الشعر يبغى له طحاطيح ورجال !
. . السلام عليكم ورحمة الله وبركاته كانت بيني وبين الجميل والفائز بـ جائزة لسان العرب للفصحى الشاعر حسام الروقي بعد المناورات والحديث الطويل عن الشعر الشعبي :) الشعر يبغى له طحاطيـح ورجـال _______ واخلاق / وإبداع / وسموّ / وثقافه والشاعر إليا جاك اشبـوره طـوال _______ منه الشعر ياحسـام لا.. لا تخافـه احدن مع غروره يجي كلـه هبـال _______ ويسمعَك شعر وقصيـدٍ تعافـه ...! واحدنٍ يجيب لك القصايد وإلى قـال _______ شعـره يجوزلـك بنونـه وكـافـه وفي ساحة الشعّار من جيت خيـال _______ والشعر له عنـدي مقـام وضيافـه له منـزلٍ بيـن الحنايـا ومنـزال _______ وإليا قلط اكرّم من الفكـر قافـه ..! رجال وانطح لي طحاطيـح وجبـال _______ وامع البحر شفني: هدوه وضفافـه واهل الحسد فالشعر لاقلت الانـذال _______ خوّتهم إفعيني تسمـى ( سخافـه ) ناسٍ تسحب إنها على روس الأطلال _______ واساسهـا منبـع نفـاق / ولقافـه والطيّب اللي يردف اقوالـه افعـال _______ مابيني وبينـه فـروق ، ومسافـه من خوّته يبقى على راسـي عقـال _______ وابقى حزامله فـي وقـت اختلافـه وياحسام دامني على كـل الاحـوال _______ شاعر وشعـري للقصايـد إضافـه سجّل وردد بيت شعـري للأجيـال _______ دامك تقول ان الشعر صار آفـه .! الشعر يبغى له طحاطيـح ورجـال _______ واخلاق / وابداع / وسموّ/ وثقافـه وسلامتكم :) . . |
حجز 1
ولى عوده |
عليكم السلام ورحمه الله
وفي ساحة الشعّار من جيت خيـال _______ والشعر له عنـدي مقـام وضيافـه له منـزلٍ بيـن الحنايـا ومنـزال _______ وإليا قلط اكرّم من الفكـر قافـه ..! رجال وانطح لي طحاطيـح وجبـال _______ وامع البحر شفني: هدوه وضفافـه كفو كفو صح لسانك مليار × مليار دمت بكل خبر |
.
. ياهلا يابو العزّ ومرحبتين :) . . |
.
. الغالي فارس مرحبا بك ، و بمرورك وتم الحجز والتأكيد طال عمرك :) . . |
الله عليك يابو مازن
صدقتك صح لسانك ولا هنت تحياتي واحترامي اخوك |
عبدالرحمن العطاوي
صح لسانك .. جميل كما عهدناك بس اختلف معاك على المطلع :) تقديري |
صحّ لسانك يا ابو مازن ، وكفو ، لكن الشعر حتى الحريم يقولنّه ! |
الشعر يبغى له طحاطيـح ورجـال
_______ واخلاق / وإبداع / وسموّ / وثقافه الله عليك يبو رسين بس طال عمرك فيه شاعرات يعني يبغاله طحطوحات بعد صح لسانك وكفو يالعطاوي |
.
. العبدلي عبدالله يامرحبا وصح بدنك وحضور الطيّب تحيتي لك . . |
.
. بنت وايل وفـ القصيده هنا ، كانت وجهة النظر للشعراء الرجال ، أما الشاعرات فـ نعلم انهن شاعرات وخوات ولهن مكانه تحيتي لك ولاهنتي على حضورك . . |
والله ونعم يا بو دانه << ماهو مجنب :)
صح لسانك مدد تقديري |
وفي ساحة الشعّار من جيت خيـال
_______ والشعر له عنـدي مقـام وضيافـه الله الله سلمت يا عبدالرحمن وصح لسانك مدد |
كفو كفو
لله درك يا برنس وصح لسانك |
عبدآلرحمن آلعطآوي آلله عليك سلمت وصح لسآنك ولآ هنت كل آلود |
،
الله الله الله جميل يا بو مازن في كل حضور لك ، لله درك وصح لسانك يا مبدعنا |
ابو رسين
صح قلبك ونبضك رائع وجميل . وسلم لي على حسام المبدع . مودتي لكما . |
ابدعت يابو مازن
لله درك وصح لسانك اخوك |
كفو كفو كفو والله ياابو رسين <--- هو الاسم كذا ؟ ههههه
عزالله انك كفو لكل العلوم الغانمه ياحبيب الكل صح لسااااانك وسلمت :) |
احدن مع غروره يجي كلـه هبـال
_______ ويسمعَك شعر وقصيـدٍ تعافـه ...! صدقت يا ابو رسين .. .. وصح لسآنك يالقرم ولا هنت |
ابومازن
صدقت بما قلت لافظ فوك وبيض الله وجهك ووجهة نظرك حول الشعراء الرجال وصلت لله درك على ابياتها حرف حرف |
من خوّته يبقى على راسـي عقـال
_______ وابقى حزامله فـي وقـت اختلافـه كفوو يابو ماازن صح لسااانك حتى ترضى ******* |
| جميع الأوقات بتوقيت GMT +3. الساعة الآن 03:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية