,,,,, من باب الوفاء و رد الثناء ,,, لـــ بدر بن مشعان بن ثعلي
 

السلام عليكم


بدر بن مشعان بن منير الثعلي بيني وبينه خوه أيام الجامعه و كتبت فيه ما جادت به القريحه


إليكم :



[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا بدر بن مشعان مذكور بالخير =كم واحدٍ حاضر و هو في غيابه
طاريك حاضر يا زبون المخاسير =و ليا حضر طاريك يا مرحبابه
غالي و لك صيت و معزه و تقدير=تدري , و أنا أدري به و غيري درى به
سطرت تاريخك بالامجاد تسطير = فيه المعزه و الفخر والمهابه
ينصاك فنجال الدلال المباهير = قبلك على غيرك حرامٍ شرابه
ما أقول في باق الرياجيل تقصير =نبقى ربع و عيال عم و قرابه
لكنّ هذا بدر يفرق عن الغير = ضميره أنظف من غشين السحابه
عز الخوي و الجار ريف المسايير =ما صك دون الضيف بالقفل بابه
دون الدراهم ما يصكّ الازارير =يكرم بما يملك و يلقى ثوابه
من الترم الاول معه للترم الاخير =دايم خوي الجنب يحسب حسابه
زودٍ على حسن الادب حسن تعبير = يبهج صناديق الضماير جوابه
إمكانفه لاحق و فواز و منير = و السيف قوة ضربته من نصابه
مشهور من روس الرجال المشاهير =الله على التقوى يطوّل شبابه
قدره كبير و عندي أكبر من النير = دمث الجناب اللي عزيزٍ جنابه
طبعت له من واقع الفعل تقرير =يوم الزمن راجعت صفحة كتابه
قلت الحقيقه وأنت يا بندر بدير =بلّغ تحياتي بدر بالنيابه[/poem]

ياسلام ياسلام

قصيدة تدل على طيب معدنك ياعلي
وانت شاعر مبدع والقصيده اكبر من
اي تعليق
صح لسانك !

أرحب يا علي

صح لسانك وافي وابن منير يستاهل

لاهنت

قصيده تدل على طيبك وطيب معدنك

وانت يابو فلاح اكبر من كل تقييم


والشهاده فيك مجروووووحه


مانقدر نقول الا صح لسانك

ولاتحرمنا ابداعك

يستاهل المادح والممدوح


والف نعم


هذه هي الرفقه ياعلي نعم الرفيق
من جعل ود الرفاقه نصب عيينيه
اسال الله ان يجمعكم على الطاعه


تقبل مروري

مع الاحترام

نفس شعورررر واكثر

علي العضياني
مبدع النظم فاخر المحاوره نقيْ الروح والخُلق ,
صح لسانك وبيانك ورائع يا علي ونعم بك وبه بلاشك .
مودتي لك .
:wardah:

عز الله انك كتبت قصيدة ثناء ماجده يا علي

و يستاهل الطيب راعي الطيب


صح لسانك و بيض الله وجهك


تحياتي و اعجابي


اخوكم


ش. س.

علي العضاني..

صح لسآآنك..

وتقبل تحيّتي ومودتي..

صح لسانك وعتلا شانك

قصيده جزله من شاعر جزل

تحياتي لك

صح السانك ياعلي

ويستاهل الطيب المدح


بيض الله وجيهكم


تحيتي

'


الشعر جميل و الاجمل اذا كان الشاعر شرواك يا علي ،
وفاء وشعر و مرجلة ..

لله درك

وعليكم السلام


الله لا يفرق الطيبين

صح لسانك ولا هنت

:wardah:

مع درب عفاس

وانت تدري بما في خاطري يابوفلاح

الله يصح لسانك ويديم الغلا

الله الله
صح لسانك يابو فلاح وبيض الله وجهك على هالشامخه

ولاهو غريب الوفا منك والله ونعم الخوي

وابو مشعان يستاهل ولا هان ابو بنيدر

تقبل مروري واعجابي وتقديري


تحياتي لك

عفاس



:woow55:


عاش من شافك


صح بدنك و ما عليك زود يا إستاذنا




شرفت طال عمرك