شفق وساهر !
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يابو مهنى لا تبعدك الظنون = ترى السوالف كلبوها تالفة

قدرك بصدري كنه الدر المصون = دونه حصون وقوة متحالفة

أمون وأنته يا شفق مثلي تمون = وإن ما اقتنعت بـ رأي منك أخالفه

حنا علاقتنا مـاهي ضحكة سنون = وأرواحنا قبل اللقا متوالفة

كلي لك أذانٍ وكلي لك عيون = لكن غيرك بيننا وش كالفه ؟

من مجلسه كرَّم ، ودق التيلفون = وأعرف من أخوك الصغير السالفة

وإن شفتني مخطي فقدرك ما يهون = رضاك من دون الحلوف أحالفه

وإن كان قلت العذر ما يملا البطون = وشفت إنها دعوى بحقك كالفة !

ساهر فلاشه ما يوفّر من يكون = وأبشرك سجل علي مخالفة
[/poem]

نايف , صح لسانك على تِلك المشاعر الأخويه , تُجاه اخوك , شفق ,

,’, حنا علاقتنا ماهي ضحكة سنـون ,’,

,’,وإن شفتني مخطي فقدرك ما يهون ,’,

ولايهون , قدرك , كذالك ,

بيض الله وجهك ,

مشاااعر أخويه , نابعه من قلبٍ أصيل , وصادق ,


وفقكم الله جميعاً ,

Icon26

أمون وأنته يا شفق مثلـي تمـون
وإن ما اقتنعت بـرأي منك أخالفه

حنا علاقتنا ماهي ضحكـة سنـون
وأرواحنـا قبـل اللقـا متوالفـة

ادامها الله من علاقه
وصح لسانك يانايف مبدع في كل طاروق





ساهر فلاشه ما يوفّر مـن يكـون
وأبشـرك سجـل علـي مخالفـة


هذي عرضة شفق ماوراه الا المخالفات
افتك منه ويرزقك الله يابو معلا :)

حنا علاقتنا ماهي ضحكـة سنـون
وأرواحنـا قبـل اللقـا متوالفـة

ياسلام عليك يانايف

قصيده سلسه ..


صح لسانك .. ولا خلا ولا عدم




تقبل مرور اخوك

ههههههههههه


مبدع ولا فيك حيله

صح لسانك والله يديم المحبه :)

صح لسانك يا بومعلا

مبدع في كل طرق تطرقه



محبه وتحيه :)

الله الله

صح لسانك يا نايف .. مبدع دائم

والاخوان يتحملون بعض .

لا هنت

الله لا يفرقكم


صح لسانك ولا هنت

قصيده قويه جدا جدا

ولانقول الا الله يصلح الحال والدنيا فانيه ..

اصلحوا ياعتيبه :)

الله يبيض وجهك يابو معلا

والله انها كايفه ومعبره...الله يديم الاخوة الصادقه

الشهاده سابقه من زمان... عساك على القوه

تحياتي وتقديري

مصلح بن نميان

أشكرك على هذا المرور الراقي والذي ينم عن طيب أخلاقك ..

أكرر شكري ولك وافر التحية والتقدير

الله عليـك يابو معلا


نص فخم في سبكه وجزالته وموضوعه

مبدع يا عم فيان :)

عبد الله بن قنيص

صح بدنك

والله يعين على الدنيا وشفق بخير :)

شكراً على مرورك

تحيتي وتقديري

سعد بن هندي

صح بدنك

شكراً لمرورك


تحيتي وتقديري