قصيده فكاهيـه !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هجوسي تداحم قلت بسم الله الرحمن = عليّ وعليها من عيون الحراميه على كثر مابي من هموم وتعب وأحزان = وعلى سوّ صحة حالتي الإقتصاديه أهجرس وأغني وأضرب ألحان فوق ألحان = عسى السامريه ماتدف الهجينيه أخاطب بها العقال ما أخاطب الخبلان = وأحب الغموض ولا كرهت الشفافيه ولا أدور الشهره ولا المهره أم عنان = ولا أبغى آتصور في القناه الفضائيه دريت إن وضحا حبها نمر بن عدوان = ولا أدري من اللي حب عليا الهلاليه أبـبقى بدوي مهما تطاولت في البنيان = ومهما أنصدمت بكل حاجه حضاريه على ملة الإسلام والمسلمين أخوان = ولي طيحه وقومه ولي روحه وجيه مشيت وعرفت من البشر مختلف الألوان = من أهل السعوديه وغير السعوديه ومن خيرة الأصحاب رجل وفصيح لسان = ومن روس قوم وفي الصفوف الأماميه وشاعر وعالي ذوق ومثـقف وفهمان = وعلى أحلى الروايع عنده صكوك ملكيه أعرفه وله عندي محبه وقدر وشان = وياحـي مستور الذويبي وياحيــه تذكرته وغنيت له شـرّد القيفان = سلام وكلام وسالفه من صفا نيه يامستور علّم فيصل وصاحبي مشعان = عن السالفه والسالفه غير سريه إذا كنت ماشي صح ومسكر البيبان = فأنا نسبتي بالضبط خمسين بالميه ترى اللي صرفته في حياتك على الدخان = حوالي ثمانين ألف يورو وروبيه وذا اليوم يامستور دخن وبالمجان = من الدنهل المضبوط والجمرة الحيه ولا تقنص الضبان تقنص من الغزلان = ويمكن يصرّح لك دخول أي محميه لأبو الشعر والألحان والبدع والأوزان = لأبوها أمسيه في مهرجان النعيريه تريّح وقل للطايف يعلّم الصمان = عن شهار والردّف وعن سيسد وليـه وسافر على كيفك وضربك على المليان = ولا تهبط الاّ في مطارات دوليه وإذا زعّلك شرطي الدرك وأنت في لبنان = تسوق الدرك كله مساق النعيميه وإذا كنت شخصٍ تكنلوجي زر اليابان = وشاهد بعينك قمـة التكنلوجيه وفي ذمتي ماتبتلش بالدبا الحنـان = مادام إن عندك راس مال وأريحيه ولا تلعب الكيرم ولا تلعب الكنكان = ولا دار دوريه ولا طاق طاقيه ولا عاد تبغى خوة فلان والاّ فلان = خويك زعيم الفرقة الراسماليه ومن قال كيف الحال قل عدد السكان = ولا ترفع أسعار الدروس الخصوصيه ويلزمك تحسن العلاقات يا ذيبان = مع كل واحد يعرف الداب والحيه ترى أن كان فيصل ماتعوذ من الشيطان = كتب في الصميم: الشمس تاكل من الفيه وخوفي إن مشعان العتيبي وهو زعلان = يبلـغ عليك ألفين شرطي ودوريه كذا والله إن تموت ماترضي العتبان = مع إنك عتيبي راضع ٍ من عتيبيه عطيتك ملخص وأنت رجلٍ وسيع بطان = وتدري إن وقتك ذا يبي دبلماسيه وتدري إن بعض الزود يحسب من النقصان = ولا في المراجل جامعه وإبتدائيه عساني يامستور الذويبي بكل إتقان = حبكت المعاني في قصيده فكاهيـّه ! [/poem] |
يالطيف
يالطيف اي ول باك ماي فرند :) |
الله الله الله الله الله
ياطيب بدع الكبار وأسنادهم على الكبار والتلاعب بالمفردات والأتقان والدررررررر ناصر الأحمري المبدع العملاق , مستور الذويبي خير من أسندت عليه , صح لسااااااااااانك وبيانك وفي أنتظار ابو شاهر لا عدمناكم يا مبدعين ........ مودتي لكم . . |
ناصر
اقسم بالله اني مدري وش اقول لي رجعه |
الله الله الله
الله الله انت بدعك يدخل القلب دوغري صح لسانك يابطل سلام :) |
الصمت في حضرة جمال الحرف ,, ,, هو معنى الجمآل ,
|
الله درك
وصح الله السانك ودي وتقديري |
الله الله الله ابو يحيى صح لساااانكــ ,, ماهي فكاهيه وبس الا ابداااااع ولا عاد تبغـى خـوة فـلان والاّ فـلان خويـك زعـيـم الفـرقـة الراسمالـيـه تقبل سلاميــ |
يامستور علّم فيصـل وصاحبـي مشعـان
عـن السالفـه والسالفـه غيـر سـريـه إذا كنت ماشـي صـح ومسكـر البيبـان فأنـا نسبتـي بالضبـط خمسيـن بالميـه ترى اللي صرفته في حياتك على الدخـان حوالـي ثمانيـن ألـف يـورو وروبيـه ياسلالالالالالالالالام ابيات روعه روعه ياناصر وياليت ماتبخل علينا من جديدك صح السانك يالغالي خالص الود |
الاحمري الله يجيرك
مخاوي الابداع دايم جعلك ما تلجم وصح لسانك ولا هنت |
ناصر الاحمري وما ادراك ما ناصر الاحمري
كل اللي بقوله :- ان نوعك قليل وقليل جداً لله درك كل ما اصبحت وامسيت كبير يابو يحيى :) |
...
والله ياهالقصيدة ... تسوا نص القصايد الفكاهيه :) صح لسانك ياناصر .. امتعتنا امتعك الله بالجنة ، |
الله الله ,
هذي والله القصيده , صح الله السانك ياناصر , وسجل أعجابي , , |
،’
ناصر لـ الإبداع هنا منحنى آحر ، جلبت لنا هذه الدرة وتركتنا مذهولين بجمالها لله درك يا مبدع . لأبـــــــــو الـــشـــعـــر والألــــحـــــان والـــــبـــــدع والأوزان لأبـــــوهـــــا أمـــســــيــــه فـــــــــــي مـــهــــرجــــان الــنــعــيــريـــه مع أني من أهل النعيرية ولكن أقول صح لسانك دبل وثري وفور وقهوة :) تح ـياتي |
,
ياسلاااااااااااااااااااام على الإبدااااااااااااع . . . شااااااااااعر وجزل , والله انها قمه جمال والروعه . . . صح لسانك يا ناصر . . . وعز الله انك ارسلتها على شاعر . . . محبتي , |
وتدري إن بعض الزود يحسب من النقصان
ولا فـي المراجـل جامعـه وإبتدائـيـه الله عليك ياناصر هذي والله اللي يسمونها المناوره الدبلوماسيه عزالله ابدعت وامتعت صح لسانك صح لسانك صح لسانك تحيتي |
ياناصر عليك الله تعوذ من الشيطان ولاتقحم الشعار في مثل هاذيه
ملاحم يابو يحيى وبسم الله الرحمن عليك وعلى شعرك عسى العين معميه صح لسانك مدد |
ياسلام ياسلام ياناصر
دائما للقمه وفي القمه يامبدع صح الله لسااانك ملايين حبك وسبكك رائع لاهنت تقبل تحياتي |
اقتباس:
تغريد خارج السرب يا ابو يحيى فكاهي والا غيره صح لسانك صح لسانك وبانتظار ابو الروائع سلامي ومحبتي واشواقي .. والاعجاب منتهي من امره معك لاعدمتك |
يا سلاااام
ابداع ابداع يا ناصر يفوق الوصف صح لسانك مدد وفي انتظار مستور تقديري |
عطيتك ملخص
كل ذا ملخص ياناصر صح لسانك شاعر ولك اسلوبك الخاص |
عـــســـانـــي يــامــســتـــور الـــذويـــبـــي بـــــكـــــل إتـــــقـــــان
حــبـــكـــت الــمــعــانــي فــــــــي قـــصـــيـــده فــكــاهــيّـــه ! لله دررررررررررررك ياناصر صح لسااااااانك اللين ترضى ولاهنت تواجد للاستفاده تحياتي وإعجابي |
| جميع الأوقات بتوقيت GMT +3. الساعة الآن 10:44 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية