--((طنآخت السميآن..وتآريخ الفرسآن))--
 

بسم الله لرحمن الرحيم


هذه مشاركتي في حفل الشيخ/مطر بن عجب السمي مالك الأبل المعروف الذي أقيم في مدينة الرياض
يوم الخميس22/5/1431 هـ ..بمناسبة فوز إبله المجاهيم بالمركز الرابع في مزاين الظفره في الأمارات..
وأقول له ولقبيلة البقوم كافه الف مبروك وأبارك لإبنه العزيز / بندر بن مطر السمي



//



\\





[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشعر موقف..والمواقف مالها عنيّ غنات=اروض القيفان فيها وابتدي بسمانها
والشاعر الليّ بندقه زمت يلحفها العبات=ويريّح العالم من البندق ومن نيشانها
قصيدتي ترقص طرب بين الضلوع الناحلات=وان كان ماعديتها ثارت عليّ قيفانها
اعدها من هاجسٍ يروي الكبود الضاميات=ولافيه كلمه غير اثبتها على برهانها
وان كان ما ارضيت النشاما بالبيوت النادرات=عهدٍ عليّ لا اترك بيوت الشعر في دكانها
الليله الهاجس مثل برق المزون الممطرات=في حفل ابو بندر يهل الشعر من ربانها
مطر عداه اللوم جمّعنا بطيب المكرمات=يبغى الجميله والكرامه فاتحٍ بيبانها
مدهال للي حدته قشر السنين الممحلات=ياما تقدم بالجزال ولاّ يحسب اثمانها
وانا هنا جيت افتخر ماجيت اجمع لي شتات=لإن القبيله نبض روحي والغلا شريانها
سلام ياللي فعلكم فوق الخيول المسرجات=قبيلةٍ بأبطي وانا اعدد فعلّ فرسانها
الاد سامي مرويت حد السيوف المرهفات=حمّايت الطارف بهندٍ هيبت عدوانها
اجيلهم ويشوش راسي لانظمت المفردات=وقولة هلا يامرحبا منهم لها ميزانها
طناخت السميان تجذبني لها طيب الصفات=روسٍ تقادح بالحميا والسطر عنوانها
قومٍ فدت رضوان بالأرواح لاحد الممات=يشهد على ما اقول مرضي وانشدوا رضوانها
وقت الشدايد عزمهم مثل الجبال الراسيات=ووقت العزاوي في المواقف يستجن جنانها
حماية القاله ولوّ ضاقت بها كل الجهات=وامجادهم ماتنحصر من وقع فعل ايمانها
ترفع لهم بيض البيارق فوق روس النايفات=قبيلةٍ بين القبايل رافع الله شانها
تاريخهم منحوت بالأفعال في صم الصفات=امثال من يقدم على الفرّيس في مزبانها
ذاك الجويع الليّ رقى بالمجد روس الطايلات=ياما وقف ضّد الجموع الهايله واعوانها
وهذاك ضاوي لا اعتلى قب المهار العاديات=ايعنها يالين يشكي سرجها وعنانها
كم شيخ قومٍ قال ياضاوي زبون الوانيات=افزع لنا في غارةٍ عج الرمك دخانها
وهذاك اخو رزنا صليب الراس لطّام العدات=ذاك العديم الليّ يضدّ القوم في ميدانها
وهذاك درهوم الندواي من حرارٍ نادرات=لامن حضر فالمعركه ذلّ الخصوم وهانها
وهذاك ابن هذلا عطيب الفعل كفو المعضلات=يرسي كما ترسي الجبال السود في قيعانها
وحمود راع الجود..ساس المكّرمه بنك الغات=مدات جوده مثل مزنٍ منهمر ودانها
شيخٍ على ماجوب ربعه طرف عينه مايبات=جته الأماره ورث جده والسنافي صانها
وحنا البقوم اهل القنا والطايله والمعجزات=واهل السيوف الحدب والخيل الاصيل وزانها
فريّسنا موجٍ مثل موج البحور الطاميات=لامن تصافق يرّهب الدنيا على سكانها
وحنا هل الشعر الجزيل ان كانها راحت وجات=شعارنا مثل البحور الليّ حوت مرجانها
وحنا هل البلّ في العصور التاليه والماضيات=ترعى ابلنا من باسنا محدٍ قرب شعبانها
فينا الحطيم محطم الارقام واغلى الجايزات=وابن عجب جايزته بيمناه قبل اعلانها
وفينا فهد كساب قولة نعم بالفعل الثبات=وأبله ليا من عرضت قلت الأوايل عانها
هذاك ابن وران راع الاوله والتاليات=كم قالةٍ ياقف علاها لين جاب رهانها
وتاريخ ربعي مثل نور الشمس بوجيه الروات=وافعالهم حتى حضن ماشال نص اوزانها
سهوم المنايا مجدهم ماتحتويه مجلدات=لإن الفخر واصل الفخر تاجٍ على شيبانها
عديت مجدّ ومجدّ يبقى للسنين المقبلات=بأخلي الاجيال ترويها على شبانها
هذي قصيده قلتها والباقيات الصالحات=واهديت للسميان باقت ورد من بستانها[/poem]




//



\\



.

فيحان القرمودي

أقسـم با الله انك مبدع


وشاعر فحــل

صح لسانك مليون ولا يكفووون


كفيت ووفيــت

قريتها مره ومرتين وثلاث ولن املها

تحياتي واحترامي

اخوك

مرحبا تراحيب المطر ياعبدالله
وقسم بالله ان ردك يدل على طيبك وجزالتك



لإن المثل يقول اذا تبي تعرف الطيب امدح الطيبين قدامه
ويشوش من طاري الطيب ويفرح ولا الردي هو اللي يضيق من مدح الطيبين


صح الله بدنك


/



واشكرك ولك جل احترامي يابطل

،
فيحان

ماقصرت ، وبيض الله وجهك ووجه من علمه غانم ، والبقوم يستاهلون كافة ،

صح الله لسااانك ، ولاهنت



تح ـياتي لك

كفو يافيحان



وهذي قصيده عصماء تستاهل كل الثناء ولا يمر عليها مرور الكرام



صح لسانك وسجل اعجابي

مرحبا بصديقي سطان


صح الله بدنك

وشاكر لك حضورك ومتابعتك الملحوظه


تقديري وجل إحترامي لشخصك الكريم

صح لسانك المبدع..

وافي وعزالله انك كفو

وشاعر كبير

تقديري لك

اخوي / عبد الرحمن

ماعليييك زود


صح الله بدنك



شاكر لك مرورك العطرررر

ارحب يامشعان


وتستاهل الطيب ياراعيه
صح الله بدنك



وشاكر لك مرورك العذب


/



اخوك

فهد الزعبي

هلابك

ووجهك ابيض ولا علييييك زود

صح الله بدنك


وشاكر لك مرورك العطر

/



تقديري لشخصك الكريم

هلا غيمار..صح الله بدنك

ووجهك ابيض


تحياتي لك يالغالي


/


.

مرحبا يافالح


ولا عليك زود


صح الله بدنك

أشكرك على ذا الحضور الغالي عندي


تقديري وتحياتي لك

هلا يا ابن سنيد


صح الله بدنك


وشاكر لك هذا المرور العطر


/


تحياتي لك

شاعرنا القدير/فيحان القرمودي

الله الله

صح لسانك وبيض الله وجهك

قصيده رائعه تستحق عليها بشت معالى الفريق اول محمد بن حمدان البقمي الذي البسك اياه بعد مالقيت هذه الدره

مباشره تستاهل يابو شافي .

دمت مبدعاً

تقبل أصدق الود

عبدالله بن مرهب

ماعليك زود

وصح الله بدنك



شكرا لهذا الحضور

مرحبا يانواف

صح الله بدنك

شاكر لك هذا الحضور النقي

/


دمت كما تحب