نبذه عن الشاعر :

هواش بن عايد بن زبن السليمي الحربي . ولد عام 1347ه عمل بالزبير من عام 1362-1365ه ومن ثم عاد للباديه في نجد ثم التحق بأفواج الحرس الوطني عام1368ه بقايدة الامير محمد السديري في سكاكا.ثم انتقل الى الشام بالفتره مابين 1369-1371ه ثم التحق بالحرس الملكي عام 1372ه ثم انتقل للامن العام سنة1373ه حتى عام 1384 حيث انتقل بعد للعمل بأمارة المدينه المنوره بعهد الامير عبدالمحسن بن عبدالعزيز وعمل بالمسيجيد ومن ثم انتقل للحرس الوطني بأوائل التسعينات هجري وبقي فيه حتى تقاعد عام 1-7-1416ه.لقبه (ابو عفريتة)..
حتى أنه يعرف به أكثر من اسمه الحقيقي..
وأما سبب التسمية ..
فكان هناك شاعر قلطة لا يشق له غبار لم يهزم قط ( داخل معسكرهم بالشرقية)
حتى جاء هواش ومن لقاء اول تغلب عليه بشهادة الجميع..
سأله أحدهم (كيف غلبت أبو جنيّة) ..
قال اذا هو ابو جنيّة انا (ابو عفريته ) فكان هذا اللقب...اتضحت شاعريته منذ الطفولة ..
فقد قال وهو ابن الخامسة عشرة..




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
راع الردى لا تكرهونه على الطيب=العبـد مالـه غيـر مالله كتبلـه
اشهد شهادة حق مدح الردي عيب=مثل الصلاة اللي على غير قبلـه[/poem]



كان رحمه الله يحب اقتناء الابل .توفي رحمه الله في 26-6-1425ه يوم الخميس بمسجده بعد أداءه صلاة الفجر بسكته قلبيه..
رحمه الله رحمة واسعه هو واخواننا المسلمين .

ومن قصائده رحمه الله .



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
نمسي ونصبح بيـن وده وهاتـه=من عاش مندب بشكـواه منـدوب
الحـب ياحـي جهـل واجبـاتـه=عـذري ولابـه للمحبيـن ذاروب
وحي بـلا حـب شقيـه حياتـه=يعيش طوب وتنتهي مدته طـوب
من حـب وراه الدهـر معجزاتـه=مجنون ليلى راح يمشي بلا ثـوب
خله ينوح النـوح هـذي طراتـه=معطيه محبوبه من الناس عرقوب
يالله ياحام الحـرام مـن غزاتـه=في جاه مانزلت وأليـك منسـوب
تجبر صواب اللـي تكـدر مباتـه=من ولعته منفي ومجفي و مصيوب
ليته وصف لي يوم وصلت وصاته=هوالنصر من وهاب للعبد ماهـوب
حتى أتصرف بالخبر عـن فواتـه=بأسلوب والا غال الارواح مجلوب
ينشد وأنصـي كـل فـج كفاتـه=بر وبحر حق وفريضه وماجـوب
وأكتب لرواد الفضا عـن صفاتـه=ونبي نجند له بالاسباب مجـذوب
لازم يجي فس سيتـه وأحسناتـه=بالطيب والاحبل الاكـراه مكـروب
وأن كان مانقـدر نجيبـه بذاتـه=جينا وجبنا ثوب يوسف ليعقـوب[/poem]

وله ايضا :

.


مساجلة مع الشاعر الكبير / بدر الحويفي..

قال رحمه الله..




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يابدر وش ياطيب العـرف مطنيـك=الشاهـد الله مـن طناكـم طنايـا
والله ماصافي يالحويفـي معاديـك=لو يصرفون الكـون كلـه هدايـا
يابدر حنـا لـك حـرار مماليـك=ان يبست عقب الضحوك الشفايـا
وان حاول الشباك نشر الشبابيـك=اقدر على على زرع اللغم بالزوايا
وتبي تشوف اللي من الفعل يرضيك=لابينـو سـود القلـوب الخفـايـا
وان كان عدوانك تحـدوك عينيـك=اجيبهـم قـدام عيـنـك عـرايـا
والعز بالله والفخـر يافتـى فيـك=يوم البراء مـردود بيـن البرايـا
يابدر لايطنيـك قـول الصعاليـك=مانتـه وكيـل مجمعيـن الحكايـا
انته على المعنى تركـز معانيـك=وضاعت عن المعنى قلوب الدهايا
خلك علـى مبـداك الاول ولبيـك=يوم اردف المخطي عليك الخطايـا
ابشر بمصقولآ من الضد يشفيـك=سيف تشتت فيـه جـرد السبايـا
وانا مـاودي تاخذالنـاس خافيـك=لوهاض بالجـره بعيـر الشوايـا
احذر ترا الغاوي عن الدرب يغويك=ويرميك رايـه بالخطـا والزرايـا
وليا نشبـت بمـر رايـه يخليـك=وينبحك مع سود الكلاب السعايـا
واللي عرفت من التجاريب يكفيـك=مانته بحاجـه يالحويفـي وصايـا [/poem]



رد الــشاعـر بـدر الـــحـويـفـي


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


لبيـك يـاهـواش والله يحـيـك=ياصاحب اللزمـه حميـد السجايـا
احييتني بالوصـل دامـت لياليـك=ونعشت يباس العـروق الضمايـا
يامركز المعنـى بحكمـه وتكتيـك=بابيات من صـدر المحنـك ملايـا
وانا افتخربك كـل ماحـل طاريـك=عضدي حزامـي بالعيـا والمعايـا
ذابت على راس الضريبه مراميـك=و وسمت بضلوع المريض الكوايـا
الله على الحـل الموفـق مقديـك=لاغمضت عنـه القلـوب الغبايـا
وطير الفلاح المنتسـب مايدانيـك=اللي يعاعي فـوق روس الطوايـا
اليـوم عينـه ماتراعـي تواليـك=ابتل ريـش الديـك زيـن الحلايـا
واللـي نقـد يالسنافـي معانيـك=حقه ليا حضـر الجـزور الحوايـا
خلـه بمذياعـه يركـب تماتيـك=وتغنـي الصفـره طيـور الهبايـا
وانا على ظنـك وظنـي ينشميـك=ماهوب مزعجني وشيش الحيايـا
ادق في روس الافاعـي سنابيـك=وسيلي على العوجـان ماينتنايـا
ولامد لثقـات الرجـال الشرابيـك=عي ليا قامـت تسـوق الحمايـا
وليه مع اهل العرف رسم ومساليك=ولاضف مع مالـي حـلال همايـا
ولااضير الهطفاء على قفش بلجيك=ولاأقسم الفطـره نهـار الضحايـا
اصون درعي لايجي فيـه تفكيـك=ووسط المجالس ماشعبت المطايـا
واللي ذكر هواش مافيـه تشكيـك=الشـوك ينبـت بالخـلا والقرايـا
والضيحه اللي شفت قـدام انابيـك=سيل تدفق مـع حـزوم وشغايـا
نـوه بديرتنـا وياصـل ضواحيـك=وهبت عليه الريح وقفـى مزايـا[/poem]


رحم الله شاعرنا رحمةَ واسعه .

دمتم بخير .

.

المشاركة الأصلية كتبت بواسطة طلال الجميلي (المشاركة 1285940) راع الردى لا تكرهونه على الطيب العبـد مالـه غيـر مالله كتبلـه اشهد شهادة حق مدح الردي عيب مثل الصلاة اللي على غيـر قبلـه الله الله الله لو ما كتب غير هالبيتين شيء يكفيه ..! عسى الله يرحمه ويسكنه فسيح جناته ، شاعر عز الله كل الشكر لك يا عبدالرحمن إختيار مميز

المشاركة الأصلية كتبت بواسطة محمد السالم (المشاركة 1286038) أبو عوف بيض الله وجهك على ما قدمت من نبذة عن ( هواش ) رحمه الله رحمة واسعة راع الردى لا تكرهونه على الطيب العبـد مالـه غيـر مالله كتبـلـه اشهد شهادة حق مدح الردي عيب مثل الصلاة اللي على غيـر قبلـه والله أن هذه البيتين عن ألفي بيت لك الشكر والتقدير

المشاركة الأصلية كتبت بواسطة سلطان العطاوي (المشاركة 1286043) راع الردى لا تكرهونه على الطيب العبـد مالـه غيـر مالله كتبلـه اشهد شهادة حق مدح الردي عيب مثل الصلاة اللي على غيـر قبلـه الله يرحمه ويبقي راسك لاهنت

المشاركة الأصلية كتبت بواسطة مخايل (المشاركة 1286237) راع الردى لا تكرهونه على الطيب العبـد مالـه غيـر مالله كتبـلـه اشهد شهادة حق مدح الردي عيب مثل الصلاة اللي على غيـر قبلـه الله يرحمه ويغفر له لا هنت يا عبدالرحمن

المشاركة الأصلية كتبت بواسطة نايف المقاطي (المشاركة 1286238) لاهنت ياعبدالرحمن لاهنت كل ماأتيت به يستحق النقل والله يرحم ابو عفريته غيمار

المشاركة الأصلية كتبت بواسطة عفاس بن حرباش (المشاركة 1286262) اشهد شهادة حق مدح الردي عيب مثل الصلاة اللي على غيـر قبلـه الله الله الله عز الله يستاهل ماكتبت عنه يابو علي الف الف شكر لذائقتك !

المشاركة الأصلية كتبت بواسطة محمد بلال (المشاركة 1291897) رحمه الله وتجاوز عنه سيرة عطِرة مليئة بالابداع سلمت ذائقتك يا عبدالرحمن .. وبيض الله وجهك يالامير ..

المشاركة الأصلية كتبت بواسطة صالح سبهان (المشاركة 1294835) يا سلام عليك يا عبدالرحمن ولاهنت على ما قدمت ودي وتقديري

المشاركة الأصلية كتبت بواسطة عادل ضيف الله الأسعدي (المشاركة 1294943) الغالي عبدالرحمن اشكرك على هذا التقديم الرائع لشاعرٍ جزل ومبدع رحمه الله تعالى لاهنت

المشاركة الأصلية كتبت بواسطة فارس بن مرداس (المشاركة 1295514) راع الردى لا تكرهونه على الطيب العبـد مالـه غيـر مالله كتبلـه اشهد شهادة حق مدح الردي عيب مثل الصلاة اللي على غيـر قبلـه الله الله الله صح لسانه صح لسانه وتسلم يمينك يـ حمني