يا طــيــر ..
 

بسم الله الرحمن الرحيم

صباح /مساء .. الخير على الجميع


لكم هالقصيده

وأتمنى تحوز على رضاكم

هذي رديه بيني وبين واحد من أخوياي

أرسل علي البيوت هذي ورديت عليها

قصيدة خويي يقول فيها :












[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياطير ليتك تفهـم الهـرج ياطيـر=حتَـى تبلـغ صاحبـي مانسيـتـه
تسرح مع الجهمه عسى دربك الخير=يومين طول الـدرب لامـن بغيتـه
وتصير في داره على حزة عصيـر=قبـل المعشـى تاصلـه والمبيتـه
ثم بلغـه منـي سـلام وتباشيـر=.واخـذ العلـوم الغانمـه لانصيتـه
الصاحب اللي لـه معـزه وتقديـر=.ابن الرجـال اللـي تعـلا بصيتـه
حرن ليا صكـت ليالـن معاسيـر=.يكفـخ ولاهمـه هـروج الشميتـه
انا اشهد انك وارث الجود والخيـر.=.من عام الاول كل خيرن هويتـه
وختامها عديت لـك قـول تبريـر=قولن من الخافـق بعينـك قريتـه
[/poem]

وسلامتكم


<<<<<<<<<<<>>>>>>>>>>>>


ردي عليه:











[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياطير يومنَك تسـج المشاويـر.=الصبح تسرحبه وليلك سريتـه
جيتو من الوادي علينا محاديـر=رغم العنا والخوف ماقد عصيته
ياطير خذلك عندنا يوم ثم طيـر=ود العلـوم الطيبـه لا لقيـتـه
وقله علومـي كلبوهـا مغاتيـر=وبلغ سلاميله ليـا جيـت بيتـه
سند على دارن حموها المناعير=تاخذ ثلاث ايـام كانـك نصيتـه
مر العرايس واكسر يسار للنيـر=عفيف لو يبرالك النيـر جيتـه
تلقا علاه الناس ورد ومصاديـر=.هذا تـرا لـو يبتعـد ماجفيتـه
وقله ترا يمكن نجيهـم مساييـر=فوق الونيت الي قلب لون زيتـه
من وارد اليابان صنع المواطيـر=ورد قدم عشرين عام وشريتـه
اقطع علاه البعد مافيـه تقصيـر=وليا استوا القار أستوي ثم كويته
جا للبواجي صفق هي والجنازير=وصفَايت البنزين لامـن سقيتـه
في خلق ربي كنهـن المناخيـر=إتصفي البنزيـن عـن كربليتـه [/poem]




وسلامتكم

تحياتي

باين المغيري

يا مرحبا يا باين

ما اقول الا الله يرزقك بجيب لكزز اخر مديل (pst-

صح الله لسانك ولسانه ولا هنت

بحفظ الله

ياسلام ياسلام ياباين


صح لسان خويك


وصح لسانك يامبدع عزالله كتبت وابدعت




بانتظار جديدك

بدر العجمي

مرحبابك مليون والله

والله يسمع منك يا غالي

والله يرزق الجميع

ولا جا اللكزز مانيب ناسيك قسمك محفوظ(jar-

وصح الله بدنك

وابيض وجه

وشاكر لك المرور

ياسلام
ياسلام

صح لسانك ولسان خويك

رديه رائعه وجزله

لاهنتم

احترااامي

و
ج
د

عبدالعزيز المغيري

هلابك مليوووون

ومرحباابك

وصح الله بدنك

ولا هنت يا غالي

والابداع مرورك هنا يا غالي

وابيض وجه

وشاكر لك المرور ..

باين
صح لسانك وبيانك شاعر رائع ومبدع ,
مودتي لك .
:wardah:

يا مرحبابك يا وجد

وصح كلك

والابداع مرورك هناا

شاكر لكي المرور ..

عبدالرحمن السمين

هلابك مليون والله

وصح الله بدنك

ولا هنت يا غالي

وشاكر لك المرور ..

شاكر لكم المرور ...

الله عليك يا باين

لله درك يا صديقي

بآين لمغيري

صحة السنتكن

جميعآآ..

وتقبل تحيّتي ومودتي..