تحطيــــم الأرقـــــام !!!
السلام عليكم ورحمة الله وبركاته
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عب الورق يا ناقل الحبر عبّه = ما عاد فيني للدفاتر والاقلام أفكار راسي عند رجلي مكبّة = والراس ماله قدره .. ولا له اقيام دارت رحى الأيام من فوق حبّه = يا شين دورات الليالي والايام تقرص عقاربها بليا منبّه ! = الوقت متسمم .. وتوقيتها سام بانت وجيه أيامنا المشلهبّه = عقب أتّقوا عنا مفاريص الأخصام ما عاد تلقى حي يعطيك لبّه = تحطموا مع درب تحطيم الأرقام اللي هبد له لغْم واللي مطبّه = هذي هي الدنيا مطبات وألغام يسد فيها ثوب صيفي وجبّه = واشماغ عادي ما هو اشماغ بسام واللي ملا بطنه .. وخرجه .. وعبّه = قله تراك احطام تجمعلك احطام يا اهل القصور الفخمه المطلحبّه = سوى سوى مع بدو نزّالة اخيام الطيب اللي يقضي اليوم نبّه = ويلقى على قدّه متر في متر خام حتيش لو طالت عمار المسبّه = أيام وأسابيع واشهور وأعوام العمر تكويعه .. وتجديد شبّه = والموت لن جا .. جا ومن غير عزام باب ٍ بلا مفتاح وابدون ضبّه = ما هوب حاجة طق لو كلّه إلحام ! عرفتها وأنا من أول مشبّه = فأحلام ورديه .. ووردية احلام ما يفرق العاقل .. وخطو الجلبّه = الاّ حدود النظره اللي للامام يا ذيب عان الريع ذبّه واذبّه = تراي انا وأياك فالطرقه اليام أما بديت ابنا على راس تبّه = والاّ رخصنا عند رعيان الأغنام كب الخوي اللي يحسفك كبّه = حتى ولو أنه مصلي وصوام !! يحبطك واذراع العزيمه يجبّه = وإن طحت ما يرفعك .. وإن طاح ما قام من عظم ساقه فالطلب ما صلبّه ؟ = ماله عصب في ساقه ولا له اعظام ليته مريض أعضا ويعبا لطبّه = مار امرضه يحتاج قلاع حجّام علاقةٍ ترميك فيك كل غبّه = ما شرعت وإلها حكم غير الأحكام لا هيب لا سنه ولا مستحبّه = ولا هيب مكروهه ولا هيب حرام مسجد لكن ماله مناره وقبّه = يضم ( عبدالله ) و( عبّاد الاصنام ) ! دام الصلاه تجوز في كل خبّه = مالله بموزمني على قض الأهرام احتاط .. واحرص .. وافتطن .. واتنبّه = وابذل سبب والغيب له رب عـلاّم هذا نظام مطبّقه ما نشبّه = الظن ماله وجه معروف وانظام بعض العرب سيماه ما تنتسبّه = امطوع وعاصي وناصح ونمام ! هبّه سواتي كل ما جاك هبّه = اللي يجيد الدور في كل الأفلام ووجه ٍ كريه إليا عرض ما تحبّه = لكنّه حزامك ليا احتجت لـ / احزام !! وبعض العرب ما تمدحه ما تشبّه = الله هو اللي عزّ الأمه بالإسلام ياللي حمست البن زلّه وصبّه = الراس فيه اعماس و اصداع واضرام وقفت حاير في طريق المحبّه ؟ = قدام يا ركب المواليف قدام اخطيت يا بو عنق ٍ ابيض ولبّه = ياللي مواصيلك من العام للعام يلعب هواك بقلب ما ينلعبّه = لين إن قلبي روّح أمزاع وأقسام أزريت فيه الله ربي وربه = دوب أتلزّم في جنوبه تلزّام صدري حما ما غيرك أحدٍ يطبّه = واسهمت فـ / احماية محاديبه إسهام ومن عقب ما حال أرنبه دون ضبّه ؟ = فكّيت باب احماه من ( يمّة الشام ) شرّعت صدري والهبايب تهبّه = وضاع النسم بين الذواري والأنسام عيت تقر أوضاعي المستتبه = وأزريت احرك شي في ( وضعي العام ) كثرت مشاريه الأهل والأحبّه = ما كن عندي عقل وإدراك وإلمام شرهه بلا سبّه وشرهه بسبّه = كنّي وكيل آدم على كل الآنام وخلاصة الموضوع شكله ولبّه = حقيقة ٍ تجلا غباشات الأوهام لا صار كل راس ٍ تشوفه تحبّه ؟ = لا بدّك اتسلّم على روس الأقدام !! [/poem] وسلامتكم ..، |
حجزززززززز 1
|
الله الله الله
ياسلام على الابداع هذا الشعر اللي عليه الكلام صح لسانك وسلم بنانك تحياتي |
الله
الله الله رائعة وتعرف رأيي فيك يا عائض من بدايتها حتى الختامية الفارقة بجزالة متجلية وليست مستغربة على امثالك صح لسانك صح لسانك وننتظر جديدك وتواصلك مع هذا الصرح تحياتي |
هنا إبداااااااااااااااع بختم الجوده ...
نص يحتاج لإعادة قراءه أكثر من مره .. صح والله فكرك ياعايض على هذه الدره .. ماشاء الله تبارك الله عليك .. إعجاااااااااابي القديم مصفّر العداد من جديد :) محبتي لكـــــ :) |
الله الله الله
صح لسااانك يا عايض ابداع لله درك تحيتي واعجابي ,,, |
علاقـةٍ ترميـك فيـك كــل غـبّـه
ما شرعت وإلها حكـم غيـر الأحكـام لا هـيـب لا سـنـه ولا مستحـبّـه ولا هيب مكروهـه ولا هيـب حـرام مسجـد لكـن مالـه منـاره وقـبّـه يضم ( عبدالله ) و( عبّاد الاصنـام ) ! عايض النفيعي لله درك .. حضورك غير ! صح لسانك |
حجز 1
حجز 2 حجز 3 حجز 4 حجز 5 حجز 6 يا مبدددددددددددددددع .. |
اشهد بالله انك ابدعت
ابيات ونفسها طويل ومليانه شعر هنا الشعر الحقيقي |
عايض النفيعي :_
شااااعر لا تأتي إلا بالشعر الحقيقي ..!! عزالله ملحمة .. شعرية كاملة لله درك لله درك لله درك ,, |
اقتباس:
صح لسانك ياعايض ملايين على هذه العصما. دمت بخير |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ياللـي حمسـت البـن زلّـه وصبّـه=الراس فيه اعماس و اصداع واضـرام وقفت حايـر فـي طريـق المحبّـه ؟=قـدام يـا ركـب الموالـيـف قــدام اخطيت يا بـو عنـق ٍ ابيـض ولبّـه=ياللي مواصيلـك مـن العـام للعـام يلعـب هـواك بقلـب مـا ينلعـبّـه=ليـن إن قلبـي روّح أمـزاع وأقسـام أزريـت فـيـه الله ربــي وربــه=دوب أتلـزّم فـي جنـوبـه تـلـزّام صدري حما مـا غيـرك أحـدٍ يطبّـه=واسهمت فـ/ احماية محاديبه إسهـام ومن عقب ما حال أرنبه دون ضبّـه ؟=فكّيت باب احماه من ( يمّـة الشـام ) شرّعـت صـدري والهبايـب تهـبّـه=وضاع النسم بين الـذواري والأنسـام عيـت تقـر أوضـاعـي المستتـبـه=وأزريت احرك شي في ( وضعي العام ) كثـرت مشاريـه الأهـل والأحـبّـه=ما كن عنـدي عقـل وإدراك وإلمـام شرهـه بـلا سبّـه وشرهـه بسبّـه=كنّـي وكيـل آدم علـى كـل الآنـام وخلاصـة الموضـوع شكلـه ولبّـه=حقيقـة ٍ تجـلا غباشـات الأوهــام لا صار كـل راس ٍ تشوفـه تحبّـه ؟=لا بدّك اتسلّـم علـى روس الأقـدام !! [/poem] عايض صح والله لسانك يا بحر أبدعت والله وأجزلت ولا هي غريبه عليك الأكيد إن كل ّ قصيدك يطربني وبس : ) تقديري لك ،، |
فوووووووووووووووق يا شعر
ولي عوده |
تبغى الكلام اللي ثمرته فيه
انك ياعايض امتداد للعمالقه الذين سطروا الملاحم الشعريه الخالده ... الوكاد انها في المفضله وسلامتك ,,, |
عايض
الله يبيض وجهك , ويطول عمرك .. صح لسأنك مليون ضرب حروفها ! تحياتي وتقديري لك |
[align=right]
لا صار كـل راس ٍ تشوفـه تحبّـه ؟ لا بدّك اتسلّـم علـى روس الأقـدام !! ياسلام عليك صح لسااانك ولا هنت [/align] |
عايض
شاعر تكتب الشعر الحقيقي وصلت لمرحلة أدمان لشعرك وشعورك صح لسانك مدد وطبت شعرا وشعورا يا صديقي سجل متابعتي تحيتي احترامي |
عايض النفيعي لله درك لله درك لله درك حضور وجزاله وابداع وامتاع الى حد الثماله صح الله لسانك صح الله لسانك لا أخفيك ياعايض .. ! اني من المعجبين بشخصك الكريم وشعرك دمت بهذا الابداع أخوك |
كثـرت مشاريـه الأهـل والأحـبّـه
ما كن عنـدي عقـل وإدراك وإلمـام شرهـه بـلا سبّـه وشرهـه بسبّـه كنّـي وكيـل آدم علـى كـل الآنـام يا حي الشعر والشاعر ... صح لسانك ولاهنت شاعر مبدع ولا فيها كلام ... سعيد جدآ بتواصلك في الشعبي .. واتمنى انه ما ينقطع يا عايض اعجااااااااااااااااااااابي |
عز الله تحطم الأرقام
صح لسانك مليون غيمار |
. لا صار كـل راس ٍ تشوفـه تحبّـه ؟ لا بدّك اتسلّم علـى روس الأقـدام !! . يا ســـلام ختامها مسك الحكمة نص فاخر و البيت الأخير مرشح بقوة ليكون مثلا شرودا شاعرنا الفخر عايض النفيعي صح نبضك ودام بوحك . |
ما فالكلام طوله وقصره فايده ياعايض
عزالله انك كتبت واجدت وابدعت والتعبير يخوننا في مثل هالمواقف صح لسانك من هنا لين تقوم ناقة صالح |
| جميع الأوقات بتوقيت GMT +3. الساعة الآن 10:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية