الجميلي والسبيعي والشيباني - في جريدة الراي الكويتية .
 

السلام عليكم ورحمة الله وبركاته

نشرت جريدة الرأي الكويتية هذا اليوم الموافق السبت 21/ 8/2010

في صفحة مواسم تحت إعداد الشاعر / مساعد بن جبران

التالي ..

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اللي على بالك تجري و قوليه=وماني طلال اما ابتسمت وعذرتك
شوفي وش اسوي عشانك وسويه=وانتظري الغايب مثل ما انتظرتك
طعم المحبه مردون المشاريه=وليا بغيت اعاتبك ما استشرتك
جيتك وقلت الغاليه غايبه ليه=ما هو على ادنى شي رحت و هجرتك
لكن ليا شفت الجفا من مواريه=ماني بـ صاحي كان جيتك و زرتك
وان كانني ما قلت وش حاجتك فيه=ماهو بـ يعني لا تركتك غدرتك
كل شي في وضعه تناسي و خليه=ما طاح قدرك مثل ما طاح كرتك
لا يا الطريق اللي تمنيت تاليه=مالي و مالك يا الطريق اختصرتك
ولا يا الغرام اللي تمنيت حاليه=كبرت في قلبي و مت وقبرتك
قلبٍ فقد راعيه واحتاج راعيه=ليا بقى به عرق ينبض شكرتك
ابتسمي لـ حبه ليا مر طاريه=وأنا اوعدك بـ (البسمه) ليا ذكرتك[/poem]

شعر / طلال الجميلي

http://www.alraimedia.com/Alrai/Arti...&date=21082010

.
.


[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قبل يفيض الشعر من صدر الإحساس=على الورق من عام واحد وعشرين
كنت السعيد اللي بكت عينه الناس=وصرت الحزين ولا بكت لي ولا عين
صرت الوحيد اللي يدوّر ل جلاّس=كانوا في جمعتهم بدونه وحيدين
مرت ثلاثيني وانا ماني بـ حاس=والله درى وش عاد بعد الثلاثين
من ضيقتي ما كنّ في صدري أنفاس=ومن وحدتي ما كنّ في الكون حيّين
مثل القلم لا أحتاج له حضن كرّاس=بعد التعب محتاج حضن وذراعين
حبيبتي هاتي يدينك عن الباس=بيني وبين الموت لو تستخيرين
لا تزرعين بـ صدرك الطهر وسواس=غير الندم ما اظن والله تحصدين
لو إن حبك ما بنيته على ساس=ما كان لا غبتي تموت العناوين
شاعرك عاري جرح و شعورك لباس=لا تتركينه لـ المهبّ وتغيبين
ما غير وجهك في دجى العمرنبراس=لا تخنقين النور ظلم ، وتصدّين
علقت بـ إحساسك رجا العمر و الياس=كفيف في حضرتك وقصيّر يدين
من كثر ما أعطيك المحبة بلا قياس=قبل ازعل العذال زعلّت غالين
ولا كل غالي، يا غلا قدّ الإحساس=كم غاليٍ داس الأحاسيس فـ الطين
تأكدي لو لحقني شك في الناس=قطعت فيك الشك من دون تخمين[/poem]

شعر / محمد السبيعي

http://www.alraimedia.com/Alrai/Arti...&date=21082010

.
.

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كذا تجي منك انت يا ليّن العود=تنقى من (بحور التعب) وتغرف لي
وأنا اللي أرسم ضحكة عيونك السود=وأقسم من افراحي معك ما أنصرف لي
جلّ احتياجاتي معك ما لقت فود=كنك تقول إلك الشقى.. والترف لي
تآسف على حالي نسايم من النود=حتى القلم من ما كتبته وسف لي
اللوم في كل المحطات موجود=وأوتار حزني ف الهوى تنعزف لي
و آهات في صدري مصادير و ورود=وأنا أنتظر طيفك يجي ينتصف لي
من دمعي اللي من محاصيله يجود=مع كل طاري لـ اللقاء ينكشف لي
وأنا معه ما عاد في حالتي زود=مابيه من ماجاد به يعترف لي
(واقف على جدار الأمل) يمكن تعود=لكن جداري طاح لك. ما وقف لي[/poem]

شعر / متعب الشيباني

http://www.alraimedia.com/Alrai/Arti...&date=21082010

ودمتم بحفظ الله ورعايته

م
ح
ب
ك
م

طلال الجميلي
محمد السبيعي
متعب الشيباني

شعار رائعين ويستحقون الاحتفاء ولاهي غريبه على المعد بن جبران اقتناص الجمال

صحت السنتكم

تحياتي

شعراء مبدعين ويستحقون الأحتفاء في أي منبر .
وفقهم الله ,

ابو مطيع لاهنت ياغالي .

،

شعراء جداً مبدعين ، وأكثرمن رائعين
كل ما يقدمونه من نصوص يعتبر مادة دسمة
لأي منبر إعلامي .

شكراً يا / أبو مطيع
والشكر موصول للأستاذ الشاعر / مساعد جبران

تح ـياتي

محمد السبيعي متعب الشيباني طلال الجميلي

مثلث ابداع ، ويستاهلون التقديم في كل منبر
ويعلم الله اني ماعرف اعبر في اي موضوع يخصهم
لأنهم بمثابة الروح ، ولا احد يقدر يمدح روحه !


ابو عوض

الله يبيض وجهك يامبدع ، والله انك تقدم الكثير والشكر قليل في حقك
تقبل محبتي واحترامي ياصديقي !

الجميلي والسبيعي و الشيباني
مبدعين ويستاهلون كل خير .

صحت ألسنتهم وبيض الله وجهك ي نايف

,’

وعليكم السلآم ورحمة الله وبركآته
ثلآث معزوفآت "رآئعة" بِحق / وتستحق النشر وبجدآرة ,,
ومآهي غريبة على شُعرآءنآ "المُبدعين" !
"نآيف بن مطيع" شكراً لك !

,’

:
:


محمد السبيعي / متعب الشيباني / طلال الجميلي :
تبون (( الرأي )) ..
الواضح كالشمس في رابعة (( النهار )) .. ؟؟
أنتم شعراء تملكون (( الرؤية )) الشعرية الثاقبه ..
وتجيدون حبك (( السياسة )) الشعرية للنص بتمكن خاص ..
بالأضافة الى انكم تملكون (( القبس )) الشاعري ..
الذي تشعلون به الشعر متى ما أردتم .. !!
لذا فأنتم اضافة جميلة لـ (( الجريدة )) التي تحتفي بنتاجكم ..
وتشرفون (( الدار )) التي ربتكم ..
و(( الوطن )) الذي تنتسبون أليه .. !!
واتمنى أن تتابع (( الأنباء )) الساره ..
كبشائر عن الأحتفاء بكم في كل (( الصحف الكويتية )) .. !!


تستحقون الأحتفاء ..
و [mark=#8e27a8]نايف مطيع [/mark]
يستحق التقدير على وفاءه المتلاحق لشعراء المرقاب .. !!



http://www.mlame7.com/vb/images/smilies/14.gif

نصوص شعرية , قمة ف الإبداع ,

وأسماء شعرية , لها حجمها وثقلها إلإبداعي ,

كل التقدير و الشكر

يستاهلون ولاهنت يا كريم

الله يوفقهم يستاهلون كل خير

،


قصائد جميله لـ اسماء شعريه لامعه وتستحق هذه المساحه ،
كل الشكر لك يا نايف ولـ جريدة الرأي ممثله بـ مساعد بن جبران ..


تحياتي


،

:

وعليكم السلام ورحمة الله وبركاته

شعراء مبدعون و يستحقون التواجد / الإحتفاء الإعلامي موفقين بإذن الله
الكريم نايف لك كل الشكر على الخبر والشكر موصول لـ مُعد صفحة مواسم الشاعر " مساعد بن جبران "
دمت بكل الخيـر ..

أبداع ينقله ،
ويستاهلون الشعراء ،
:)

مبدعين

جميعآآ...

وشعراء يستاهلون ان ينشرلهم...

لآهنت....

وتقبل تحيّتي ومودتي....