مجرمه في يد السجان
.
. عيوني / تنادي للسهر. والقمر/ ما بان ............................على مدلهم الليل/ جوله / ورى جوله صدوق المشآعر / تنحني لـ اعذب الالحان ..........................احآسيس / نظهرها / واحآسيس مقتوله اشوف الشوارد /مجرمه في يد السجآن ..............................تحرك /وتمسي داخل الصدر معقوله اذا هب ريح الشوق /والقلب فيه اغصان ................................تفيض المشآعر /تالي الليل مدبوله تطارد بنات الفكر / في داخل الميدان ...............................تلافى بكار / ويطلع الصبح مفتوله غيآهب بحرها/يطّلع الدر / والمرجآن ............................ صعيبه / تعيبه / عن يد الهزل معزوله تنفس /نسيم الليل/ مع ثورة البركان .......................... فضاها وسيع / وفي حكم ريس الدوله تخوض المعارك / تحت رحمة رسن / وعنان ............................عليها الوسوم /ولا تجي القوم /مجهوله اشكّل /بها / لا استسلمت/ في فضاي الوان ......................... تشوف الصبآح / وهي مع الناس منقوله اليّن /قوي الحرف / بس الزمن ما لان ........................ اشوف السعد / نادى / والابواب مقفوله وجية الليالي / واضحه ما تبي عنوان .............................. تضّحك/ بوجة الي له اقدام مشلوله يشوق الخفوق / الشارد/ الوارد / المليان .............................يسوقك / منه ريحه لو النفس مشغوله ترا العود الاصلي /ما يقارن مع الريحان ..............................يقدم بياض الوجه / لو هو/ ربع توله |
الشاعر العذب
محسن المقاطي صح لسانك وبيض الله وجهك دمت ودام أبداعك تحياتي لك محمد |
هاذي والله العود الاصلي
الغالي .. محسن المقاطي ابدعت وامتعت وكتبت قصيدة بمعنى الشعر الصافي صح لسانك مدد بلا عدد ،، .. |
ترا العود الاصلي /ما يقارن مع الريحان
..............................يقدم بياض الوجه / لو هو/ ربع توله الشاعر محسن المقاطي عود اصلي يبيض الوجه صح السانك مدد تحياتي |
محسن المقاطي
صح لسانك على هذي المدهونه بالعود الأصلي غيمار |
اليّن /قوي الحرف / بس الزمن ما لان
اشوف السعد / نادى / والابواب مقفوله الله الله ياحلو هالتصوير في هالبيت يامحسن بالمختصر والله اني اخش جو مع قصيدك صح لساااانك ولاتبطي بالجديد كل الووود .. |
محسن المقاطي
نص من أروع النصوص التي اقرأها لك مبدع في جميع حالاتك ، ولك كل التقدير |
اذا هب ريح الشوق /والقلب فيه اغصان
................................تفيض المشآعر /تالي الليل مدبوله صح لسانك ولا هنت |
.
محسن .... صح قلبك ونبضك جميل ورائع ..... مودتي لك . |
،’
محسن يعلم الله إنها قصيدة كاااايفة ، وجازت لي جداً ، أنت مبدع وتعجبني قصايدك كلها . الله يصح لسانك . تح ـياتي |
الله الله
صح لسانك وأعتلا شانك أبيات رائعه بروعة حضورك لاعدم .! |
محسن المقاطي
صح السانك قصيدة رائعة بروعة حضور شاعرها لك وافر تحياتي |
يصح لسانك يـ المقاطي
ولاهنت على هـ الشاامخه لك التقدير’,, |
الغالي محسن المقاطي
اشهد ان ماقدمته لناا في هذا النص من العود الاصلي الفاخر صح لسانك مليار تقبل تحياتي |
اقتباس:
يا سلااام المبدع محسن المقاطي صح لساااانك شاعر مبدع .. ويجبرنا إبداعك على مواصلة المتابعة تحياتي لك |
اقتباس:
ووجهك ابيض وانا اخوك ... وصح بدنك حضورك مصدر اشعآع وانا اخوك مودتي |
مبدع يامحسن مبدع الى مالا حدود !
وقصيده من اولها الى اخرها تقطر عذوبه صح لسانك يالشاعر العذب الراقي |
اقتباس:
الغالي / والشاعر القدير سداح انت منبع العود الاصلي .. فشكرآ عظيمه لمرورك / وصح بدنك |
ترا العود الاصلي /ما يقارن مع الريحان
..............................يقدم بياض الوجه / لو هو/ ربع توله الله ينصر دينك يامحسسن :) |
محسن المقاطي
صح لسانك وعتلا شانك بدع راقي واحساس جميل وتقبل تحياتي ومروري يامبدع |
ترا العود الاصلي /ما يقارن مع الريحان
..............................يقدم بياض الوجه / لو هو/ ربع توله قصيده عطره وختامها مسك محسن المقاطي اسم يستحق المتابعه صح لسانك تحياتي |
صح لسااانك يا محسن مبدع بكل ما تعنيه الكلمة
تحيتي ,,,,,, |
| جميع الأوقات بتوقيت GMT +3. الساعة الآن 07:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية