سهيل غاب .. وغاب من يرجي سهيل
 

[align=center]أهديها للجميع واخص بها من تسبب بولادتها ..مع تحيتي للجميع مقدما ..[/align]







[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

سهيل غاب .. وغاب من يرجي سهيل=والوادي الظامي من سنين.. ظامي

لا تحتري للسيل يا راجي السيل=دار جفاها السيل مابه مقامي

يا ( شْعيل ) ما الومك من الحمل يا شْعيل =ومن شال حملك ظنتي ما يلامي

( المشكلة موقفك بين المشاكيل=العذر عن بعض المواقف حرامِ )

الصبر عيب ليا طفح طافح الكيل=ليا صار مسماره على القلب حامي

وش فايدة لا قالوا العالم : ( حْليل )=بعض الجباير هي تعيب العظامي

واذا تفرعن بالقطين اشهب الذيل=على القطين وساكنيه السلامي

ودام الحمير اسعارها ساوت الخيل=وش فايدة كلمة : عريب العمامي ؟

وان كنت ما تسكن على ضفة النيل=مالك غنى دون الرشا والمقامي

وليا صرت بين الغربلة والبهاذيل=اكفخ بجنحان السعد لا تنامي

اشهر وخل الارض لـ(غراب قابيل ) =ماعاد فيها مطمعة يا ( القطامي )

مادام لك جنحان لا تقبل الميل=الرزق مابه دون بابه محامي

اشعل ظلام الليل قنديل قنديل=واعلن على يدك انتحار الظلامي

وان شفت هالدنيا تبي تميل الشيل=بعها على اللي بأول السوم سامي

وان شح نفط ( اربيل ) لا تقرب اربيل=النفط في ( كركوك ) زامي وطامي

من بعد ما ينباع برميل برميل=اليوم يهدى في ( ولاية ميامي )

اذا ( تعدى الفعل ) حظ المفاعيل=وش حصل( اللازم ) من الالتزامي*

حتى متى تجترنا ( كذبة ابريل )=وجروحنا مع كل كذبة دوامي

وبالمال ما ينقاس طيب الرجاجيل=الطيب في خوض البحور الزوامي

و أحدّ من ضرب السيوف المصاقيل :=كريم يدعى مع طعام اللئامي

و أشدّ من شلفا عقابٍ* ومنديل* : =لئيم تحت يديه رزق الكرامي

واخاف من سود الليال المقابيل=تاكل ايدامي قبل لا اكل ايدامي

كثر العلل ماعاد يحتاج تعليل=الرزق ماله عن يدين الحرامي

والموجز ابلغ من طويل التفاصيل=لا شك خذ بوحي و زبدة كلامي[/poem]

‘

ابيات ما عليها كلام تستاهل القراءة اكثر من مره

الله لا يلجمك وصح لسانك ولا هنت

وان كنت ما تسكن علـى ضفـة النيـل
مالـك غنـى دون الرشـا والمقـامـي


صح لسانك على هذه القصيدة الرائعة

لاتحرمنا من جديدك


نايف

خلف الغريب

صح لسآآآنك....

قصيده جميله وجزله....

تقبل تحيّتي ومودتي.....

صح بداخوي عادل واشكرك على جميل مرورك..

تحياتي لك

صح بدنك اخوي ماجد ولا هنت ..

تحياتي لك..

شكرا لمرورك العاطر اخوي بدر ولا هنت ..

ودي وتقديري

واذا تفرعـن بالقطيـن اشهـب الذيـل
علـى القطيـن وساكنيـه السـلامـي
ودام الحمير اسعارهـا سـاوت الخيـل
وش فايدة كلمـة : عريـب العمامـي ؟


يخلف الله ياخلف

ابدعت لاهنت


وصح لسانك

مدد

دمت بخير

صح بدنك اخوي سلطان واشكرك على جميل مرورك..


تحياتي وودي

صح بدنك يا سلايل قحطان وشكرا لمرورك ..

تحياتي لك

الصبر عيب ليـا طفـح طافـح الكيـل
ليا صار مسماره علـى القلـب حامـي

صح لسانك ولا هنت

صح لسانك ياخلف

وذكرتني البيت الشهير

(بلادي وإن جارت علي عزيزة...... وأهلي وإن ضنوا علي كرام)

مدري ليه طرى علي


غيمار

والله مدري عنك يالغريب

مار صح لسانك على كل حال وبيض الله وجهك

على هالحبكه الشعريه الممتعه ولي عوده ونظره

صح لسانك مرار وتكرار

تقبل مروري واعجابي