ضحكة سن ومخامس كفوفي
 

[poem=font="Simplified Arabic,6,white,normal,normal" bkcolor="transparent" bkimage="backgrounds/3.gif" border="none,3,blue" type=2 line=0 align=center use=sp num="0,black""]
يالله ياللي لك صلاتي والعباده=مارجيت الا انت وايضا منك خوفي
اسألك عفوك ولطفك والزياده=في مجال الخير وبحالي تروفي
بعدها يوم العصر ذعذع براده=ياهجوسي خرجي زين الحروفي
تجربه حصلت لي منها استفاده=سجليها بالقلم رقعه وكوفي
كل جاهل فالزمن يلزم حياده=دام خلق الله تمشيها الشفوفي
والصدق معدوم ماتلقا بلاده=صعب تلقا شخص واحد فالألوفي
نغلي الطيب ونحفظ له وداده=ما الردي لاصد ياجعله ذلوفي
يعذر المنعور في كبوة جواده=وان غلط غلطه نخليها تطوفي
الشلي يصحا ويذهن من رقاده=يعتنز وان طاح عجل بالوقوفي
وصاحبي والله مالي بابتعاده=وكان قفا ما على المقفي حسوفي
والزمن والله مانجهل جياده=بس من نوع البشر بذكر صنوفي
نوع صار الكذب له خصله وعاده=وان وعد ماهو على الميعاد يوفي
ونوع يكثر دوم فالناس انتقاده=جاهل ولعيب نفسه مايشوفي
ونوع متغطرس وبه كبر وقراده=والقوي الله وخلق الله ضعوفي
ونوع يضحك لك وبغضك في فواده=بس ضحكة سن ومخامس كفوفي
يارسولي شل خطي والافاده=والرساله حطها وسط الزروفي
والسلام الاف ما يحصا عداده=عد ماالبراق يلمي له رفوفي
عند واحد حسب ضني واعتقاده=بالتواضع والخلق ماله وصوفي
شاعرن حقق في الشعر الرياده=ما يغثك لاتخاويتوا سعوفي
من بني عم لهم فالطيب عاده=يكرمون الضيف من شحم الخروفي
قل لصالح والعمل عفنا براده=كيف عاد الحر قدني له عيوفي
ان طلبنا شي ماجانا اعتماده=لامتى صبري وانا عندي ضروفي
[/poem]

عايض ..


قصيده جميله ونعم فيك وفي ابن عمك ..


صح لسآنك على هالعذبه ..

صح لساااااانك


شاعرنا

اشواق يشرفني مرورك

شكرا

محمد شكرا على الاطراء

وشرف مرورك على مشاركتي

اليمامه

شكرا على مرورك

سلطان

شكرا على مرورك

وهذا شرف لي مرور امثالك