"الله يفك الشعر " جديد ..
 

صباحكم عسل :)
تقبلوها بما هي عليه

ملاحظه ,,
اشرت بالقصيده اللي " العتيبي "
اقصد فيها المجبر عبدالعالي العتيبي .. اللي بالفحيحل
هاذي دعايه لخوالي :)


اترككم بين يديها


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قصيد الشباب التاليه جعله السلال = يعل الكبود ويلحق النفس لاخرها
كلام ن ما له ايت صله بالشعر ينقال = يامكثر خبال الناس هاذي ومكثرها
بعضهم من كسوره .. يجي لشعر ولوال = لو إنا نعرضها " للعتيبي " مـا جبرها
شواعير لكن مالها بالشعر مثقال = مصايب والاعظم بأن الاعلام يشهرها
ما تتعب على المعنى ولا العمق والاذهال = بتتعب على تنسيفها ورزة صورها
هاذي صوره بغتره وذي صوره ف بنطال = وذي صورت ن ما حد قبله مصورها
تلاقي وحدهم كل ماجر له موال = تقول ايتحدا صوت نانسي وحنجرها
عسى الله يفك الشعر من هاذي الاشكال = وتجي للحروف الساميه قوم تنصرها
وقصيد الطراره والمصالح وشحذ المال =تجاره لكن ما لله مغني متاجرها
وانا شاعر ن من عرض ربعه وله مدخال = ماني أمرؤالقيس القصايد وعنترها
لو ان لي هاجوس الزلامي وابن هذال !! = لخلي الجنايز تنذهل في مقابرها
لكني بسيط .. وكل ماقلت قالو قال = بني ادم ن عنده مشاعر وعبرها
قصيدي كبير وسني صغير وصبري طال = على اللي سطت في وسط قلبي خناجرها
هنوف ن لها في اسفل العين حبة خال = فديت العيون اللي ذبحتني محاجرها
لها طلة القمرا وممشى الظبي لختال = ولها نظرت ن تذبح عيون ن تخازرها
تهزع .. ما كن بالسوق حرمه ولا رجال = تباها بزين ن كن محد ن يجاكرها
علي الحرام اليا بعث رقمها الجوال = تقول ان عيني بجنة الله مبشرها
غلاها بقلبي قاطع البث والارسال = لو ان العذارى تلتفت بي ما اعبرها
ما اشوف الا هي من المزايين والازوال = افتح عيوني في حلاها وسكرها
يصب بخفوقي حبها كنه الشلال = ويحيي فياض الشعر في قلب شاعرها
تعذلون !! ولا ماتعذلون يالعذال = انا قبل اعرف البنت هاذي !! ادورها
رقيقه ودلوعه غنجا واخت رجال = ما هي من تدنس عرض اهلها بمظهرها
خذتني من اللا شي لشي والامال = و ورتني الايام في اجمل صورها
وعطتني من فياض المحبه غلا منهال = وخلتني احب الحياه بمشاعرها
حلالاااه ,, لو اني ولد عم ولا خال = لا اوقف عن عيال الجماعه واحجرها
ابيع العمر من دونها عشق واستبسال = ولو اخسر جميع الناس !! عادي ولا اخسرها
كنوز الملوك من العقارات والاموال = وبعض الديار بشعبها وبعساكرها
من اهل الحكم واهل الملايين ... للعمال = ماتسوى بعيني نص إظفر بظافرها




[/poem]فــهد بن فريج
الصعيـــري

يامرحبا يامحمد


صح بدنك




لاهت



كل الود لك ,,,,

,’
محمد

اي والله الله يفك الشعر
صح لسانك ولاهنت

تح ـياتي

مصلح الحربي




صح بدنك




لاهنت ع المرور





كل الود

فهد الزعبي



صح بدنك ولاهنت


شكرا لمرورك ...

الأخ فهد قبل تنقد شعراء

أكبر منك سنآ وشعرا

أتمنى ان تنتبه لشعرك

ولوزن القصيده التي بصراحه وبدون زعل

لاأعتبرها قصيده

تحيتي

فهد

صح الله السانك

وتقبل تحياتي

،،


يصـب بخفوقـي حبهـا كنـه الـشـلال
ويحيي فياض الشعر فـي قلـب شاعرهـا
تعـذلـون !! ولا ماتعـذلـون يالـعـذال
انا قبل اعرف البنـت هـاذي !! ادورهـا



صح لسانك مدد





،،

تلاقـي وحدهـم كـل ماجـر لـه مـوال
تقول ايتحـدا صـوت نانسـي وحنجرهـا


صح لسانك ولا هنت

نايف السرهيد



احترم رايك





شكرا

مقعد المرشدي


صح بدنك




مرورك يسعدني ...

قصيدي كبير وسني صغير وصبري طـال
على اللي سطت في وسط قلبـي خناجرهـا


كفووو يافهد


للامانه انت مثل ماقلت


ومع كل قصيدة لك يكون لنا موعد مع الابداااع ,, فلا غرااابة في ذلك


صح لسسسانك بحجم ماوجدت من إبداااع وتسلسل في هذه الصفحة


\


تحيتي

خالد فهد




صح بدنك



مرورك يسعدني




لاهنت

يصـب بخفوقـي حبهـا كنـه الـشـلال
ويحيي فياض الشعر فـي قلـب شاعرهـا





صح السانك واعتلا شانك جميله من بحر جميل