لــغــز مرقـــابي ...( 4 )
السلام عليكم ورحمة الله وبركاته
يقول اللغز [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ويش شيٍ ما عرفناله من الجنسين ملّه = لاهو برجلٍ يبين ولاهي بمرةٍ تغطّا ينحسب عند الرجال برجل وعظامه تقلّه= والحريم يلبسنّه لبسهن وإن شال وطّا كل حزّه يظهر بملبوس وتشوفه بحلّه = وإن تعرّى ما حدٍ لامه ولا يمكن يخطّا [/poem] |
مرحبا ياصالح
مدري مدري لكن برمع لي رمعه اربها تصيب ماهوب الطير !! ،، |
خالد بن فهد
مرحبابك اكثر ياغالي مرورك شرف لا عدمتك .. ولكن مالك لوا |
مرحبا
ياصالح مسيك بالخير انا عندي بعد رمعه خبيله ماهوب البشت او العباءه دمت بخير 0 |
اقتباس:
الرمعه ياصالح وجه الجوال :) والف شكر على جهودك وتواجدك المشرف :) |
:
ممكن مداخلة :) صالح الظاهر انه الجوال .. اذا ما خاب ظنّي ..! بس فكني من نواف نايف |
معدي المرقاب
ياهلا وسهلا الله يمسيك بالخير ويصبحك ابه......... حلت علينا البركة ايوالله وبالنسبة للرمعة ( مالك لوا ) جعلك تسلم احترامي ياغالي |
نواف نايف
ياهلابك والله ومرحبا والتواجد هذا لعلة يعوض بعض مافات من انقطاعات ... ولو الود ودي ما تعديت المرقاب اربعة ساعة وعشرين:) وبالنسبة للغز ......... مالك لوا ياغالي ولاهنت |
محمد بن بلال
مداخلتك تشرفنا جعلك تسلم .. ولكن مالك لوا لا عدمتك |
ماهو بالدنكتر :)
غيمار |
غيمار
مرحبابك ياغالي ومالك لوا .. جعلك تسلم |
طيب عندي يا ابن هريس رمعه...
ماهوب الكنب؟؟؟ الا الظاهر يمتكن هو.... اصبر لا تستعجل .. خل لين يجي ابن هريس.. |
0
0 وعليك السلام وياهلا ياصالح من باب المشاركه مع الاخوان الرمعه تقول : المعلاق مع اني اشك برمعة شفق :) سلامي لك وعليك أخوك / |
شفق السريع
مرحبابك والله ومسهلا انت كلك صح .. حتى حلولك كلها صح .. بس جوابك هذا .............. بعد صح .. بس مهوب على هالسؤال .. صح لسؤال ثاني <<<<<<<< مايبي يقول خطا. مالك لوا ياغالي وتشريفك ومشاركتك مكسب لا عدمتك |
محمد البطحي
لافض فوك وصح لسانك ولو انك مشكك .. وجاي من باب المشاركة .. وتأيد رمعة شفق .. وامورك مصلّحة :) تهانينا ياكبتن |
السلام عليكم
وانا مع البطحي هاوشتقول ياصالح :) |
بندر
وعليكم السلام واقول لك مثل ما قلت للبطحي صح لسانك ولا فض فوك عزالله جبتوه لاهنت يازعيم تحياتي وتقديري |
الله لايهينك عز الله لغز مليان
وصح لسانك يالبطحي وعز الله بندر ماقصر اجهد عمره لين حل :) لكن كني سمعت لي واحد ٍ يقول وجه الجوال !! (cir5555- لاهنت يابن هريس ونتطلع للغز الجديد ،، |
،’
مساء الخير ممكن يكون المعلاق << بسوي نفسه مادرى :) بيض الله وجيهكم عزالله لغز مليان ، وصح لسان البطحي تح ـياتي |
هههههههههههههههه
الغالي صالح ابن هريس صح لسانك على هاللغز المليان لغز وارد ميه ميه و بيض الله وجهك و اشكرك على اختيار اجابتي صح حتى لو انها على سؤال ثاني ههههههههههههههههه ردك اسعدني يا ابن هريس .. بيض الله وجهك.. و صح الله لسان محمد البطحي.. عاد يوم شفت تالي حل البطحي .. عرفت انه طرحه.. و قلت خلاص راح الحل ... :):) يستاهل و بيض الله وجيهكم جميعااااااااااا |
خالد بن فهد
مرحبابك ياغالي والله لا يهينك على تواجدك ومتابعتك وبالفعل الشباب كعادتهم ..ماخلو اللغز يمغط ظهره........ جعفوا به لنّه على جنبه لكن اوعدك اني لاجيب لهم لغز معجزة<<<< الارض ياهادي تحياتي لك |
فهد الزعبي
الله يمسيك بالخيرات ياغالي واجابتك صحيحة جعلك تسلم <<<<<< مسوي ماشاف لاهنت على متابعتك وتواجدك اللي اسعدني تحياتي |
| جميع الأوقات بتوقيت GMT +3. الساعة الآن 04:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية