مصافحة على الطرق الهلالي
 

هذي قصيدة اسندتها على الشاعر الكبير حمود بن زايد السليس

عساها ترقى لذايقتكم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر مزنه والهواجس رعودها=والله على خلقة بفضله يقودها
اقبل على فكري صدوق ن مخايله=قافه بردها والروابع شهودها
ثعولها جزل المعاني ترازمت=وهتانها يظهر خوافي بنودها
ويفيض من وبل القوافي شعيبها=من عقب ما يبست من الماء عدودها
يزهاه نوار المشاعر على الورق=وريح الخزاما كل ما هب نودها
يفوح من طرق الهلالي نسيمها=ويضهر شذى عطره مواري حسودها
البارحة يا حمود محد ن يلومني=بيحت من حزني بقايا سدودها
الشوق والهوجاس والهم والرجا=صكت على عوج الحنايا حشودها
تدري وش الي يا بن زايد يقودني=ريمية ن ما شاف اخوها خدودها
لا مر ذكره كن جسمي على اللضى=أونست من هجره لهايب وقودها
ون قلت اصارحها بما كن خاطري=عيا اللسان من الحياء لا يزودها
يا حمود قلبي مع عروقة بكفها=والنار في كبدي تقادح زنودها
أخفي عن الي فالهوى ما درابنا=خوفي من العذال تكثر وفودها
يوم فرقت حدب الظلوع بيمينها=دقت مناسبها ورزت عمودها
وسط الحشاء بيته تعلى وارتكت=ترسم ورى لوح الضماير حدودها
خليتها فالقلب وخفيت غيرتي=صبري عسى الايام تكشف قصودها
سيطر على قلبي غلاها وحبها=ون قلت ابسلى وتناسا وجودها
كن الجوارح حالفة ما تخونها=لا قام طيفة قدم عيني يرودها
ما عدت اميز ثقل ولا يعافني=وقامت تلاشى وسط قلبي ردودها
اسقيتها من نبع صافي ورتوت=وقطعت عنها الماء ويبست ورودها
شيهانة ن ما تلتفت لا دعيتها=واول على الملواح تبذل جهودها
طارت وبانت عقب حامت ثلومها=حسبي عليها كيف خانت عهودها
قد قلت يا عذب اللمى فيك مبتلى=وغره كلامي يحسبني بعودها
هوا مادرى فعله يخالف ملتي=وعندي تساوى حبها مع صدودها
اليوم طاب الجرح عندي وعادتي=ممشي ورى المقفي واعرفه يكودها
يا حمود جاك الخط واعرف طلاسمه=يمناك مدتلي من الطيب جودها
تشكر على المجهود والحظ قام بي=عقب اكتبو لي فالصحايف عقودها[/poem]


اخوكم خالد الغنامي

خالد الغنامي

مرحبا بحضورك ومرحبا بهذا الشعر الراقي
والشاعر حمود السليس
من الشعراء المبدعين الذين يستحقون الضوء الإعلامي
له ولك كل التقدير .

،


يا مرحبا ومسهلا يالسمي ،
حي الحضور الكايف .. والقصيد النآيف .. عز الله ابدعت ، صح لسانك ولاهنت ..



اعجابي بلا حدود ..

،

ياسلام على الحضور الفاخر

وحياك الله ياخالد مبدع


وصح الله السانك مليوون


لك ودي وتقديري

والله مدري علامه طلعت ناقصة

على العموم مطلع القصيدة

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر مزنه والهواجس رعودها=والله على خلقة بفضله يقودها
اقبل على فكري صدوق ن مخايله=قافه بردها والروابع شهودها
ثعولها جزل المعاني ترازمت=وهتانها يظهر خوافي بنودها
ويفيض من وبـل القوافـي شعيبهـا=من عقب ما يبست من الماء عدودها[/poem]

الغنامي



عز الله العزيز انك شاعر شاعر شاعر


صح لسانك

أرحب يا خالد
أرحب

ومنوّر المرقاب إي والله


وصح اللسانك واللسان السليس ،

يامرحبا ياخالد

عز الله اني استغربت من المطلع في اول رد لكن بعدين اتضحت الرؤيا

ياليت المشرفين يلحقون المقدمه اللي فالرد الحامس الى اصل القصيده

وصح لسانك مليون والله


غيمار

صح لسانك صح لسانك صح لسانك



مبدع ياخالد الله لايضرك


مودتي واعجابي

يا مرحبا يا خالد

و الصراحه و الله ما حنا ناقصين غنانيم .. زاحمونا في المرقاب .. و انت تبي تزيدهم..


:icon_mrgreen:


لا و الله بالعكس الا الله يحييك و انا اخوك
بس تخبر .. من حبي للغنانيم و كرهي لهم في نفس الوقت :)
بديت بالجمله اعلاه...


مرحبا بك و حياك الله و الصدق انك شاعر و مكسب للمرقاب..

تحياتي و محبتي


اخوكم

ش. س.

الله الله

مصافحه اروع من الروعه

صح لسانك ياخالد .. :)

صح لسانك يا خالد ولاهنت ياغالي

ومرحبا بك

وبالتوفيق ان شاء الله

الله الله الله

ابداع وحضور مليء بالجزاله

صح لسانك لين ترضى

ولاهنت

احترااامي

و
ج
د

مرحبابك يا خالد الغنامي

حضور مميز وشاعر مبدع وجزل
أعجابي كبير بهذه الهلاليه

صح لسانك وبالتوفيق يا خالد :)

خالد ,
مبدع وشاعر جزل أتمنى لك التوفيق ,
مودتي لك .
:wardah:

ياسلام ياخالد



مبدع ورائع ومتمكن وجزل


بكل تأكيد وجودك بالمرقاب مكسب


صح الله لسانك


تقبل تحياتي

خالد

مااقول الا بيض الله وجهك على هذا الابداع

قصيده من مطلعها لختامها مليئه بالجزاله

تستاهل كل خير وصح لسانك

هههههههههههههههههههههههه

عاد أول مرة اكون في صفك واجد الغنانيم هنا :icon_mrgreen:


مير ياشفق ليش تحبهم ولا كرهك لهم شي يثلج صدري :icon_mrgreen:


نعود لخالد الغنامي


يامرحبا ياأبو خلود اي والله وصح لسانك وفي انتظار انضمامك معنا كعضو


برايفت لناصر تراحيب زيّنوا علاقاتكم معنا قبل يخربها شفق :icon29:

مافيكم حيله يالغنانيم

ربي وربكم الله

:)

صح لسانك وسلم فكرك

والله مايبيلك اشاده ياخالد

مبدع والشاهد الله

اتمنى انك تكون بيننا في المرقاب لانك مبدع

الله عليك يا خالد


صح لسانك مليون ولا يكفون


شاعر جميل ومبدع

يعلم الله


تقبل مروري واحترامي


كل الود

آخوك