صوت القلم ...!
.. .. صوت القلم في دفتـرك كـان قمّـة ...............................أقوى من الممنوع وامنع من الحـال طشّ " الشعر " في دفترك لا تضمّـه ................................وإقرا على كفوف المنايا ميـة فـال لو ما الحنش يدرى حياتـه بسمّـه .................................شفناه صوغة عيد بيديـن لاطفـال الخوف ما رد القـدّر عـن مَهمّـه ................................نركض جزع واقدارنا حتف لا جـال يا صاحبي ؛ لو ينفث الشّعـر هَمّـه .................................في حال واحد شفت لك عدة احـوال ناد الخيـال وطـشّ فكـرك بكمّـه .................................خلّه على الواقـع يثـرّي ويختـال الشعـر فعلـه يمدحـه لـو تذمّـه ................................الشّعر طيف فـي جلابيـب رجّـال الشعر لو سِيّل على الطـرس دمّـه ..................................يزول جاني الـدم والشعـر مـازال يروي ظمان الذائقـة مـن مجمّـه ...................................الشّعر صمته راي وأقوالـه أفعـال كـل الـذي بيـن الحنايـا نضمّـه ....................................يقراه قبل إنّه على أفواهنـا يقـال يستشعر الغامض عن عيون " لأمّة " ....................................ما غيّبه بالك ، لقى الشعر له بـال علـى حـراوي اياامنـا المدلهمّـة ...................................وقفات صدق الشّعر وقفات لابطـال في منبره يجعل من الصّـدق عمّـه ....................................يضرب بمنساته على سود الأقفـال يصرخ على صـمّ الأذان المصمّـة ...................................حتى متـى وأحلامنـا بيـد لاقـلال نحتاج عيش تعاد لـه موتـة أمّـه .....................................نحتاج موت تعادله نهضـة اجيـال يا صاحبي مال الوفـي مـن يذمّـه .....................................إلا اللـذي يمـدح حماقـات جهّـال .. .. م.س. |
.
1/ . |
محمد السالم . . صح لسانك , قصيده جزله جداً . . وخاتمتها كانت جميله . . صح لسانك , إعجابي , , |
صديقي
راقي بكل احوالك صح لسانك صح لسانك لاهنت |
من بيت يتيم في مربع التوقيع
إلى قصيدة ناطقه ببلاغة المبدع الرائع .. محمد السالم يسعد مساك وصح لسانك مدد ،، |
اقتباس:
محمد : OK Icon26 |
....
السالم .. صح لسانك حتى ترضى ولاهنت على هالعلامة الفارقه فالقصيد .. |
،
محمد الله على الفكر النضيف الصافي ( ماشاء الله تبارك الله ) ، أعجبتني جداً صح لسانك مدد ، ولاتبطي بـ جديدك ، تح ـياتي |
صح لسانك يـ السالم
وتسلم على هـ الجزله تقديري’,, |
الله الله
صح الله لسانك وفكرك يا محمد ولا هنت |
اقتباس:
مرحبا بك وحضورك يعني الأخيك الشيء الكثير شكرا لك أيها النبيل :wardah: |
| جميع الأوقات بتوقيت GMT +3. الساعة الآن 07:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية