قصيدة فكاهية (2)
 

العذر يسبقها على التأخير يا بو يحيى :)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هجوسي تداحم وسط صدري كما البركان=وأنا أقول هدي روعك شويه شويه
لأني عن أهل الشعر في حالة استكنان= أحبه ولكن صرت ما أحب طاريه
بعد صار سلعه رايجه في يد الورعان= وسوقه غثا يشبه لسوق الشريطيه
تولوه الين اعموه وأصبح من العميان= ليا قام من حفره يحول بدهويه
ليا شفت حاله قلت يالله يا منان= تسلم قصيدي من عيون الحسوديه
لأني لسوقه جالبٍ غالي الاثمان =من إحساسي الصادق ليا أفكارجديه
أغني ونا صاحي .. وأغني ونا نعسان =وأغني وانا مابين هذي وهذيه
ولن عوّدت للبدع والرد بالميدان=أبدّع على كل الطروق الجنوبيه
اهلّه على الجمهور من عالي الامزان =ومقامه بعيني كالنجوم السماويه
ليا جيت أوفي لازمي ونعش الطربان =وأداوي جروحٍ من عنا الوقت مدميه
أسلّي به العاشق ..ووأونّس به السهران =من جروح منسيه ليا أحلام ورديه
أسولف لهم دايم عن الوجد والتحنان = مع إني بعيد اعن الدروب الغراميه
ومثلي رجالٍ ترفع الشعر لاينهان =لهم في جبين الشعر بصمه وماريه
مثل ناصر اللي لاكتب يخلف الاذهان =يمرر مواضيعه بكل احترافيه
أحبه ..واتابع شعره المترف الفتان =وله في سويدا القلب قدر ومحنيه
من اهل الحجر ..واهل الحجرللشعر تيجان =طواريقهم تحفظ ولاهي بمنسيه
وهذاالاحمري بالذات شعره يجيب جنان =أظنه مخاوي له ثمانين جنيه
مجاني قصيده كنها اللول والمرجان =مزوحه يضمنها مواضيع رسميه !
لفاني قصيده قلت ياليل جوّك زان =هلامرحبابه ..والتراحيب مثنيه
أهلي ..وأرحب فيه ترحيبة الصفطان =وتطيب السوالف بعد فنجال بريه
ياناصر علومك كلها مالها برهان =والاخلام هذي بالحقيقه رماديه
أنا مثلك أعرف حب وضحا لابن عجلان = وشقت الصعيدي كيف يهوى الصعيديه
وأعرف إن حربٍ وقّعت في (جبل دخان )=سببها التخاذل بالحكومه اليمنيّه !
وبعض الحروب إن كان ماحافها شجعان =تعوّد بدل ماهي بسيطه ..دمويه
وحنأ بذلنا جهدنا ..والكريم معان =على نية أهل الطيب ..والنيّه النيّه !
قبل يفرح الشامت..ولا يشمت الفرحان = وقبل لاتصير أحداث ماهي طبيعيه !
سعينا ..وهذا سلم فينا من الجدان =وأخذنا الوجيه بحاجة القوم مقضيه
ولاني مثل غير لياشفت شيٍ بان = ألقّي مواضيع النشاماعلابيه
لأنّا عتيبه نكسب الطيب مهما كان =لنا الطايلات من العصور الحجريه
كسبناه يوم أن المراجل فرس وسنان =مع السيف أبو حدين بندق وجنبيه
وذلحين ياناصر نعيش بأمن وأمان =تحت راية التوحيد والارض مرضيه
بعد ماستوت حبّة هجوسي على النيشان =عساني رميت أهداف ماهي بوهميه
وعساني بابو يحيى نهاية شهر شعبان =وفيت بردودي في (قصيده فكاهيه )! [/poem]

1



حجز ملكي ولي عوده

هلا وغلا يابو نادر :)

أفق طال عمرك ..

بانتظارعودك سالما ً :):)

ههههههههههههههه
ياحلوها ابك منك ياسلطان :)

مراحب مراحب مراحب ..

:)

الله الله يبو شاهر لله دررررك اي والله

الله الله الله الله الله


هنا يشهر الشعر يابو شاهر



كسبناه يوم أن المراجل فرس وسنان =مع السيف أبو حدين بندق وجنبيه
وذلحين ياناصر نعيش بأمن وأمان =تحت راية التوحيد والارض مرضيه
بعد ماستوت حبّة هجوسي على النيشان =عساني رميت أهداف ماهي بوهميه
وعساني بابو يحيى نهاية شهر شعبان =وفيت بردودي في (قصيده فكاهيه )!



الله الله الله الله الله

يابن عمي شهادتك فيك مجروحه

لكن دمت مبدعا وعز الله وفيت وكفيت

وبيض الله وجهك

هلا وغلا يابو تركي :)

شرفتني بمرورك وتعليقك طال عمرك :)

محبتي لكـــ:)

ياهوووه ،
اش الحركات هادي ،
:)



تدري
صح اللسانك عدد
العنب والرمان الطائفي ، وكمان ما ننسى البرشومي
:)




همسة لفايز ابو رجيلة
ياهوووه اتكبّرت وإلا صرت شايب
:)

لي عودة بأذن الله ياابو شاهر :)

.
.
.

ابوشاهر

لله درك
لله درك
لله درك

كتبت فأبدعت
مبدع في كل حالاتك

صح السانك ملااايين
تحيتي لك

إي بالله وفيت وكفيت وصح لسانك مليون والله يرحم حالي معك ... سجل حضوري الأول والعوده حتميه حتميه

الله الله الله يا ابو الروائع

رد وافي .. ولا اقول الا الله ربي وربكم انت ووابو ثمانين جنيه

صح لسانك ولسان ابو يحيى ولك وله مزيد المحبه والاحترام ياذوي الاجرام :)

سلام عليكم

مزيج بين جميع الاحجار الكريمه

ابو الروائع

سلملي عليك

وربي الابداع بعينه

وكفو ياعتابه


تقديري ومودتي

ياوجه الله

عزالله وفيت وكفيت يابو شاهر

لكني اوافق الاخ محمد بلال فيما ذكر وعزالله انك ظلمتها باسمها

عموماً يا أبو الروائع

صح لسانك ( كثر حبي لك )

دمت بود

ابو الروائع

انت قصة ابداع لحالك اي والله ,,,