يا بحر والله ما شيّب روسنا غير الرجالة ..!!
السلام علاكم :) [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] البـَحـَر والشّعـْر تلزمهم مواثيق و زمالة=من يردّ الموج والشاعر ليا هبـّت هبوبه يا بـَحَر لوّ أكتب أبياتي على موجك رسالة=بيت واحد من بيوتي يقلب أملاحك عذوبة يا بَحَر يا ليتني باقي على طيش الجهالة=يوم كنت صـْغِـير ما اعاني من الدنيا صعوبة الفرح عنده موظّفني ومعطيني وكالة=للضحوك وللمزوح ونزوة النفس اللعوبة ويوم كمـّـل عمري العشرين قدّمـْت إستقالة=الفرح عيـّا اسلوبي لا يوافق مع اسلوبه القوانين القديمة والمذاهب والأصالة=تلزم الرجـّال لوّ الحال ماشي دوب دوبه يا بـَحَر والله ما شيّب روسنا غير الرّجالة=عيب نسكت وإن هَرَجْـنا كلمة الرّجل مْحَسوبة يا موصّي . لا توصّي صاحْبـِك يلزم رياله=وش يسوّي بالفلوس اللي تبرّت من جيوبه أنت وصـّـلْت النصيحة واتركه مالك وماله=الكرم ماهو مجـنَّب عنه لو إنـّه عقوبة كمّ مرّة جاه حملٍ ما يطيقه وارتكى له=من عناده للحمول الجايرة ما قال توبة لو تسلّف واجب ضْيوفه من هْنود البقالة=مع صلاة الظهر في جدّة وفي عزّ الرطوبة لجل ما يدرون ضيفانه بحاله كيف حاله=مايجيهم غير مستانس ويضحك مع جنوبه كرّم الله لحية اللي ضيفه يكرّم سباله=وسوّد الله لحية اللي يعطي ضيوفه ذروبه البخيل تشوف وسم الضّيم حتّى في عياله=ما تقول الاّ مشَــلْوطهم على النار الشّبوبة والكريم ليا عطى كنـّه ما يعطي من حلاله=لو طلبته ثوبه اللي لابسه يعطيك ثوبه نعنبوا جدّ البخل واللي يحطّه رأسماله=البخيل بْخيل ما يعطيك حتــّى من ذنوبه .! [/poem] تحياااااااتي . |
نعنبوا جدّ البخـل واللـي يحطّـه رأسمالـه
البخيل بْخيل ما يعطيك حتّى مـن ذنوبـه .! ياسلام عليك صح لسانك ياوصل ماهيب غريبه عليك هذه مثل تحياتي لك |
اقتباس:
ماشاء الله اقسم برب الكعبه انك داهية شعر وفي كل جديد اقول خلاص مستحيل يتعدى حجم الابداع هذا انت مجنون شعر الله لايشفيك ! ماعاد ادري وش اقول لكن صح لسانك |
شاعر عملاق
لايستغرب منه الابداع يكتب الشعر بحرافه صح لسانك ياوصل ملاييين تحياتي |
ياسلام عليك
صح لسانك ياوصل ماهيب غريبه عليك هذه مثل تحياتي لك |
لله درّك يا وصل
تكتب الشعر الحقيقي والمعنى الثمين وعواديك الابداع دايم صح لسانك وبيض الله وجهك على هالقصيده والكريم معان على قول المثل تحيتي ومحبتي وجعل يفداك البخيل :) |
الله الله الله الله
ابو مشهور سلمت وسلم راسكـــ شاعر غني عن الشهاده والاشاده ,, لكن ابداء الاعجاب شي لابد منه قصيدك ينعش الروح يعني بالعربي لاتبطي عنّا اصدق موده |
اقتباس:
اقسم بالله إنها من أجمل ما قرأت في حياتي .. شعر شعر شعر شعر .. ما اقول الا مثل ما قال عفاس : مجنون شعر الله لا يشفيك ! تحية وإعجاب .. |
الله الله
وصل العطياني قصيدة ممتعة لابعد حد تأسر القلب من اول قراءة وتجمعنا على رأي واحد نقوله عقب كل بيت اجتر من قلوبنا كلمة ( الله ) ابيات تزخر بفن شعري مذهل و ممتع ومشبع .. لازال الشعر بخير مادامت القلوب تكتب والعقول تتحدث وصل العطياني صح لسانك |
الله عليك يا وصــل
نعـنـبـوا جـــدّ الـبـخــل والــلــي يـحـطّــه رأسـ مـالــه البخيـل بْخيـل مـا يعطيـك حتّـى مـن ذنوبـه .! قمة الابداع و الروووعه حبكــة شـاعر صح لسانك ولا هنت يا الغالي اخووك |
وصل
لله درك فعلا هذا هو الشعر المطلوب صح السانك ودمت كما تحب |
وصل العطياني
المثل يقولوالكريم معان صح لسانك مليون وسلمت غيمار |
وصل العطياني
إسم أحرص على متابعته جداً لك مني تحيه ياعملاق ماعاد خليت لحد شي ماشاء الله عليك / مبدع الله لا يضرك صح لسآنك وسجلني من المتابعين . تقديري |
يا بَحَر لوّ أكتب أبياتي على موجك رسالـة
بيت واحد من بيوتي يقلب أملاحك عذوبـة صح ......وصح الله لسانك يا بَحَر والله ما شيّب روسنا غير الرّجالـة عيب نسكت وإن هَرَجْنا كلمة الرّجل مْحَسوبة لا هذا جنون شعري نعنبوا جدّ البخـل واللـي يحطّـه رأسمالـه البخيل بْخيل ما يعطيك حتّى مـن ذنوبـه .! الله الله الله الله الله لله درك من مبدع ياوصل متاااااااااااااااااااااااااااااابعتي لكل جديد |
اقتباس:
ونعنبوا القصيد اللي ماهوب قصيدك صح لسااااااااااانك من هنا لـ الطايف |
. الله ، الله ، المبدع / وصل ! والله اني اتحرى كل جديد يذيّل بـ اسمك صح الله السانك ملايين الـ ملايين يا مبدع ، الاعجاب لا يخفاك .. جدد المتابعه طال عمرك ، |
اقتباس:
ومعها حبة خشم ..! |
مبدع ياوصل
الله يوفقك تحيتي لك |
الله الله الله
وصل العطياني والله انك في كل جديد تأتي وتبهر الكل بـ .. حرفتك الشعرية وبما تملكه من معرفة , لله درك لله درك لله درك ومحاكاتك للبحر اسلوب لايتقنه الا المبدعون , يا بَحَر لوّ أكتب أبياتي على موجك رسالـة بيت واحد من بيوتي يقلب أملاحك عذوبـة إبداع منقطع النظير .. وفكر بكر .. وتصوير غير , ,, |
الله الله الله الله الله
الله اكبر على الشعر وراعيه هنا وصل الابداع هنا وصل الشعر هنا وصل الكرم يمكن شهادتي فيك يقطر دمها لاكني اعلم ما لا يعلمه الكثير عنك اخواني وصل العطياني غير انه شاعر علم وكفو فهو كريم الكريم الله وصل رجل من حموله رجاله وكرم وعزة نفس يااااااااااااااااااااااااااااااااااااااااااليت كل الشعرا مثل وصل العطياني وبس |
ادري اني لو ابمدح ماراح اجيب شي جديد غير اللي قالوه اللي سبقوني لكن والله ثم والله ثم والله ياوصل انك تنومس ويشوش راسي لاقريت جديدك في النظم او سمعت محاوراتك اللي ابهرني في القصيده وخلاني احطها ضمن القصائد المفضله مفرداتها اللي ماتدل الا على اصالتك ومحافظتك على الفاظ بيئتك وهي اللي زادت القصيده جمال ىخر وهذا البيت اكبر دليل: لجل ما يدرون ضيفانه بحالـه كيـف حالـه مايجيهم غير مستانس ويضحك مع جنوبـه صح لسانك يابو مشهور وانت كريم وماعرفنا عنك الا كل علم غانم والا الردي الله يقربّ حضيبه:) |
وصل العطياني
بقدر ما اعجبتني هذه الدرة بقدر ما حزنت لحال كل من يخسر ويفعل دون وجهه وصل صح لسانك والف شكر على هذا المبدا وفقك الله والله لايقطع الطيبين من الارض تقبل مروووري وتحيتي اخوك راشد الرياحي |
| جميع الأوقات بتوقيت GMT +3. الساعة الآن 11:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية