أكتب بيوت الغزل وتصير مرثيه !
 

السلام عليكم ورحمة الله وبركاته ,,

اليكم هذه المتواضعه علَها ان ترتقي لذائقتكم ,,

اسمحوو لها بالمرور ,,

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله على اللي يفر البال طاريَه=فر المحاله ليامن دست الازنادي
في كف شرطي ويرمي فوق دوريَه=يطرد له مهرب ٍ للطرد معتادي
حارس حدود البلد يم الشماليَه=بلغ ووضع المراكز ماهو ابعادي
غربي وشرق البلد حتى جنوبيَه=استنفروا للشمال وكزوا أسنادي
عدَا المهرب من حدود السعوديه=وصل على ديرته من بعد الاجهادي
فوق الجميحي وحي الجمس يا حيَه=ما خوَن الجمس في نزلات واسنادي
هذا وقلبي مهرب من محانيَه=خلى ضلوعي و روَح يم الاجوادي
ف يدين بنت ٍ عن الزلات محميَه=في ضل عود ٍ مشى ف الطيب ما حادي
أهل الكرم و الشجاعه و الشهاميَه=أهل الرمك و السيوف الجرب الحدادي
اللي لهم في سجل الطيب ماريَه=معربين النسب من طيب الاجدادي
كسابت الطيب خياله ورجليَه=الصيت حي ٍ وفعل القوم ما بادي
راحت وتلت خفوقي من عراويَه=وانا انتظر صوت خلي يمكن اينادي
صدت وصارت حياتي عنفوانيَه=من بعد ماكان بالي رايق وهادي
سببلي درب الفراق أضرار نفسـيَه=وجرح المحبه سطى من طول الابعادي
قمت انظم الشعر والعب في قوافيَه=وبنات فكري عليهن ثوب الاحدادي
أكتب بيوت الغزل وتصير مرثيَه=والليل طوَل وليلي ليل سرمادي
أقـوم واجلس وأقول أبيـات عفويَه=كله من أسباب خلي غـض الانهادي[/poem]
وسلامتكم :)

ياسلام عليك ياعبدالله



صح لسانك لين ترضى يامبدع

عبدالله

ياسلام ياسلام

صح الساانك ملايين

تقبل مروري

وعليكم السلام والرحمة

يا مرحبا يا العبدلي ابدعت وامتعت الله لا يضرك

صح الله لسانك ولا هنت

الله الله


العبدلي عبدالله

صح لسااااانكـ , على ماقدمت وماتقدم من شعر

قصيده جميله ووصف شاعر


عدَا المهـرب مـن حـدود السعوديـه
وصل على ديرته من بعـد الاجهـادي

مع ان المهرب مايتعدا ان شاء الله حدودنا ولايدخل بلدنا

تحيّتي

العبدلي

قصيدة على الاسلوب التقليدي ولاكن روووووعه وفيها اكشن بعد ههههههههههههههه

صح الله لسانك على هالجزله


خالص الود

صح لسانك على هالوصف الرائع



بيض الله وجهك

اهلا يا عبدالعزيز

صح بدنك طال عمرك ولا هنت على المرور الجميل

اللى زاد المتصفح نور

تحياتي وودي

اخوك

مرحبا يا طلق

صح بدنك طال عمرك ولا هنت على المرور الطيب يا طيب

ودي واحترامي

اخوك

مرحبا يابو ناصر

وصح بدنك طال عمرك

ولا هنت على المرور الجميــل اللى زاد المتصفح نور

تحياتي وودي


اخوك

مرحبا يا عيسى

الله يجبر بخاطرك

صح بدنك ولا هنت على المرور الاكثر من راااائع

تحياتي واحترامي

اخوك

نوآف المطيري

الله يجبر بخاطرك ,, احرجتني بالكلاام الطيب يا طيب

و الابداع و الجمال مرورك طال عمرك

صح بدنك مليون

ولا هنت على المرور اللي زاد النور نور

تحياتي وودي

اخوك

ياسلام عليك ياعبدالله



صح لسانك لين ترضى يامبدع

مرحبا يا سلطان

صح بدنك

والله يجبر بخاطرك على الكلاام الطيب اللى اخجل اخوك ,,

الله لا يهينك على المرور اللى زاد النور نور

تحياتي وودي

اخوك