(( الإسم الحقيقي))
بسم الله الرحمن الرحيم،،
أيها الأخوان والأخوات عشاق هذا المنتدى الرائع،، السلام عليكم ورحمة الله وبركاته،، وبعد.. إليكم هاذي الأبيات التي تعبر عن نفسها! وقد كتبتها إبان مشاركتي في أجهزة النداء ( الكنود). عند ما كنا في احدى الموجات وإذا بإمرأة تدخل معنا أو رجل متشبه وقالت لي لماذا لا تذكر اسمك أو قبيلتك؟ من أي شئ تخاف؟ هل اسمك ليس حلو أو فيه شئ؟ومن هالاسئلة اللي مالهاداعي. فما كان ردي على أسئلتها إلا بهذه الأبيات. وهي ليست المفاجأة التي سبق وأن أوعدتكم إياها... ولكن ألح علي بعض الأخوة بإنزالها هنا ولي الشرف لتزامن نزولها مع تغيير ثوب المرقاب الجديد.. والمفاجأة في الطريق ... وياويل رحيم منها ويلاه!! أما الآن فمعكم ومع البويتات هاذي :. قالت علامك تراسل بسمك المستعار :::::::::::::::::::::::: وأخفيـت الإسم الحقيقي والقبـيلة بعــد قلت الأسامي ترا يابنت ماهي شعار :::::::::::::::::::::::: الـرجـل يعــرف بطيبـــه عــود وألا ولـــد كم واحدٍ عفتي إسمه لو فعوله خيار :::::::::::::::::::::::: وكم واحد إسمه فهــد لكن ماهــو فهــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد لني هويت الهنوف اللي هواها دمار :::::::::::::::::::::::: عشقتها عشق صادق واخلفت فالوعــــد لو إن ابه غيرها دورت في كل دار :::::::::::::::::::::::: لكــن مـافـالــبلــــد ياكود هــذا الولــــد وأقفت وأنا مالي ألا الصبر والانتظار ::::::::::::::::::::::::: ماوالله أعشق ســواها لو يطول الأمــد وأخذت مدة وجاني علم تالي النهار ::::::::::::::::::::::::: قالوا عشــيقتــك من حامد تروح لحمـد قلت الله الله على جور البني الصغار ::::::::::::::::::::::::: تحبك الســبت وتخونــك نهــار الأحـــد وأنا رجل وأعرف اليمنى وأعرف اليسار :::::::::::::::::::::::: ماحسب حساب الضعيف إن قام وألا قعد ربعي لهم في سنام المجد عرش ووقار ::::::::::::::::::::::::من يلتجي في حماهم عاش عيش السعــد (حايل) و (عايل) بقبضتهم شملها الدمار :::::::::::::::::::::::: يابنت كلٍ لماضـــين الفعـــايل شهــــد من غير زودٍ عن الشجعان فنحا الديار ::::::::::::::::::::::::: ما يخفي النـور غار اللي بقلبه حســــد عبدت ربي عليم صغارها والكبار ::::::::::::::::::::::::: الواحد اللي له المســـلم ركع ثم سجـــد واساله العتق من نارٍ حطبها الحجار ::::::::::::::::::::::::: ياربي اجعــل لنا منـها وعنها مصـــد يابنت هاذي تراها قصتي بختصار ::::::::::::::::::::::::: فهمتي الشرح وألا أعيدها (بالعدد)!! وسلامتكم،،، |
الغالي / عشير الغانمين
والله إنك براسك غانم وعشير غانمين صحيح لكن إسمعني زين : والله إذا ماتسنع وتجيب الاسم صحيح لأعلم أنا , تراني نشدت عنك وجبت خبرك :) المره هذي نبي نعديها لك والثانية عطناها والاسم معها ( قد أعذر من أنذر ) وعلى العموم قصيدة معبرة ورائعة من شاعر رائع تحياتي ياغالي . |
السلام عليكم
مساك الله بالخير ياعشيرنا :) الله يحيي هالراس ولو اني ماعرفتك لين الحين لكن الله يخلي لي اخوي فراج ماهوب كانن عني ;) وطرقك ماهوب غريبٍ علي .. من خلال قرائتي لاشعاارك وقصاائدك .... شاعر جزل وقصيده جزله ....... هكذا عودتنااا ياعشير الغانمين .. صح لسااانك وسلم نباااك ياشااعر .. وفي انتظار المفاجئه بس لا تهدد :( ومبروك علينا وعليك ثوب المرقااب الجديد .. اخوك / رحيّم |
عشير الغانمين
صح لسانك مليووووووون ولايكفوووون رائعه رائعه رائعه لافض فووووووك كفو والله كفو بس مالك نيه تعطينا اسمك قدم العيال يفشون به لك التحيه الخاصه ياشااااااااااعر الى الامااااام ودمت شاااااااامخ أخوووووووك سعد |
الرائع عشير الغانمين
الله الله عليك
صح لسانك ولاهنت قصيده رائعه من شاعر رائع تحياتي ابو عرب |
ونعم ياعشير الغانمين
وصح لسانك والله قصيده جزله ومعبره لاهنت وننتظر المفاجأه |
اخوي عشير الغانمين
ونعم والله فيك وسلمت على هالرائعة قصيدة اكثر من رائعة |
اخوي عشير الغانمين
ونعم والله فيك وسلمت على هالرائعة قصيدة اكثر من رائعة تبي الصدق معها حق البنيه شاعر مثلك لابد يكون معروف |
الغالى : عشير الغانمين
لاهنت ياتاج راسى قلت وطلت لله درك من شاعر تحياتى |
عشير الغانمين
لايهمنا الاسم بقدر مايهمنا الابداع الذي رسمته دام ابداعك وتقبل تحياتي |
واضح
الخال فراج،،،
بيض الله وجهك على التشريف يابعد كبدي،،، مار السر خله في بير مثل ماقالوا ... وألا تدري ماعلي منك تعلم والا ماتعلم ،،، وبعدين لو إنك دققت أنت ورحيموه في البيتين ماقبل الأخير لرأيت الأسم واضح،، عموماً الله لا يهينك ياسنايدي نورت الأبيات بمرورك يا........ خااااال،،، الخال يقعد للبناخي 7 الريعانية ××××× .................................................. ... (فلكلور) |
وأنا سواتي كذا بالغصب دون اختيار
:::::::::::::::::::::::: كله على شـان مايــدري بالأســرار أحــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد وأنا سواتي كذا بالغصب دون اختيار :::::::::::::::::::::::: كله على شـان مايــدري بالأســرار أحــد ياسلاااام عليك صح لسانك يا عشير الغانمين وبيض الله وجهك على هالابداع وتسلم يمينك دمت بخير ودام ابداعك تحياتي لك |
باكرتشوف.....
الفيلسوف/ رحيم،،،
مساك الله بالسرور يااللي ما نيب قايل ،،، وبيض الله وجهك على الزيارة يالذيب،،، وإن كان تبغا نصيحتي لا يغرك (فراج) ترى ماعنده سالفة.. إن كان تبا تعرفني : إتصل على 05690522 والتهديد والوعيد تراني صادق فيه،،، مار اصبر وتشوف باكر ماذا يحمل لك؟ تقبل تحياتي وأشواقي الحارة،،، يارحيم علم الزين يمشي في هواي ؛؛؛؛؛؛؛؛؛؛؛؛ علمه يوفي طليبه تراني له طليب علمه تكفى تراني وصلت لمنتهاي ؛؛؛؛؛؛؛؛؛؛؛؛ عان قبري بين ضلع الدفينة والذويب عشـــــــــــــــــــــــــــــيــر الــــغــــــانــــــــمـــــــــيــــــــن |
هلاوغلا
مرحبا والله ببن مشيب وهلا وغلا بالذيب
نورت الحتة ياغالي،،،،، وصح بدنك مليووون ×مليونيييين،،، وأنت لو تطلب عيوني ما تغلا علاك ،،، بس ماهو وقته ياسعيدان،،، واللي يهددون ماعلاك منهم مرة،،، مرة ثانية لاهنت ياحزامي على المرور بالأبيات وعاداتك الطيب،،، أنا أظنه فلان الفلاني من آل فلان ÷÷÷÷÷÷ ولن كان عندك غيرهذا الإسم سمه (بن جدلان) |
مشكور
الأخ العزيز/ سعود العازمي،،،
مشكور يالسنافي على المرور والإشادة وشهادة نعتز بها،، لا عدمتك يالغالي،،،، |
ماعليك.......
الأخ العزيز / محمد الدهيمي،،،
ماعليك زود يالسنافي،،، والله لا يهينك،، مرورك بالأبيات شرفها وشرف قايلها ،،، بيض الله وجهك والمفاجأة يتحكم فيها شخص واحد متى ماقال جبها جبتها وهو... ((رحيم الغنامي)) |
دايم
الاخ/ سعود بادي،،،
عساك دايم باطيب بادي،،، ولا عليك زود ياذيبان،،، شرفت الأبيات وشرفت قايلها،،، وإشادة تشكر عليها،،، لا عدمتك يالسنافي |
يمكن....
الأخ الغالي/ خالد سعيد،،، لا هنت ياخالد ..
مرورك زاد الأبيات توهجاً وقيمة،،، ولا عليك زود ياسنافي،،، والبنية .. يمكن معها حق ويمكن عكس ذلك،، ولكن ارجع للأبيات وتمعنها جيداً سوف تصل لمبتغاك،،، حفظك الله وسدد خطاك،،،،، |
لا تهددني وانا ماقلت شي
............. اصغر الشّـعار سن ومستوى :rolleyes: عشير الغانمين .. حي الله هالاسم وراعيه ماعاد نبا غير عشير الغانمين .. انفجر راسي من التفكير بسمك .. لكن الوكاد انه ماهوب فهد :) هات علمك ياعشير الغـانمين ................. والهقاوي لاتجي من دووونها انت شاعر ماتجيب الا السمين .................. مار انا بنشدك وش مضمونها ؟ عالمٍ مافيـك رب العـالمين ................. غن قيفاانك وجر الحووونها cd تحياتي .. |
اقتباس:
الله الله , راح مضمونها:mad::rolleyes::confused: |
[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
قالت علامك تراسل بسمك المستعار= وأخفيـت الإسم الحقيقي والقبـيلة بعــد قلت الأسامي ترا يابنت ماهي شعار=الـرجـل يعــرف بطيبـــه عــود وألا ولـــد كم واحدٍ عفتي إسمه لو فعوله خيار= وكم واحد إسمه فهــد لكن ماهــو فهــد وأنا سواتي كذا بالغصب دون اختيار= كله على شـان مايــدري بالأســرار أحــد لني هويت الهنوف اللي هواها دمار= عشقتها عشق صادق واخلفت فالوعــــد لو إن ابه غيرها دورت في كل دار= لكــن مـافـالــبلــــد ياكود هــذا الولــــد وأقفت وأنا مالي ألا الصبر والانتظار= ماوالله أعشق ســواها لو يطول الأمــد وأخذت مدة وجاني علم تالي النهار= قالوا عشــيقتــك من حامد تروح لحمـد قلت الله الله على جور البني الصغار= حبك الســبت وتخونــك نهــار الأحـــد وأنا رجل وأعرف اليمنى وأعرف اليسار=ماحسب حساب الضعيف إن قام وألا قعد ربعي لهم في سنام المجد عرش ووقار=من يلتجي في حماهم عاش عيش السعــد (حايل) و (عايل) بقبضتهم شملها الدمار=يابنت كلٍ لماضـــين الفعـــايل شهــــد من غير زودٍ عن الشجعان فنحا الديار= ما يخفي النـور غار اللي بقلبه حســــد عبدت ربي عليم صغارها والكبار=الواحد اللي له المســـلم ركع ثم سجـــد واساله العتق من نارٍ حطبها الحجار= ياربي اجعــل لنا منـها وعنها مصـــد يابنت هاذي تراها قصتي بختصار= فهمتي الشرح وألا أعيدها (بالعدد)!! [/poet] صح لسانك ياذيبان:) مراقب ياعشير:) |
اقتباس:
المعنى في كبد الشاعر:mad::rolleyes:teeth::pgo: |
| جميع الأوقات بتوقيت GMT +3. الساعة الآن 08:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية