رساله الى اخي
مساء الخير على الجميع
هذي قصيده من الارشيف كتبتها وكان سببها لما وادعت اخي عندما كان في صالة الانتظار في المطار .. وكان ينتظر وقت اعلان ذهاب الرحله وهي رحلة الى دوله اجنبيه للدراسة وبصراحة عند وقت الموادع هلت عيوني بالمدامع وكتبت هذا المطلع وكملت القصيده ورسلتها له ولما قراها رد علي وكان رده يثبت انه يعلم مافي خاطري وقلت فيها بعد ماهلت دموعي ... الا ياحمد هلت دموعي بسبتك ودمعة عيوني بالخدود تزيد احاول اخفي دمعة العين لاكن حزني غدى وسط الضمير شديد انا ضايقً صدري وبالخد مدمعي ومن كثرت احزاني كـتبت قصيد اقولها والهم يشهد بقولي والله تعالى بالكلام شهيد معادبه شيً يسلي بخاطري ماغير همً في حشاي جديد ياكيف انا ماضيق والهم بالحشى كني بعيرً قيدوه بقيد ومن بعد ضيق البال والهم والحزن بهديك انا ياخوك راي سديد ونا بنصحك ياخوك وسمع نصيحتي دام النصيحه بالزمان تفيد اترك ضعيف النفس لا لا تصاحبه لاتـتبع ادروبه تراه بليد ولاتـتبع الخبلان ون زاد طيبهم اللي على وقت الصعاب جحيد محدً يفيدك ونت داري بمقصدي ماينفعك ياخوك غير عضيد وبي تـنـتبه من عالمً تخفي البلا ونا واثق انك يالعضيد تصيد ترى الناس تخفي مكرها لوتسترت اخذ الكلام وجاك علم وكيد ابي تغتم وقـتك وحذرى تضيعه على شان كل القوم فيك تشيد ترى الوقت مثل السيف وبغاك تـنـتبه اغنم زمانك ونت حر فريد وبنصحك لاحل وقت الفريضه انك تصلي ياعساك سعيد ترى الفرض واجب ونت مسلم ومستقم ترانا ترانا للإله عبيد وبي تـتلو القرآن بالصبح والمسى مدام القرايه بالكـتاب رصيد وحاول تسلي خاطرك في بلادهم وكـتب من ابداع الخيال نشيد واليا جذبك الورق لالاتجاذبه خايف تهل الدمع ونت وحيد انا خابرً قلبك رهيفً وممتلي بالحزن دامك للعيون بعيد تصبر وكافح يافتى في حياتنا يالله عسى ترزق بعمر مديد وباخر كلامي لاتضيُع نصيحتي مدام النصايح لرجال تفيد __________________________ وبعدها بيومين رد علي بهذا الرد الجميل وقال فيها.. هلا باللذي يرسل علينا كـتايبه وينصح عضيده من مكان بعيد أنا اسمع صدى صوتك ولو دونه البحر وجاوب على طرقك بقول نشيد أذا كان حزنك ياعضيدي على البعد فنا مماتي فالبعاد وكيد لكن وقـتي يامحمد بسايره الوقت يبغى والزمان يريد وخوك يامحمد على منت خابره زهيد من حيـنه ويموت زهيد مترك عمود الدين وكـثر نوافلي وقيام ليلي فالظلام يزيد وصوم وغض البصر في مسيري ومحاسب المنكب علي شهيد وقراء من القرآن كل ماتيسر وقراء رياض الصالحين وفيد ولا ارضى على ديني مهانه من العدو لوكان حد السيف فوق وريد وفي صحبت الأجناب ماني مكـثر لو كان يصفى بالصعاب وحيد وماخاوي الحر الردي لجل منسبه وشلي بـ حرً بالرذال يصيد وبشر بقولة نعم لاجابو اسمي في غربتي عندي غنات رصيد ولك وعد مني ما اغير سلومي ولاتبع من الغاوين كل مكيد هذا وصل الله على سيد البشر شفيعنا يوم الكـتاب شهيد وسلامتكم |
الله يوفقه ويرجع بالشهاده
ويكفيه شر السفر ويعطيه خيره صح لسانك على المشاعر الاخويه الجميله |
يا حلو الكلام هذا والطروق هذي
صح لسانك يا محمد ولسان اخوك والله يوفـّقه في حياته وآخرته ويردّه سالم وغانم لـ ربعه تقديري لك ،، |
الله ياب ن هنـدي
قمة الرووعه و الابداع قسما با الله وبحر الهلالي صعب ,, ولكن قدرت تعبر فيه وتبدع فيــه بيوت روعه ومبدعه واخوك ما قصر رد بقوه وبأبداع الله يوفقه والله لا يظركم تحياتي واحترامي اخوك |
ومن بعد ضيق البال والهم والحزن
بهديك انا ياخوك راي سديد ونا بنصحك ياخوك وسمع نصيحتي دام النصيحه بالزمان تفيد اترك ضعيف النفس لا لا تصاحبه لاتـتبع ادروبه تراه بليد ولاتـتبع الخبلان ون زاد طيبهم اللي على وقت الصعاب جحيد محدً يفيدك ونت داري بمقصدي ماينفعك ياخوك غير عضيد وبي تـنـتبه من عالمً تخفي البلا ونا واثق انك يالعضيد تصيد ترى الناس تخفي مكرها لوتسترت اخذ الكلام وجاك علم وكيد ابي تغتم وقـتك وحذرى تضيعه على شان كل القوم فيك تشيد ترى الوقت مثل السيف وبغاك تـنـتبه اغنم زمانك ونت حر فريد وبنصحك لاحل وقت الفريضه انك تصلي ياعساك سعيد ترى الفرض واجب ونت مسلم ومستقم ترانا ترانا للإله عبيد وبي تـتلو القرآن بالصبح والمسى مدام القرايه بالكـتاب رصيد وحاول تسلي خاطرك في بلادهم وكـتب من ابداع الخيال نشيد واليا جذبك الورق لالاتجاذبه خايف تهل الدمع ونت وحيد انا خابرً قلبك رهيفً وممتلي بالحزن دامك للعيون بعيد تصبر وكافح يافتى في حياتنا يالله عسى ترزق بعمر مديد وباخر كلامي لاتضيُع نصيحتي مدام النصايح لرجال تفيد لا هنت وصح لسانك |
صح لسانك ولسان اخوك ابيات رائعه ومعاني جزله ابدعتما لك فائق الاحترام والتقدير تحياتي |
محمد بن هندي آلله آلله صح آلله ألسنتكم و آلله يستر عليه و يوفقه و آلله لا يخيّب لكم رجآ كل آلشكر |
عفاس بن حرباش..
صح بدنك ومرحبا ومسهلا يالغالي تحيتي لك |
سلطان بن حامد..
صح بدنك ومرحبا ومسهلا يالغالي لاهنت على المرور |
عبدالله العبدلي...
مرحبااااااا ومسهلالالالالالالالالالا وصح بدنك ونا سعيد بمرورك يالغالي تحيتي لك |
مخايل...
مرحبا ومسهلا يااختي وصح بدنك ولاهنتي على المرور تحيتي لك |
ابو مرزوق...
مرحبااااااااا ومسهلالالالالالالا يالغالي وصح بدنك مرورك يعطيني الحافز الكبير يالسنافي تحيتي لك |
نواف المطيري...
صح بدنك يانواف ونا سعيد في مرورك يالغالي لاهنت يالسنافي تحيتي لك |
تسلم يا بن هندي
والله لايفرق بينكم ويجمعكم على العز والطاعه سجلني متابع ومعجب بإختصار شديد مبـــــــــــــــــــــــــــــــــــــــدع |
صوت وصدى رائع
صح لسانك ولسان اخوك والله يسلمه ويرجع بالشهاده بإذن الله |
الله الله الله
يامحمد صوت وصدى رائعييين الله يجمع شملكم ولايفرّكم سلام |
صحت السنتكم
ولاهنتم والله يثبتكم على الحق احترااامي و ج د |
صوت وصدى رائع
صحت ألسنتكم وبيض الله وجيهكم كل الود |
فعلا الوداع صعب ووصف اثره ايضاً صعب
صح لسانك يا محمد انت وحمد ولا هنتوا محبتي ومتابعتي واحترامي ياغالي اخوك |
الله الله الله
صحة ألسنتكم , الفراق صعيب والله يرد غايبكم بالسلامه تقبل مروري |
الله يوفقه ويحقق مبتغاه . ويرجعه سالم
وصح لسانك ولسانه . تقديري |
صح الله السانك
تقبل مروري |
| جميع الأوقات بتوقيت GMT +3. الساعة الآن 07:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية