المشاركة الأصلية كتبت بواسطة نايف بن صنهات (المشاركة 1223951)

السلآم عليكم ورحمة الله وبركاته.,

إليكم هذه المتواضعه تطلبكم النفوذ..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تراثع بنا الأيام ونطيح ونقوم ونطيح=نجابه ونصبر ونتحدى على وضح النقا
دروس الليالي علمتنا الخطا قبل الصحيح=شبعنا بها من كل همّ وهواجيس وشقا
أنا كيف بسّ أسلم من الوقت وأسلى وأستريح=وأسايس زماني وأتعشّم بحظّي وأهقا
وأنا كلّ ماأخامس بكفّي يد الوقت الشحيح=ليا قام حظّي طحت وإن طاح حظّي مارقا
من أيّ الجهات الأربعه قلبي ليا هبّ ريح=تنهّد وأعادت ذكرياته مواعيد اللقا
تنهّاد صدري من لظى الشوق جايٍ له فحيح=ولاضلوعي بواقيةٍ القلب لإن ماالله وقا
عسى الله بس يسامح اللي يباح ولايبيح=على كثر ماأرحّب به يصدّ ماقال البقا
راع الوادي اللي نسمته نفحة خزامى وشيح=تصحّي جروحٍ فاالضماير لها وقت إعنقا
ياكثر الجروح اللي تسابق على قلب الجريح=تخاطف شرايينه لارحمه ولاعفو إعتقا
والا ليتني قاصر عن الحبّ ولساني فصيح=سقى الله وقتك ياالطفوله من أفضل ماسقا
قبل لاأعشِق ويضيق في عيني الكون الفسيح=وقبل لاأعرف إن أكثر نوايا هل الحبّ إمحقا
لكن مالي الا الصبر لو قاد رجلي للضريح=ولاأبيّن لناسٍ لاتقدير وضع ولاإرفقا
لو إنّ القلوب تصيح من ظلم قلبي مايصيح=تعوّد على جور الحبايب وقلّ الأصدقا[/poem]

تحيّاتي