أقوى فتل ونقض ..!
من العنوان ^ سمـّّوا بـ الله : ) |
عبدالله المسعودي / عيني تخيل أصحابها اللي حيث ما حالوا تحيل لدولها ياسواط والا مابعد لدولها جار الله السواط / إن خايلت عينك جميع أصحابها خلك ثقيل والارض مترها وقيس عرضها من طولها |
فيصل الرياحي / لقيت إبليس أخو مره يهندب في عقول الناس وأنا عقلي سليم ولا لعبـّي في ملاعيبه مستور العصيمي / تعوذ من بليس ليا لقيته واترك الوسواس وخل اللي يشيل الكيد يقبل به ويقفي به |
الجبرتي / عظامي يابسه والراس يابس والعيون يبوس أشوف الضلع قد الحبحبه والحبحبه قده المسعودي / تبى تآبس عظامك دامت إنك تشتغل بفلوس بعيرٍ يآكل الضرمه يبى يصبر على الكده |
محمـّد بن مشيط / يا أبو وافي حذفت البشت وأنت من الشتاء بردان ولا أقول إنك الأول ولا أقول إنك التالي ملفي المورقي / ليا مني حذفت البشت صار لوقفتي برهان أشرّه في فناجيل العرب وأفتك فنجالي |
مطلق الثبيتي / لا يا وجودك على السجه بحرة سليم اللي تروع عقاربها وديبانها وانا وجودي على شوف الرفيق القديم اللي ليا جا يقود الجيش برسانها عوض الله ابو مشعاب / من امس وانته هنيا يا ثبيتي مقيم اترفع الخيمه البيضه بعمدانها اعلم ترا ماش غيري يا ثبيتي غريم اصبر على نار عوض الله ودخانها |
خالد العصيمي / يا العصيمي بعض الاعلام والله ماتصير العرب ماتشري سيوفها لكفوفها مستور العصيمي / الصعاب اتهون والحمل حملك يا بعير لا تخليها يا خالد مدام اتشوفها |
مطلق الثبيتي / يالعصيمي معاشك من بنوك اليمامه وألا أنا من بنوك الله يجيني معاشي جبت ستين شيخ وكل شيخ بعلامه جعلهم عند نوٍ بارقه فـالمناشي مستور العصيمي / أنت رزقك تجيبه من جحلّط تهامه مزنةٍ من مطرها ما لحقنا رشاشي وأحمد الله يا مطلق في طريق السلامه لا أنت قاطع طريق ولا أنت خادم بلاشي |
الجبرتي / سلام الله برديّه يا عبدالله يا بن مستور سلام من الهجوس اللي يدنّ جريسها دنّي أنا ضايق عليك وضيقتي عوجاء كما الباكور عساك تزيلها وألا تزيد العلم وتغنّي المسعودي / ألا يا مرحبا يا شاعرٍ منك الوفاء منظور أنا ما أقول غير الصبر منكم والوفاء منّي لعلّ الضيقه العوجاء يضلّي عودها مكسور ويصبح ما بها عودٍ عوج يالمطرب الفنّي |
حزام العصيمي / يقولون ريمه ما وراها محاصيل عسى بنت ريمه عقب ريمه عوضها حبيب العازمي / هذي حجّة اللي يرقد اليوم والليل يعقل بعضها مير يسري بعضها |
صياف الحربي / آخر الليل نبغى النار تأكل حطبها لو يزعل رشيد ولو يزعل رفيقه ابشر إن الديوس اللي تبا تحتلبها حرروها رجال يعرفون الحقيقه رشيد: آخر الليل ولعها وطيح بلهبها كان زعلان يا صياف زدناك ضيقه راحت المرجلة وأنته تنوش ذنبها يوم كلٍ خلص ودك تولع حريقه |
المسعودي / انا ماهمني فالوقت لا مطلق ولا مستور مركبها على قمة جبل وتهز رجليها مطلق / تقوله وانت محني في يديه حنية الباكور وانا اللي من قديم الوقت طابخها وشاويها |
ابراهيم الشيخي / سلام والدعوة اللي جاتني من رشيد بديتها عن جميـع النـاس بديتهـا حبيب العازمي / يامرحبا وأنت ما سويت شيٍ جديد اللي عطاها رشيد العـام رديتهـا |
محمد بن جرشان / مادام ابن عواد بالملعبة حاضر وموجود خيل خيالٍ يصبح الصبح سامرةٍ بروقـه صياف / مادام ابن عواد موجود ضلع طويق ممدود يوجعك لو يطيح فوقك ولو تطيـح فوقـه |
مستور / الحياء ودنّا نرسل له العسّاس مير تمشي معي وألا تخليني؟ الزلامي / سلعتك نصّها فضه ونصّ نحاس روح وأقفاك كان الله معافينـي |
محمد السناني / الناس حجوا ونت جالس بعدهم وش تنتظر خذ لك وثيقه من هل السيل الكبير اقرا بها خالد العصيمي / سبحان ربٍ يردع الأمواج عن دولة قطر ولا ترى بحر الخليج يشيلهـا بترابهـا |
محمد الشمالي / ان كان ما حطيت في علباك مشعاب سلمي ماني عشير ٍ للهنوف اللي تحط خضابهـا سلطان الهاجري / ان كان ما حطيت مشعابك تحت راس قدمي ماني عشير الغانمين اللي تعـز أصحابهـا |
عبدالله الميزاني / يا سلام الله سلامٍ رحمته تسبر عذابه عند ابو راكان والروقه حسبها من نسبها حبيب العازمي / مرحبا ترحيب تاخذ حيته من سم دابه وانت تاطا راسها والا تبى تاطا ذنبها |
ياسلام ياسلام ياسلام
أبداع ومتصفحٌ مدهش , سلامي عليك يابو حامد , ومشكور على فتح هذه النافذه الرائعه , سجلني هنا . ولي عودة . مودتي لك . |
الزلامي / لو يموت العازمي راحت الدنيا دبور مابقا الا راس ملفي وقدرة وصحنة حبيب / لو يموت العازمي فرحوا اصحاب القبور وانت لو تمـوت كـلً تضايـق بكفنـه |
مطلق / ابا اسوق العصيمي سوق جمسٍ ماعليه شراع عليـه بـوارديٍ كـل خلـق الله يعـزونـه وانا ماني بغافل عنه في وقت الشرا والبـاع ليا مليت ماعـون العـرب فرغـت ماعونـه مستور / ابا اقول لك معصي ياطويل العمر مأنت مطاع تعاين بالعصيمي بالنظر وتذل مـن دونـه انا ماني طماعه يالثبيتي في يـد الطمـاع لكن الوعل طمعانٍ يدف الضلـع بقرونـه |
صياف الحربي / أشوف مستور العصيمي جاب حبله وجملـه وليا قضى تمر الحساء جاني بيي تمر القصيم مستور العصيمي / ان كان عندك تمر جيتك بالبعير وحمّلـه لكن لا تخلط لي التمر الجديد مـع القديـم |
| جميع الأوقات بتوقيت GMT +3. الساعة الآن 05:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية