**البارح الفكرقامت تدرجبي رحاه**
 

السلام عليكم ورحمة الله وبركاته

والله يجملنا

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارح الفكر قامت تدرجبي رحاه=بعض الهواجيس فال الله ولافالها

مالوم قلبن على المهجاع بيح خفاه=وعينن على ساقته ماكف شلالها

عينن على السهر حاديها الزمان وغثاه=يبديلها الصبح مانامت هذا حالها

الله يلوم الدهر علي مكبر خطاه=بيض الليالي حجب عن عيني هلالها

فالعين وقتي غدا يشبه صباحه مساه=وش عاد ابرجي من الايام وليالها

وين انت ياللي على الرفقه بعيد مداه=اللي ليا كبرت الاحمال يشتالها

كم قالتن دونها الرجال يفرك يداه=تنجال عنها العرب لاصب فنجالها

مايشحنه كودها عنده عليها جراه=لوهي صعيبه ليا جاها تصدالها

المرجله عشقته والطيب غاية هواه=ماذم الاجواد مير افعاله لحالها

هذاك راع الوفا لوكان تزعل عداه=والله ماقلتها في غير منزالها

حمود مزيد سلايل مكربين الغزاه=اللابه اللي تشوش الروس لفعالها

ذوي مروح ليا جا فالفعول اشتباه=كم سابقن في نحاهم طاح خيالها

اقولها والردي لعل ماله عراه=صياد غر الاوادم ماله ومالها

حتيش ياللاش لوماله رفع مستواه=اخير مافالثعالب رزت اذيالها
[/poem]


للمشرف مع التحيه

صح لسااانك وعلا شااانك


لاهنت

صح لسانك يابو وافي وأنته تعرف رائي في قصايدك ويستاهل المدح من يستحقه.

دمت بخير وعافيه

مبدع يابو وافي قصيدة رائعة مبنى ومعنى والطيب يستاهل صح لسانك ملايييين

صح بدنك ياناصر

والله لايهينك

ومشكور على المرور

يوسف عبدالله
صح بدنك
وشكرا علي مرورك
تحياتي

عز الله انها من درر الشعر

ويستاهل المدح كل طيّب وسنافي

القدير .. منيف الشيباني

صح لسانك عدد حروفها

مع صادق الإعجاب ،،

..