منتديات المرقاب الأدبية

السلام عليكم ورحمة الله وبركاته[msg]مرحباً ألف[/msg]

هذه قصة من قصص سعد بن ناصر بن سعيدان مطوّع ( نفي ) رحمه الله
والمذكور كان مطوّع وشاعر وراعي كرم ومعه اخلاق فاضله وراعي نكت وله قصائد تعد من أقوى وابدع الشعر الشعبي
وله مداعبات مع أصدقائه الشعراء, وكان له نجر رنّان يستخدمه في تحضير القهوة وكان مشهور بصوته ذاك الوقت
وقد حاول الكثير شراءه منه لكنه رفض مهما كان الثمن , ومن الناس الذين طلبوه منه الفارس دغيليب بن خنيصر الروقي العتيبي
فقال له : أعطني النجر واطلب قيمته مهما كانت , فرفض وأجابه بهذه القصيده

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نــجــر الـمـطــوّع يــــوم شــافــه دغـيـلـيــب=هـــــــــو يـحــســبــنــي جـــالـــبـــه لـلـمـبــيــعــه
أبــيــه لاجــونـــي هـــــل الـفــطــر الـشــيــب=يــلــقـــون نـــفــــس ٍ بــالــمـــروه ســريــعـــه
وصكوا بي الأجناب هم والاصاحيب=قــالـــوا تـبـيـعــه قـــلـــت نجري مــــــا أبــيــعــه
لا جــــــو يــلــقــون الـــــــذرا والـمــعــازيــب=أجــــــــواد مــرفــقــهــم عــــــــدو الــشــريــعــه
ألـفـوا عـلـي أصـحـاب هــم والأجانـيـب=لا جـــنـــب الــمــاجــوب ثــــــور الـنـفـيــعــه
عــاداتـــنـــا بــأمــوالــنــا نــنـــشـــر الـــطـــيـــب=واقـــفـــايـــة عـــنـــهــــم تـــــراهـــــا فــجــيـــعـــه
ولا نــيــب أود الــلــي بـجـنـبـه عــذاريــب=طـبـيـعــتــي يـــــــا حــيـــهـــا مــــــــن طــبــيــعــه
عـسـى صـبـي ٍ مــا يـعـرف المواجـيـب=تـــجـــيـــه لـــيـــعـــات الــلــيــالـــي ســـريـــعــــه
مـن شـب بالدقمـه لـمـا حــروة الشـيـب=يـــمـــوت قــلــبــه مــــــا بـــقــــا الاّ سـبــيــعــه
صخـرتـهـا يـالـقــرم غـصـبــن بــــلا طــيــب=تــاتــيــني عـــســــرات الــقــوافـــي امـطــيــعــه
[/poem]

ويقال عندما سمعها الشاعر الكبير / عبد الله بن سبيل أجابهه بهاذين
البيتين عن طريق المزاح والمداعبه :

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اللي يجي يمةْ هل الفطر الشيب=شـرق الهييشـه عـن يسـار الرفيعـه
والاّ المطوع كل هرجـه تكاذيـب=وإلى بغى ما هـي بترفـه تطيعـه [/poem]
* ترفه : هي زوجة المطوّع

[unload]
بالسلامة
[/unload]