((أهــم الأمــور))
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الهون يا حلم المشاعر وشوق العين=على الهون يا مظنون راع الهوى راعه
قبل لا تروح أسألك بالله رايح وين..!=ترا النفس من تالي طواريك مرتاعه
تمهّل وروّق وإنتفاهم برفق ولين=ترا القلب لا أقفى منجرح صعب مرجاعه
لا صار الأمر شورى لا بد الأمور تزين=مقادير والشورى للأخصام نفّاعه
نعاتب بعض لو ما لنا بالفراق إيدين=تخون الظروف كفوف للورد زرّاعه
حدتنا الحظوظ العاثره والزمان الشين=والأيّام لأحلام المحبّين قطّاعه
أهم الأمور إنا ما نفقد بعض هالحين=لوإن المواصل في شريحه وسمّاعه
ترا الحب أمانه حفظها من وفا الوافين=لها شانها لو الزمن شانت أوضاعه
لو تشوفها كلمه بسيطه ومن حرفين=على القلب تنحت نحت ما تزرع ازراعه
وتراك أنت تعرف في حياتي وجودك زين=وأنا أعرف وجودي شف قلبك ومرباعه
تعاهدت أنا ويّاك والعهد مثل الدّين=ما يجرح غلانا طاري البعد بأنواعه
ويبقى غلانا سر والسر بين إثنين=ولا من درابه غيرهم ضاعة أسناعه
تبي الصدق أحسب إن الغلا مثل سور الصين=وأشوف الهبوب البارده هزّة إشراعه
أفا .. ليه ما كنا تعبنا وذقنا البين=وصبرنا على التفريق والبعد وأوجاعه
نكابر ونصبر والمواري علينا تبين=ضنى الشوق مثل الشيب ما ينفع إقناعه
مهوب أنته اللي قلت لي روح في جسمين=أنا وأنت يا أغلاهم إلى قومة الساعه
وعن هرج غيرك في سموعي عجين وطين=فدتك السموع اللي لعاذلك سماعه
مهوب انته اللي في عيونك مقامي وين=عيونك على شاني من النوم جزاعه
اذا ماانته اللي ما يداري شعوري .. مين؟=يداري شعورٍ من عنا الوقت ملتاعه
من البارح أبحر بالتفاكير بين وبين=صدوق المشاعر صدق قلبه من أطباعه
وش اللي حصل كنا سوى بالغلا مرهين=يا ملح القصيد وملهم الفكر وإبداعه
خفوقٍ عطاك الود تهدي له السكين..!=جزا انه وفا لك تشعل النار بأضلاعه..!
إذا كان قصدك تنحني هامتي مسكين=عسى الله يبيحك والرجاجيل بتّاعه
أحذّرك ما أخيّرك وحده من الثنتين=أنا رجل شامخ ما حدٍ يلوي ذراعه
مثل مالي أعدا في حياتي لي محبين=ولي هيبتي في غابة ذياب وسباعه
وإذا كان قصدك تعرف إنك من الغالين=ترا أغلا ما عندي راح لعيونك وداعه
لايلحقك شك القلب واحد ما هو قلبين=تحمل غيابك والعذل فيك ما طاعه
أحبك وأعزك وأعشقك وأستلذّك لين=ترابٍ خلقنا منه نرجع على قاعه
كبرنا وعدّينا الثلاثين خمس سنين=ولا زالت عيونك لها السمع والطاعه
على ما قضينا في بدايات عام ألفين=على الحرام أحن وأشتاق بالساعه
[/poem]

،’
راشد

قصيدة فاخرة وشاعرية فذة وإبداع متجلي
الله يصح لسانك ، ويسلم فكرك .

تح ـياتي

الله الله عليك


ابدعت يا فاروع القصيد

الله لا يضرك

صح لسانك ولا هنـت


اخوك

راشد

لله درك

والله يصح السانك


دمت كما تحب

عليكم السلام ورحمة الله وبركاته


يا حلو بدعك يا راشد حلواه

تعاهدت أنـا ويّـاك والعهـد مثـل الدّيـن
ما يجرح غلانـا طـاري البعـد بأنواعـه

ويبقى غلانـا سـر والسـر بيـن إثنيـن
ولا من درابـه غيرهـم ضاعـة أسناعـه


الله الله الله

صح لسانك مليون ولا يكفون ،

صح لسانك مليوون


هذا والله لاالشعر والحروووف الساميه

لله درك لاتنسانا من ابداعك


تقبل مروري المتواضع وتحياتي

ماشاء الله تبارك الرحمن

راشد فاروع

اشهد لله انك شاعر كبير


صح لسانك

وعليكم السلام والرحمة


الله لا يعوقك يا راشد وصح لسانك ولا هنت

من البارح أبحـر بالتفاكيـر بيـن وبيـن
صدوق المشاعر صدق قلبه مـن أطباعـه

وش اللي حصل كنا سوى بالغـلا مرهيـن
يا ملح القصيـد وملهـم الفكـر وإبداعـه

خفوقٍ عطاك الود تهـدي لـه السكيـن..!
جزا انه وفا لك تشعل النـار بأضلاعـه..!





جزل يابن فاروع


صح لسانك وعساك سالم





تحياتي

إذا كان قصـدك تنحنـي هامتـي مسكيـن
عسـى الله يبيحـك والرجاجيـل بتّـاعـه


رااااشد


بيض الله وجهك القصيددددده هذي دررررررررررره



صح لسااانك ولي الشرف بمتابعتك

\

تحيتي لك

لايلحقك شك القلب واحد مـا هـو قلبيـن
تحمل غيابـك والعـذل فيـك مـا طاعـه


ياسلام يا سلام

صح لسانك يا راشد مبدع وجزل


أعجابي وتحيتي .