نار الغلا ...
بعد انقطااع اتواصل مع مرقاب العز ولي الشرف اتمنى ان ترتقي لكم , , بالله ليه الجفا والصَّد يا مقفي ___________________ وراك عنِّي قطعت الوصل بالمرّه وراك منتب على خبري ولا عرفي ___________________ طبعك علينا تغيِّر يا كفا شرّه ما تدري إني على وصل الغلا مشفي ___________________ وإني من الصّد ذقت الهم والحرّه أجيك كلي وفاء واثرك علي تخفي ___________________ ما يوجع القلب يا فتَّان ويضرّه واشب نار الغلا يومك لها تطفي ___________________ وقلبي من الشوق نسناس الهوى فرّه مدري متى لي تروق وموجتك تصفي ___________________ وتعاود الوصل كرّه من ورا كرّه يا قايد الريم شف حتفي على كتفي ___________________ جيتك ولاني معوّد لأول الجرّه منك المعاذير يا فتَّان ما تكفي ___________________ ما عاد أصدِّق معاذيرك ولا مرّه أمَّا تجيني وبردان الغلا تدفي ___________________ والاّ تشطّر وسلك المعرفه جرّه وش خانت العرف دام صويحبك مجفي ___________________ وعن حالي الوصل يسقيه الجفا مرّه , شعيل |
أجيك كلي وفاء واثرك علي تخفي
ما يوجع القلب يا فتَّان ويضرّه كبه كبه :) صح لسانك ولا هنت يا بن صقيران ، |
.
محمد , صح لسانك وبيانك , نص جزل ورائع وتشفع لغيابك يا مبدع . مودتي لك . |
الله لايهينك
وصح لسانك ياابن صقيران تقبل ودي ومتابعتي ... |
محمد
صح السانك حتى ترضى أنت مبدع دمت كما تحب |
صح لسانك يابن صقيران
قصيده جميله تمنياتي لك بالتوفيق والمزيد من الشعررر |
الله الله يا سلامي عليك صح لسانك واعتلا شانك قصيده راقيه برقي حضورك لاخلا ولاعدم |
أجيك كلي وفاء واثرك علي تخفي
ما يوجع القلب يا فتَّان ويضرّه ياسسسلام يامحمد والله انها قصيده عذذذذبة وبالعررربي جت على الجررررررح صح لسسسانك \ تحيتي لك |
مدري متى لي تروق وموجتك تصفي
وتعاود الوصل كرّه من ورا كرّه الله الله صح لسانك يامحمد والله يحيك عقب الغياب كل الوود .. |
ابن صقيران
من طول الغيبات جاب الغنايم صح لسانك وسلم بنانك تحياتي لك أخوووووووك محمد |
اقتباس:
بدر هلا وغلا يا بدر وصح بدنك ولاهنت ياغالي شاكرا لك كريم المرور ولك التحية |
المبدع محمد صقيران
صح لسانك ياالذيب قصيده في غاية الجمال والروعه مبدع وممتع ومتألق لله درك تحياااااااااااااااااااااااااااااااااتي .. |
صح لسانك
, كل التحايا |
اقتباس:
عبدالرحمن ارحب يا غالي وصح قلبك وكلك شرفني حضورك المثري هنااا كلماتك وساااام يا عبدالرحمن لاخلا ولا عدم ولك التحية |
اقتباس:
نواف نايف صح بدنك ولاهنت على كريم المرور لاخلا ولا عدم يا نواااف لك التحية |
حي طاري الاسم وراعيه
الله عليك ياشعيل عز الله اني كنت متأكد ابي القا شعر حقيقي عز الله طولت علينا يالقرم لكن جبت الغنيمة صح لسانك وتقبل اعجابي الدائم بما تكتب |
اقتباس:
هلا بك وصح بدنك يالقرم مرورك شرف واطراؤك نوماس لك التحية |
| جميع الأوقات بتوقيت GMT +3. الساعة الآن 11:07 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية