منتديات المرقاب الأدبية - لشاعر محمد عبدالمحسن البدراني

سلام

لي ثمان شهور ماتعبت هاجوس القصيد=والقوافـي ياكهـف قافلـن صندوقهـا

ماحصل شيا يشـد المشاعـر للنشيـد= دون سبـه مايشـد الفكـر طاروقهـا

ياكهف مع غيبة الشمس لاحت من بعيد=مزنتن غرا رعدهـا رديـف بروقهـا

خيلت وثعولها حدرهـا مثـل الجريـد=لين فوق طويق هلت صدوق حقوقهـا

حركت دولاب فكري بطاروقن جديـد=والسبايك غاليا سعرهـا فـي سوقهـا

ياوسيع العرف ياراعي الراي السديـد=البشوت ام القصـب عيبتهـا شقوقهـا

القضيه ماتبي غير من عنـده رصيـد=يصرف الشيك المذهب لرتـق فتوقهـا

بين شمطان اللحى لاهرج ساع البريد=قله طيـورن شبكهـا يفـك سبوقهـا

والحديـد ليالتحـم مايفـك الابحديـد=(العرب صوت المطر مايبل حلوقهـا)

ارتخى حبل الغلا بين عليا وبـو زيـد=يوم قالوا قيمـة ام السعـف بعذوقهـا

الحباري جالها مخلب وقامـت تصيـد=رفرفت جنحانهـا واعتلـت شاهوقهـا

المواقف درس والعاقل اللـي يستفيـد=مطعمن للحنظله طعـم قبـل يذوقهـا

الحليب يخض وبخضه الزبـده تزيـد=والرجال اعقولهـا تعـرف بمنطوقهـا

اشهد انك ياشقر الريش يالساس الجويد=مدهلن للبكـره اللـي لفتـك اسوقهـا

جتك ياللي في عيوني مثل برج الوليـد=الرياض ومااحتوت شامخن من فوقهـا

وسلااااااااامتكم