poem] سلطان بن حمود البقمي تحياتي للجميع |
وحجز ملكي فاخر
1 |
الشاعر القدير/سلطان بن حمود البقمي
الله الله صح لسانك وبيض الله وجهك قصيده رائعه تحمل فكر ورويا واجاده بحبكها وسبكها واسلوبها واختيار مفردتها بينت عيوب هذا الواقع الذي نعيشه وقد صدحت بكلمة الحق وانتقدت الفوضاء الاعلاميه والمظاهر والتقاليد التي دخلت هذا المجتمع المحافظ محاوله منها ادخاله في النفق المظلم. مبدع ياسلطان في شعرك وكبير في فكرك لاهنت تقبل أصدق الود |
ابو حمود
الله يعين بس هذا حال الدنيا وأنت .. صح لسانك مدد أبدعت أبدعت أبدعت تحيتي لشخصك .. ولحضورك ..! |
شاعر عملاق تستحق الاجلال
عزالله انك قلت صح لسانك ملايين تحياتي |
:
من / لاواهني اللي مـن اهمـوم الليالـي مستريـح ... ماهوب لامنـه جفـاه الليـل سلمـه النهـار الى / وأخر كلامي للعذر من ذات الالبـاب استميـح ... ان كان جاء مني خطاء فأناء رهيـن الاعتـذار أخي الكريم سلطان صح الله لسانك مليون ولايكفون على الأبيات الرائعة .. دمت بكل الخيـر .. |
صح الله لسانك طال عمرك نص فاخر ومعاني راقيه دمت بحفظ الرحمن
|
مابه تقدم والعوايـد والشيـمّ قامـت تسيـح
الا بدايـة حـرب قومـي للمـروه والـوقـار عصر انفتاحيـه وتقليـد اليهـودي والمسيـح وفتن تجلت للعيـون وبالبنـان الهـا يشـار وابواب الانترنت مفتوحه على الوضع المريـح والدش فوق السطح والريموت بأيدين الصغـار واللي على الفطره ليا ذلحين يوصف بالشحيـح وقالو تخلف واسرته عاشت من اجله في حصار كل شي تغير والصدور بسدهـا قامـت تبيـح تزهد من الدنيـا ليـا هرّجـت شيبـانً كبـار الله الله الله ابو حمود جست الواقع في هذا النص شاعر ولك مكانتك عند حضورك لله درّك وصح لسآنك ولك الإعجاب ايها الحيكم / أخوك فيحان |
.
. هزمت يالوجه المليح وفـزت يالوجـه القبيـح وتغيرت كل المبـادي فالدهـر يـوم استـدار حتى الادب والشعر واغراضه فرص قمت تتيح اصعد على ابراج التجـاره وانتبـه للانهيـار عزالله انها قصيده وصح لسانك من هنا لـ آخر مدى تحيتي لك ، وابدعت يابو حمود . . |
اخي الشاعر فيحان القرمودي ..
. اتشرف بتواجدك يابو شافي . وانت شاعر معروف . لاهنت على كل حال . اطلاعك يهمني . . اخوووك . |
اخي الشاعر زيد بن راجح البقمي .
. لاهنت يابو راجح ويسعدني حضورك كثير .. شاعر ولك بصمتك .. . اجمل تحيه .. اخووك |
سلطان
صح لساااااانك وبيض الله وجهك |
اخي الشاعر مشاري النثري
. . ماعليك زود يامشاري .. وانت شاعر غني عن التعريف .. لاهنت على كل حال . اخوك |
اخي الشاعر سلطان العطاوي
. لك الشكر والاجلال على تواجدك ياسمي .. اشكر حضورك الله لايهينك .. اخووك .. |
الاخت الشاعره / كنوز ..
. اسعدني حضورك .. واشكرك على مرورك الجميبل .. تحيتي لك .. |
اخي الشاعر
عبدالله الدوسري . شرفني حضورك .. لاهنت .. |
اخي الشاعر عبدالرحمن مازن ..
. اشكرك ياأخ عبدالرحمن على تواجدك.. . اجمل تحيه ,, |
بندر المرشدي
. صح بدنك .. واشكر حضورك لاعدتك . |
اخي الشاعر مشعان البراق
. يهمني اطلاعك وتواجدك يامشعان .. ومنك نستفيد طال عمرك .. . والمسيح هو عيسى بن مريم . صحيح والمقصود من سياق البيت هي الديانه المسيحيه . . مره اخرى اشكرك يامشعان .. اخووووووك |
اقتباس:
يابوحمود تحيتي وتقديري |
اقتباس:
صح لساانك واعتلاشانك سجل متابتعتي اخوك ابووافي |
واليوم كلً حسـب عرفـه يستعـد ويستريـح
وكلً يرى نفسه على القمه بـدون اي اعتبـار الله يصلح الحال يا سلطان ويكفينا شرور الوقت .. وتقلبات الأيام صح لسانك مدد ولا هنت على تواصلك |
| جميع الأوقات بتوقيت GMT +3. الساعة الآن 05:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية