وجد وجريدة الأنباء الكويتية
السلام عليكم
تزين جريدة الانباء شاعرة من شاعرات المرقاب بنص يستحق الاشاده وسبق انها طرحته في المرقاب وهذا نص الموضوع الشاعرة وجد من القليلات اللاتي يكتبن بجزالة تحمل الكثير من التفرد وبالتالي ستصبح اسما مرتبطا بالإبداع الشاعرة وجد اسم له مكانته بالساحة الشعبية شاعرة برزت بقوة المفردة تستطيع تخطي الجمال لبلوغ القمة وهنا لها نص يحمل من العذوبة ما يجعله قريبا من النفس لكي نتمتع بهذا الإبداع لنقرأ بتروّ حتى نعيش بهذا الجو الشعري المفعم بالإحساس. دخيلك ياهوى الغربي تهدا لا تجيب اقصاي انا مالي على طاري جروحك ياهوى شده اليا هبت ذعاذيعك سريت وجازلي مسراي لو اني في دروبك ماشيه غصب ومنحده عزفت اعذب لحوني لو ظلمها عازفك بالناي طرقت اصعب بحوري لو جحدها جاحد المده على ذيك السنين اللي تبعثر كل يوم خطاي خذتني لوعة الذكرى لحلم باح لي سده تعنيه النسايم لاغفا همس الحكي بشفاي يبكيه المطر لا سالت دموعه على خده تركته يوم انا طفلة يدور كل يوم رضاي وصلته يوم صرحه من سبايب غيبتي هده رسمته.. مادريت اني رسمته في يدي بالماي جحدته.. لين بين في عيون الجاحدة وده بكيت وما شفع لي من طعونه ونتي وبكاي سكت وكني اللي ينتظر موته على يده تغربت بدياره وانتخوا في ديرتي بعداي وتعزويت بطموح ما هو بقدي ولا قده حدتني يمه صدوف الليال وحدني مبداي وحداني عنه وقت مارحمني نعنبو جده خذلني وانخذل قلب الاماني من عظم بلواي يهل الدمع في بحر كواني جزره ومده تشربته غبن واقفيت ادور علتي ودواي ولجيت لخافق يبطي يلاقي بالهوى نده عطيته قلبي وسلمت له روحي وسط يمناي لاجل عينه عروق الشوق والتحنان منمده رويته عشق لين اروى بشوق العشق كل اعضاي ضميته وصل لين اضمى حظوظ عنه منلده هذاك اللي بيده ناقش حبه بوسط حشاي حشا مارخص هواه ولو جبر قلبي على الصده هذاك اللي لو غيابه دهر يبقا دهر وياي حرام إني فلا أنسى غلاه ولا انتظر رده الشاعرة وجد الرابط http://www.alanba.com.kw/AbsoluteNMNEW/templates/around2010.aspx?articleid=134456&zoneid=172&m=157 |
تستاهل وجد كل ّّ خير شاعره مـُُبدعه والقديرهـ والمكسب لـ الجريدهـ بـ مثل قصيدتها ولا هنت يا ابو ناصر ،، |
اي بالله تستاهل
لا هنت على مرورك |
،
تستحق هذا الاحتفاء الشاعره الغائبه الحاضره / وجد ، شاعره مبدعه في كل حضور لها ! كل الشكر لك يا بدر |
اقتباس:
القصيده هذي مايكتبها الا شاعره متمكنه عزالله ابحرت وابدعت ماشاء الله عليها بدر ناصر العجمي لاهنت يالغالي |
• دخيلك ياهوى الغربي تهدا لا تجيب اقصاي انا مالي على طاري جروحك ياهوى شده اليا هبت ذعاذيعك سريت وجازلي مسراي لو اني في دروبك ماشيه غصب ومنحده الله الله الله الله الله الله قصيده أكثر من رآئعه الشآعره المبدعه وجــد تستحق هذآ الإحتفآء وأكثر ويآرب إنهآ بخير ., ونشوفهآ فـ المرقآب عن قريب بدر نآصر العجمي / ألف شكر |
الله الله
ياعنك انها شاعره وجد اليا هبت ذعاذيعك سريت وجازلي مسراي لو اني في دروبك ماشيه غصب ومنحده انا والله اللي جازلي مسراي مع هالقصيده الا وجد على طاريها هي وينها غايبه عسى خير لاهنت ياناصر لاهنت كل الوود .. |
.. وَ عليك السلام والرحمة والإكرام , وجد شاعرة تستحق كل التقدير والإحتفاء بِـ قصائدها .! صحّ لسانها ووفقّها الله , وَ كل الشكر لك يَ بـدر ’ :wardah: |
دخيلك ياهوى الغربي تهدا لا تجيب اقصاي
انا مالي على طاري جروحك ياهوى شده اليا هبت ذعاذيعك سريت وجازلي مسراي لو اني في دروبك ماشيه غصب ومنحده الله الله صح لسان شاعرتنا وجد ومشكور يا ابوناصر ع الايراد |
صح لسانها وتستاهل
لا هنت يابدر |
لاهنت يابو ناصر على نقل الخبر وصح لسان وجد والله يردها سالمه |
شعر شعر يطرب
بالتوفيق للشاعرة : وجد بو ناصر الف شكر |
اقتباس:
نعم تستحق عسا الله يردها للمرقاب ولا هنت على مرورك |
اقتباس:
نعم شاعره متمكنه الله يستر عليها شكراً لمرورك |
اقتباس:
لا هنتي على تواجدش |
اقتباس:
|
اقتباس:
العفو ومشكوره على المرور |
فارس مرداس
لك التقدير على مرورك |
مخايل
شكراً على التواجد الدائم |
مشعل بن عبدالله بن عون
لك التقدير على مرورك |
اقتباس:
العفو ولا هنت على مرورك |
وجد
شاعره عملاقه وتستحق الأحتفاء في كل منبر رائع . بدر لاهنت على الخبر الجميل . :wardah: |
| جميع الأوقات بتوقيت GMT +3. الساعة الآن 02:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية