الذِكر العَطِر
 

السلام عليكم ورحمة الله وبركاته

معذره على الغياب اللي حال بيني وبين التواصل معكم ..

أتمنى أن تمر متواضعتي على ذائقتكم مرورا ً عطر .. ،


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
بنتي في وجهي قبل أربع ليال=بينة هلال رمضان من الفطر
ماعطى تفكيري أعصابي مجال=جيت مثل السيل يا ريح المطر
جت بي الغيره و شرهات الرجال=وليت عقلي ليلة أبخستك نِطر
كان ماعرّضتك علوم ٍ هزال=ودمع عينك سيّح الكحل وقِطر
المعاذير :- المحبه و والوصال=حدّت محاكيك مدهال الخطر
ودّي أتنفسك يابنت الحلال=وإنتي كسرة عود وأنفاسك عطر
بنت عز وبنت جود وبنت آل=مانتي لأردى الخلق قضّاية وطر
أنقذيني من تنهـّاد الخيال=بكتبك نقطه على آخر سطر
مابعدك إلا الكفون و سقم حال=و الأسى و الشوق والذِكر العَطِر
سلت لك حرف وطواريق ٍ جزال=هاك وإقريني .. شطر .. شطر .. شطر
[/poem]


:)

ودّي أتنفسك يابنت الحلال
وإنتي كسرة عود وأنفاسك عطر
بنت عز وبنت جود وبنت آل
مانتي لأردى الخلق قضّاية وطر
أنقذيني من تنهّاد الخيال
بكتبك نقطه على آخر سطر


ياسلام ياسلام

صح لسانك ياماجد ولاهنت

ولا عاد تغيب وتحرمنا ابداعك

4



;;;;;;;

ماجد المقاطي

ياسلالالالالالالالالالام ابيات جميله ومافيك حيله

صح السانك يالغالي

خالص الود

المقاطي / ماجد

لله درك على هذي الفاتنه شطر شطر شطر

.... عز الله العزيز انا تنفسنا عطر الابداع في هذا النص

صح لسانك ولا فض فوك

.
.
.

الله الله الله

لله درك

ماجد صح السانك مدد بلا عدد

كتبت فأبدعت والشاهد الله

تحيتي لك

سلت لك حرف وطواريق ٍ جزال
هاك وإقريني .. شطر .. شطر .. شطر

صح لسانك ولا هنت

غيابك موجع يا ابو مشعل فلا تعودها

وهذا والله القصيد الي يطرب الواحد لا قراه

صح بدنك