عجزت اغني للمقابيل نوحي !
السلام عليكم ورحمة الله وبركاته لبى عروقك .. مد لي كف يمناك ! عجزت اغني للمقابيل نوحي ! ارقى على متن الصبر واتحراك وارقب لقاك ولا تهاونت شوحي اعيش حالة صمت من وقت مسراك لين انكفى حزني على حلم ضوحي ! كم ليلة ٍ مرت وانا آقول بـ لقاك لا شك حظي يا غرامي شحوحي اروي المشاعر كل ما حل طرياك ويجتاحني للوصل شوق ٍ جموحي اكتبك في صفحة غرامي ولا امحاك وابني على لاماك قمة صروحي ! لولاك ما كان الاسى فيَ لولاك ! ولولاك .. ما طابت من العيش روحي ! يردني قلبي .. ليا جيت ابنساك !! وشلون بنسى وانت غاية طموحي قلب ٍ على ضيم المشاريه يفداك فيـما بقى والحب ينبيه بوحي ! يبست عروق الحب لجل اكسب رضاك وطير السهر في عالم الهم يلوحي اسهر على جال العنا واتمناك !! واهل دمع ٍ من بعادك سفوحي حالي تسر اعداي وتفرح اعداك لـنها تبين بي عظايم جروحي !! ما ظنتي حالي من البعد تخفاك ! ما عادني فـ وجيه ربعي مزوحي خل الذي يا منوة الروح يشناك ! يموت غيض ولا يحقق ربوحي اقولها باحساس وشعور وادراك من حيث ما تبدي شواهد وضوحي ان كان درب الحب مفروش باشواك فـ أنا مشيته والمشاعر تنوحي ! |
يا سلام
يا سلام يا سلام متعب فهد متعب فهد صح لسانك |
صح لسآنك يا متعب ..
نص ممتع |
يردني قلبي .. ليا جيت ابنساك !!
وشلون بنسى وانت غاية طموحي يردني قلبي .. ليا جيت ابنساك !! وشلون بنسى وانت غاية طموحي يردني قلبي .. ليا جيت ابنساك !! وشلون بنسى وانت غاية طموحي يا عذوبة هالقصيدة اي والله الغالي متعب فهد .. عز الله ابدعت وامتعت صح لسانك وسلم قلبك وعاش راسك ،، .. |
الله يصح لسانك يـ الشاعر
ولاهنت على هـ العذبه تقديري’,, |
متعب ..
صح لسآنك نص جميل وشاعر جميل لاهنت |
اكتبك في صفحة غرامي ولا امحاك
وابني على لاماك قمة صروحي ! توقفت عند هذا البيت القصيده جميله لكن هذا البيت هو الاجمل تحيتي |
اقتباس:
يا سلاااام المبدع/ متعب فهد صح لساااااانك .. قصيدة في غاية العذوبه والروووعة تحياتي لك |
يردني قلبي .. ليا جيت ابنساك !!
وشلون بنسى وانت غاية طموحي الله الله مبدع يا فهد صح لسانك مدد تقديري |
صح لساااااااانك
|
.
. متعب فهد الف صح لسانك على هذا الحضور ابدعت واجدت دام نبضك . . . |
متعب فهد
حضور مميز وقصيده مميزه لك كل الشكر وصح الله السانك ودي وتقديري |
ان كان درب الحب مفروش باشواك
فـ أنا مشيته والمشاعر تنوحي ! ياسلام يابو فهد صح لسانك تقبل مروري ... |
.
متعب صح قلبك ونبضك جميل ورائع مودتي لك |
وعليكم السلام ورحمة الله وبركاته
ابدعت وامتعت الله لا يضرك يا متعب صح لسانك صح لسانك صح لسانك ولا هنت |
يردني قلبي .. ليا جيت ابنساك !!
وشلون بنسى وانت غاية طموحي عذبة وجزلة يا متعب صح لسانك مدد .. ولا هنت تحياتي .. |
ارقى على متن الصبر واتحراك
ارقى على متن الصبر واتحراك ارقى على متن الصبر واتحراك الله الله صح لسانك وعشت |
إحساس لا يعلي عليه وعذوبه متناهيه ..
صح لسانك يابو فهد تحياتي لك |
| جميع الأوقات بتوقيت GMT +3. الساعة الآن 11:32 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية