درب الوفا ..
السلام عليكم ورحمة الله وبركااته :icon_mrgreen:صبـــاح ____ مســـاء ___ الخير هذه احدى الرديات بيني وبين واحد من اخوياي سمعتها منه وحبيت ان ارد عليه // (قصيدة خويي))>>> ويقول فيها // [poem=font="Arial,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] قلت الليالي اللي بها الصـدر يبـرا=يبرا مـن العـلاّت والهـم ينـزاح قال الليالي اللي بهـا الهـم يطـرا=ضيّم عميق الجوف من ماضين راح ياخوك حالي من عنا الوقـت قشـرا=تدري عن العلّـه ولانـي بمرتـاح شد الرحال ودربك اللـي بـه ادرا=نعطيه يوم الناس عن دربك إتـزاح نمشي مع المنـزال ليلـن ومسـرا=مسرا يفج الصدر والقلـب يرتـاح ولا صار دربك مابه اليـوم عثـرا=والنور ضافي والقمر مثل مصبـاح اخذ الرجال اللي لهم طيـب يشـرا=اللي بلا غثّـه ولـه قلـب صفّـاح حتى ولو دربك يصـادف بعسـرا=تلقا خوين ما يجـي منـه مشفـاح ابن الرجال اللي لهـم فعـل يـدرا=ماحسّب الغالي ولـو راح مـا راح شرواك يا اللي تسمع القـول تقـرا=يا صاحبن في الدرب كسّاب الارباح الليـل لامـن راح يذكـر بذكـرا=كم ليل يجمعنا من الماضـي وراح يا نايـف الايـام ماهـي بعسـرا=معك الليالي تشرح القلـب بشـراح درب الوفا نمشيه لـو كـان غـدرا=ما نجهل الخوّه ولـو زاح مـا زاح [/poem] يقصد بـ (نايف) هنا ( اخوه الصغير).. وهذا ردي عليه مع العلم ان الرجال اسمه (باين) على اسمي (سميي)(pst- ( ردي عليه)>>>> واقول فيها // [poem=font="Arial,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يا بايـن الايـام بيضـن وسمـرا=لا تنغشش فالشمس مع فلق الاصباح يومن على كيفك تجي تحـت امـرا=ويومن تمرمربك على كـل جـرّاح اصبر على جرحك مع الوقت تبـرا=وتلقا بصبـرك للمشاكيـل مفتـاح يا الله يا اللي تجبر الكسـر جبـرا=وقّف ولد عمي على الساق لا طاح وتجعـل لياليـه المقابيـل قـمـرا=والخير بيبانه على الـدرب فتّـاح خيـرات بيبانـن لا جـات زبـرا=ترجع على المجنون عقله ليا مـاح وتارد على وادن جرا فيـه خمـرا=وتقطف من الاثمار توتـن وتفـاح يجيك كل اللي علـى البـال يطـرا=من دون ما تطلب على الكيف مرتاح والحور من قسمك شفايـاه جمـرا=تضحك ثناياها كمـا البـرق لا لاح تبري غليل اللي من الهـم غمـرا=وتجلا هموم اللي على القلب طفّـاح لو فالبحر تبصـق بريقـه تغمـرا=عقب الملوحه صار عذبن بلا املاح وانا اشهد إن الطيب له فيك عمـرا=ورثك من الجدان ما جا بالاربـاح يومن ورث النـاس شلفـن وبكـرا=ورثك على دور المزامين مـا راح [/poem] وســـلامـــتـــكـــمـ ... |
اقتباس:
كفو كفو كفو بيض الله وجهك على هالبيت خصوصاً صوت رائع وصدى اروع مودتي واعجابي |
اقتباس:
الشاعر //عادل الاسعدي هلابك مليووون والله كفوك الطيب يا غالي وصح بدنك ولا هنت ووجهك ابيض وانا اخوك والرائع هو مرورك هنا شاكر لك المرور.. |
باين
صح لسانك وبيانك مودتي لك . :wardah: |
اقتباس:
عبدالرحمن السمين هلابك مليون يا غالي وصح بدنك ولا هنت وشاكر لك المرور.. |
صح لسآآنك..
يآبآين.. وتقبل تحيّتي ومودتي.. |
اقتباس:
عبدالعزيز الجش هلابك مليون وصح الله بدنك ولا هنت وشاكر لك المرور.. |
اقتباس:
وصح بدنك ولا هنت وشاكر لك المرور |
شاكر لكم المرور جميعآآ ..:wardah: |
شاعريه فذه وسبك لايعلى عليه ..
صح لسانك ياباين .. تحياتي |
اقتباس:
مــــــرزوق الـــــــروقــــــي// هلابك مليون والله يا غالي وصح الله بدنك ولا هنت وانا اخوك وشاكر لك المرور.... ...... |
| جميع الأوقات بتوقيت GMT +3. الساعة الآن 02:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية