وش عاد باقي من شروط القيامه !!
 

هذه القصيده ترحيبيه بمناسبة زواج اخوي : سافر بن عايض الروقي في رابع ايام عيد الفطر المبارك ..واريد توثيقها في مرقاب الشموخ ,,ودامت افراحكم ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

بسمي وبسم ابويه معدل الميل =اللي بنى للمجد هامه وقامه
عاش فزمان المعمعه والغرابيل =لين اقتسم فالطيب ذروة سنامه
الشايب اللي من ثقات الرياجيل =السجده اللي في جبينه علامه
مايستمع من ينقل القال والقيل =ولافيه عرقٍ من عروق الرخامه
السانه اعضب مع قليل المحاصيل =ولامع الطيب ما غير نظامه
يشيل ملاشال شقران وشعيل = من دون ربعه ماتراقل عظامه
مجالسه لعزاز الانفس مداهيل =ومرضعته ديوس التجارب قرامه
سلايل شيوخٍ ثقات ودواليل = الصف واحد ماسعوا في انقسامه
حماية الميقاف جيلٍ ورى جيل = اهل الاشده محتمين الجهامه
يوم انها بالجيش ومطارد الخيل = الاد روق اهل الظفر والزعامه
صغيرهم ضاري بشرب الفناجيل = وعدوهم بالعين شاف انهزامه
واقول في كل القبايل مشاكيل =تاريخهم يفرض علينا احترامه
يامرحبا ترحيبةٍ توفي الكيل= فيها معزه واحترام وكرامه
على الشحم والعود والبن والهيل = ترحيبةٍ تبقى ليوم القيامه
بضيوفنا روس الرجال الحلاحيل = اللي حضر من نجد ولاتهامه
بعد وصلتهم من جهتنا المراسيل = ماجابهم غير الوفا والشهامه
ماللضيوف الا معزه وتكميل =ورثٍ نورثه الذي في فطامه
كلمة نعم ماحازها بارد الحيل = ولافاد خير ولاتحقق مرامه
واللي طموحه من ورى الجدي وسهيل =يكرب لتكميل اللوازم حزامه
ويالله يامنشي صدوق المخاييل=يافارض الشهر الكريم وصيامه
يامنزل القران وكتاب الانجيل = تقبل لنا صوم رمضان وقيامه
الفايز اللي بين ذكرٍ وتهليل = والخاسر اللي غاطسٍ في منامه
مانظمن نعيش السنين المقابيل =و تقصيرنا يجلب علينا الملامه
والنفس طيرٍ والخطايا محابيل = بيتٍ لروقيٍ صدق في كلامه
وانفوسنا شابت على الحط والشيل = نتعب على المال ونجمّع حطامه
نطرد ورى الفتنه جموع وزرافيل = في قلوبنا غفله ومعنا غشامه
ياالله تنجينا يامنجي سماعيل = واليانزلنا القبر تجلى ظلامه
وارحم عبادك يامغيث المقاليل = وش عاد باقي من شروط القيامه
واجعل لنا في كل صعبٍ تساهيل = وهيئ حلال الرزق وابعد حرامه
دنيا الشقا دنيا العنا والبهاذيل =والدين يحفظ للبنادم مقامه [/poem]

اول شيء
الف الف مبروك زواج اخوي سافر
والله يجعل ايامكم كلها افراح يابو عبدالله
اما عن الشعر وش اقول في حضرة احد
اساتذته الكبار ؟

:woow55:



يازينك ويازين حضورك يارشيق .. (pst-

تشرفت بسماعها وصح السانك يامبدع .. : )

غلاب عايض
اولاً مبروك زواج سافرابن عايض

ونسال الله العلي القدير ان يوفقة في حياتة الزوجية


وثانياً اقول هنا للابداع والجزالة مقر

والله وبعيدٍ عن المجاملة وانت عارفٍ رايي في ماتكتب قصيدة

شامخة بشموخ شاعرها المميز والله ياغلاب اني حاولت اختار بيت

مميز او بيتين ولاقدرت لان القصيدة كلها تستحق الاختيار

الحقيقة حضورك يشرف وقصيدك لك الحق ان تفتخر بة

ولااملك الا ان اقول بيض الله وجهك وجمل الله حالك

تقبل تحياتي

ونعم بك انت وابوك وربعك



قصيدة تشرفت بسماعها في موعدها





صح لسانك عدد حروفها




و شهادتي فيك يقطر دمها طال عمرك

وافي ولا انت بهافي ياغلاب

الله يصح لسانك ويبيض وجهك

عز الله قلت وطلت

تحياتي وتقديري

الف الف مبروك والله يرزقه الذريه الصالحه وكفو فيك وفي ربعك

صح لسانك ولا هنت

ابدعت يا غلاب ولا نستغرب ذلك



صح لسانك وسلم نبضك

الف مبروك زواج اخونا سافر بن عايض العالي.. هذا اولاً

و ثانياً صح لسانك يا ابو عايض

شاعر جزل و قصيدك جزل و عوايدك و انا اخوك


صح لسانك و اعتلا شانك


تحياتي و تقديري

ابو عبدالله

كفو كفو كفو كفو بك وبوالدك العزيز وقبيلتك العزيزه

وصح لسانك على هذا النزف والعزف الجميل.

بيض الله وجهك قصيده متماسكه مبناً ومعناً.

ودي وتقديري لك يانحيف.....

والله ونعم وكفو
غلاب عايض مبدع في كل مجالاتك الأدبيه الفاخره ,
مودتي لك .
:wardah:

ماللضيـوف الا مـعـزه وتكمـيـل
ورثٍ نورثـه الـذي فـي فطـامـه


الله الله الله .

غلاب
حضورك شامخ دائماً

لله درك وتحيتي لك

غلاب
حب لي خشمك وخشم شايبك

صح لسانك لين ترضى